Flamuri konsultohet me Frrokin për punën e dosjes

Frroki kish pasur një debat me Zaloshnjën në një emision televiziv dhe ishte acaruar kur i kishin kujtuar se ka shërbyer si spiun lagjeje. Meqë situata i doli jashtë kontrollit, pas emisionit mori Flamurin që ta shoqëronte me makinë nga TV pasi kish frikë mos e qëllonin.

Flamuri thirri një nga shoferët e PD-së që më parë ka pasë punuar në SHIK dhe e urdhëroi të shkonte tek TV dhe të mbante një karton me emrin e Flamurit në dorë që ta njihte personi që do të hipte. Shoferi shkoi. Frroki doli nga dera e TV, pa makinën dhe iu afrua.

-Ju u ka dërguar Flamuri, tha.

-Po, i tha shoferi, hip.

Frroki hyri me shpejtësi brenda.

-Ça ka ndodhë mor burrë, i tha shoferi, se ishte mërzitur shumë shefi?

-Janë këta pisat e Edi Ramës, më sulmuan, më thanë spiun, i tha Frroki.

-Jo mar burrë, çfarë legenash janë, i tha shoferi. Si guxojnë ata të ta thonë ty këtë që je mik i shefit.

-Plehra, i tha Frroki, ça pret prej tyre. Ku ke punu më parë ti?

-Kam qenë shofer në SHIK mo burrë, i di krejt kush ka qenë spiun se fliste shefi im në makinë atëherë.

-Kë ke pasur shef ti, i tha Frroki.

-Gazideden mo burrë, isha shofer i turnit të dytë kur e çoja në shtëpi dhe ishte gjithmonë nervoz dhe gjithë rrugës në telefon vetëm për spiuna fliste. Vallai atë Frrokun, si e ka pasë ai Frroku, e ka pas zët fort. Ça s’tregonte për të.

-Ashtu, i tha Frroki i prerë në fytyrë. Pse çfarë tregonte?

-Ou, ka qenë i poshtër fort ai, shante Doktorin dhe Doktori e merrte shefin në telefon dhe i thoshte çdo ditë a ja gjete dosjen. Ene shefi ia kish gjet dosjen një ditë dhe i lexonte letrat që ky Frroki i dërgonte kundër drejtorit të Fabrikës së Llullave. I thoshte ky më ka favorizuar mua që më ka lënë roje, ndërkohë që unë meritoj të vihem në punë të vështira se kam shkelur udhëzimet e partisë. Një herë tjetër i kish shkru që drejtori ka dashnore gruan që punon turni i dytë tek llullat. Kish qenë fort i keq ky Frroki.

-Ashtu ë? Po tjetër, tjetër ça i thoshte shefi?

-Ou, një herë i tregoj një të fortë. Ky Frroki kishte një dashnore dhe e merrte në makinë në Dajt. E kishin rujt këta të SHIK dhe i kishin shku me pistoletë kur e kishte zhveshë atë femnën. Ene ja kishin marrë makinën me gjithë femen dhe e kishin lënë cullak në Dajt. Pastaj i kishin vënë një roje tjetër ku do shkonte. Frroki priti derisa u err dhe pastaj zbriti deri afër Kinostudios. Aty hyri në një lokal, u fut në banjë dhe thirri të zotin e i kërkoi pantolla. U vesh, doli jashtë dhe filloi të bërtiste ça më gjeti, ça më gjeti. Ky roja po e ruante. Roja mendonte se Frroku kish hallin e asaj femnës që ia kishin marrë me makinë. Kur e dëgjoi mirë, e kuptoi që Frroki kish hall se kish një dosje në makinë për ambasadën greke dhe mos i kish humbë.

-Ashtë ë, tha prapë Frroki. Po tjetër, tjetër ça thoshte ndonjë gjë shefi për atë?

-Ou atij i ikte truri kur ia zije emrin në gojë. Thoshte të gjithë spiuna janë, po këtë nuk e duan as ata që u raporton.

-Ashtu ë, po tjetër, tjetër ca thoshte shefi?

-Vllajo, arritëm tani, s’kam kohë me tregu për atë byth… Ik se të trego shefi se ene ky di plot për të.

Frroki zbriti dhe u nis për tek zyra e Flamurit. Ky i fundit po e priste në korridor nga meraku.

-Hë si kaloi, tha, pati ndonjë incident, të njohu njeri rrugës.

-Jo, jo, biles as shoferi jot s‘më njohi, i tha Frroki.

-I ka humbë ca aftësi, i tha Flamuri, se ka pasë punu në SHIK, por prapë di plot histori. Tani më thuaj çfarë do nga unë.

-Dua të sigurohem keni gjë ndonjë dosje timen ju apo jo, se po është e sigurt që nuk e keni, unë do ta hedh në gjyq atë, tha Frroki.

-Ja të thërras shoferin, i tha Flamuri, se ai ka pasë punu me Gazideden dhe merr vesh nga dosjet.

-Jo, jo, lëre shoferin, tha Frroki. Po e lë farë, s’po e hedh në gjyq.

Flamuri sqaron Jozin për miqësinë e re me kinezin Liu Qi dhe hungarezin Orban

23:08 Antena

Sandri, debat me Doktorin për intervistën e Withers

22:11 Antena

Flamuri, plan sekret kundër vezëve më 22 mars

23:05 Antena

Sandri acarohet nga intervista me Sonilën

22:38 Antena

Kunati i Lulit në siklet për festën e Ditës së Verës

22:40 Antena

SMS e shkëmbyera gjatë mbledhjes për përzgjedhjen e projektit të parlamentit

22:29 Antena

Jozi, xheloze për Lul Bashën që e kopjon për maketet

23:06 Antena

Çimi i Çamëve diskuton çështjen çame me Flamurin

19:32 Antena

Jozi analizon gratë që folën për 8 Marsin

20:49 Antena

Aldo në ngatërresë për zyrë për zëvendësministrin çam

20:46 Antena