Dylgjeri premton mbështetje të LSI për paradën Gay Albania

Një nga organizatorët e paradës së Gay Albania, që do të mbahet më 17 maj, i telefonoi dje Ministrisë së Ekonomisë për të mësuar se në çfarë faze ishin përgatitjet e qeverisë për të ndihmuar paradën Gay Albania. Nga hutimi sekretarja nuk dinte ku ta përcillte dhe thirri Ylli Dylgjerin. Dylgjeri e mori seriozisht detyrën.
-Urdhëroni, çfarë ndihme doni, i tha.
-Duam të dimë a do të mbështesni ju si Ministri nismën e kryeministrit për të mbështetur paradën tonë, i tha djali nga ana tjetër e telefonit.
-Patjetër. Partia jonë si parti e koalicionit shquhet për devijime të mëdha dhe si e tillë ajo gjen rastin të mbështesë këtë devijim të madh për hir të një qëllimi të madh që ne kemi vendosur si vetë emrin e madh të partisë sonë, që është Integrimi. Për këtë shkak, këtë devijim ne e shikojmë si një arsye për integrim dhe do t’iu mbështesim natën, ditën, kur të keni nevojë.
-Çfarë nënkupton kjo mbështetje, e pyeti djali, për shembull a do të mundnit ju të merrnit pjesë në paradë?
-Patjetër, i tha Dylegjeri. Ne jemi gati të sjellim gjithë 20 përqindëshin e partisë sonë në miting, por mbi të gjitha do të jemi bodigardët tuaj në paradë edhe për shkak të pozicionit gjeografik që ka ministria jonë në cep të bulevardit.
-Më falni, çfarë nënkupton kjo mbështetje fizike, tha djali.
-Si të ta shpjegoj, i tha Dylgjeri. Ju e dini që këta legalistët kanë futur shumë njerëz në punë në Gardë për shkak të traditës mbretërore dhe kam frikë se atë ditë ata do të armatosen. Ne do të ndërhyjmë tek Doktori që ata të pajisen me vibratorë në vend të automatikëve apo shkopinjve të gomës, i tha Dylgjeri.
-Faleminderit, i tha djali. Shkopinjtë e gomës dhe mund t’i mbajnë, por kjo e vibratorëve është shumë e mirëpritur. Ju faleminderit shumë. A mund të më jepni një liste personash nga ministria juaj që do të marrin pjesë në paradë?
-Për këtë do presësh pak, i tha Dylgjeri, se ne vërtet jemi parti e devijimeve të mëdha, por kemi dëshirë që në miting të vijnë njerëzit që kanë devijuar më shumë. Do bëjmë një analizë dhe do të sjellim më të devotshmit. Por kryesisht ata që kanë devijuar nga partia jonë si Prifti, Beqiri, etj.
-Dakord, i tha djali i kënaqur, përpiquni të zgjidhni njerëz me shije dhe finë. Por ju lutem shumë, nuk e duam Dritan Priftin se ai shkon me femra. Shikoni mundësinë të vijnë njerëz më finë të sërës sonë.
-Kjo na e komplikon punën, tha Dylgjeri, por sidoqoftë po pyes Monën se ajo i ka dosjet e këtyre punëve dhe nuk ngatërrohet.
-Faleminderit shumë, i tha djali i paradës. Nuk do tua harrojmë kurrë këtë mbështetje. Ju përfaqësoni me të vërtetë ngjyrat e ylberit, edhe të kuqe, edhe pink, edhe blu, edhe të verdhë sipas nevojës.
-Unë ju thashë, tha Dylgjeri, që ne jemi parti e devijimeve të mëdha dhe jemi mbështetësit kryesorë për këtë fenomen social që bazohet tek devijimi i madh. Do na keni gjithmonë në krah. Sapo të mbërrijë kryetari ynë nga SHBA, ku ndryshe nga të tjerët axhenda e tij ka pasur një devijim të madh tek zyra e antidrogës, ku është diskutuar gjerësisht për rreziqet që prekin dhe kategorinë tuaj nga përdorimi i drogës, ne do të marrim një qëndrim publik pro jush. Ju thash na keni mbështetje ditën dhe natën, dhe më 17 maj na keni me vibratorë në dorë para ministrisë.
Pas kësaj bisede djali i paradës mbylli telefonin i kënaqur. Dërgoi një e-meil për gjithë medien ku u komunikoi se lëvizja e tyre mori dhe mbështetjen e LSI.
Pas pak e-maili i tij mbërriti në zyrën e Flamurit.
Ky i fundit i shqetësuar mori Dylgjerin në telefon për ta verifikuar.
-E vërtetë është, tha Dylgjeri, do t’i mbështesim dhe është hera e parë që do ta bëjmë këtë punë pa lek.

Biznesmenët e Flamurit, takim me Doktorin

21:00 Antena

Ngatërresë në zyrën e Flamurit me vizitat në SHBA

21:15 Antena

Fatja, i mërzitur me Doktorin për vizitën në SHBA

21:33 Antena

Flamuri ngarkohet nga qeveria të organizojë paradën e gay-ve

19:47 Antena

Doktori qorton Qerem Spahiun për hurin ndaj homoseksualëve

22:08 Antena

Doktori hyn në Twitter me llogari të Glorit

19:40 Antena

Baba Mondi i vërtetë, dialogje me të ftuarit në festën e Sulltan Novruzit

21:45 Antena

Haxhinasia në takim me Doktorin për vizitën e Ramës

22:53 Antena

Flamuri konsultohet me Frrokin për punën e dosjes

21:09 Antena

Flamuri sqaron Jozin për miqësinë e re me kinezin Liu Qi dhe hungarezin Orban

23:08 Antena