Flamuri, plan sekret kundër vezëve më 22 mars

Doktori shpalli dje festën e radhës. Më 22 mars, tha ai, do jetë festa më e madhe e këtyre 20 viteve. Duhet të merren masat deri në imtësi.

Flamuri me agjencinë e tij fërkoi duart. I qartë që lekat nuk ia merr dot të gjitha Ridvani, e fut faturën 1 milionë euro me shpresë që po t’i marri 300 mijë, del me fitim.

Por sapo Doktori mbaroi fjalimin për festën, e thirri në zyrë.

-Flamur, dëgjo, shiko, problemi është tani tek festa. Ta them unë ty që ata kanë për ta prishur festën. Kam të dhëna se ata banditët e grupit të dhunës që hiqen si të persekutuar do na sulmojnë me vezë. Shiko, kam të dhëna të sigurta që Agron Duka dhe Sami Gjergji u kanë thënë nga një makinë secili me vezë e keni në dispozicion. Kanë me na provoku dhe do ketë gjakderdhje.

-Po do marrim masa Doktor, do nxjerrim policinë që në mëngjes, do heqim vezët nga supermarketi, dhe do mbyllim gjithë dyqanet afër sheshit.

-Jo Flamur, nuk asht zgjidhje. Ata mund të furnizohen një ditë më parë dhe i mbajnë në xhepa. E kupton ti apo jo? Sikur 100 vetë të jenë me nga 5 kokrra secili në xhep, jo, duhet masa të forta.

-Po ata të rreshtave të parë do t’i kontrollojmë Doktor, kemi marrë masa speciale. Më lër të tregoj. Kam folur me Paskuqanin dhe dibranët duhet të jenë katër rreshtat e para, kuksianët në krah të tyre, pastaj mirditorët pas tyre. Kështu ata njohin njëri- tjetrin nga dialekti dhe nuk hyn dot njeri tjetër. U kemi thënë po dëgjuat dialekt tjetër, kapeni menjëherë si provokator.

-Ashtu…, mirë, po shiko, jo, duhen dhe masa të tjera se ata mund të bëjnë ndonjë provokim. Shiko, kam të dhëna që do furnizohen me vezë. Do pyes dhe unë të tjerë ç’masa mund të merren, por ti duhet të bësh detyrën tënde.

-Doktor, me sa ka digju unë ata kanë në shënjestër Genc Pollon dhe Eduard Halimin kohët e fundit, ata të dy le të mos vijnë fare.

-Jo Flamur, e ke gabim. Ata synojnë të qëllojnë kryeministrin dhe kryetarin e Partisë Demokratike, d.m.th mua…

-Ty të marrin të keqen Doktor se aty bëhemi trup të gjithë.

-Mirë, dakord, shiko, dëgjo, më dëgjo mua, dakord, ashtu është siç thua ti, po shiko, ka një problem këtu, duhet me e zgjidhë, nejse, fol një herë me këta të policisë. Unë po flas me dikë tjetër.

Flamuri doli jashtë i hutuar. Paniku se të persekutuarit politikë mund të furnizoheshin me vezë pa lek, që u mjaftonin për gjashtë muaj, e futi në mendime. Nga mund të vinin vezët, ku mund t’i ruanin ata, kush do kujdesej për to, le që ata të prishura i duan, tha me vet, sa më të prishura, aq më mirë për ta… i ziente koka e nuk dinte ç’të bënte.

Doktori i shqetësuar vazhdoi konsultimet. Ambasadori i Hungarisë i kishte kërkuar takim.

-Si po ju shkojnë punët, i tha ambasadori?

-Shumë mirë, tha Doktori, ja do bëjmë një koncert të madh më 22 Mars. Do ta festojmë. Shiko, ne vërtet kemi problem me Bashkimin Evropian, por ata kanë qëndrime personale kundër nesh. Shiko, e di që SHBA janë të mërzitur me mua, se duan tu pranoj atë paçavuren që kanë sjellë si gjoja ekspertizë të FBI, por unë jam vend i lirë dhe sovran mo zotëri. Shiko, e di që ekonomia po bie dhe vendi është futur në krizë, por ne jemi vendi i rekordeve mo zotëri. Jo, nuk mund të ndalemi para asgjëje. Ju si i kini punët në Hungari? Si e kam mikun tim Urban?

-Dhe ne keq e kemi me Bashkimin Evropian, SHBA, medien, ekonominë, por të paktën nuk bëjmë koncerte.

-Dëgjo, e ke gabim. Koncertin duhet me e ba se ndryshe ata të vënë para dhe thonë po vajton humbjen. Jo, nuk e pranoj kurrë këtë gjë.

-Ju kam shumë zili, tha ambasadori. Ai kryeministri jonë i ka gjithë këto probleme, por nuk i qesh buza.

Sandri acarohet nga intervista me Sonilën

22:38 Antena

Kunati i Lulit në siklet për festën e Ditës së Verës

22:40 Antena

SMS e shkëmbyera gjatë mbledhjes për përzgjedhjen e projektit të parlamentit

22:29 Antena

Jozi, xheloze për Lul Bashën që e kopjon për maketet

23:06 Antena

Çimi i Çamëve diskuton çështjen çame me Flamurin

19:32 Antena

Jozi analizon gratë që folën për 8 Marsin

20:49 Antena

Aldo në ngatërresë për zyrë për zëvendësministrin çam

20:46 Antena

Mona dekonspiron menynë e Baba Mondit në darkë me Baba Liken

19:51 Antena

Flamuri sqarohet me Grigjën për 12 prioritetet e BE

21:33 Antena

Flamuri informohet se Pollo është ministri që mund të rrihet të enjten

19:54 Antena