Flamuri shpërndan udhëzimet për e-qytetarin

Fjalimi i fundit i Doktorit për superfuqi teknologjike që synon më në fund krijimin e e-qytetarit, e vuri në lëvizje Flamurin. Sa herë që Doktori jep direktiva të tilla të mëdha, Flamurit i bie barra ta shpjegojë atë thjesht për qytetarët, që duan të kuptojnë direktivat e Udhëheqësit të Madh.

Ndryshe nga herët e tjera, dje vendosi të ndryshojë metodë. Thirri të deleguarit e PD-së për qarqet kryesore dhe vendosi tua shpjegojë atyre me qëllim që ata ta përhapin direktivën në rrethe.

Të deleguarit u mblodhën dhe hapën blloqet të mbajnë shënim.

-Siç e dëgjuat dhe nga ai Burri, tha Flamuri, Partia Demokratike ka vendosur krijimin e “e-qytetarit”, që do të jetë arritja jonë më e madhe në mandatin tonë të tretë. Ndryshe nga regjimi komunist dhe ideologjia e tij që tentoi të krijonte njeriun e ri, ne do të krijimin “e-qytetarin”, e cila në thelb është krijimi i një njeriu të komandueshëm me teknikën digjitale. Tani më duket nuk po ua shpjegoj mirë, por në thelb ajo që unë dhe ai Burri kemi menduar është që “e-qytetarin” ta kemi një produkt mbi të cilin mund të komunikojmë me teknikën digjitale. Tani rrjetin e internetin Bashkimi po e shtrin në çdo cep të Shqipërisë, pastaj me ndihmën e qeverisë do ta çojmë në çdo shtëpi dhe pastaj përmes planit tonë për “e-qytetarin” do të jemi në kontakt në çdo sekondë me “e-qytetarin”. Kjo ka qenë dhe ëndrra më e madhe e atij Burrit që sapo ai të hapte gojën apo të jepte një direktivë, ajo të shkonte tek çdo qytetar…

I pari u ngrit i deleguari i Pukës.

-Më fal or ti shoq, i tha, po si me ia ba në Pukë me ba dy teknologji, njana për “e-qytetarin” siç po thoni ju e tjetra për “e-katunarin” se vallaj kam me u vra në Pukë me ata njerëz.

-Nuk e di, ta diskutoj me atë Burrin, i tha Flamuri. Po e mbaj shënim kërkesën tuaj.

-Çfarë po thu mar Flamur, i tha Jozi. Ti don me i fut shkodranët anë në një kallëp me ata tjerët a? Duhet me ba patjetër një program për “e-shkodranin”. Nuk mendona na me u fut në një kallëp me krejt të tjerët.

-Dakord, i tha Flamuri. Unë po e mbaj shënim dhe këtë. Vazhdojmë me tej me qarkun e Dibrës, tha, se të Kukësit e kam vetë dhe jemi dakord.

-Ora taj, ne s’kena gjë kundër me “e-qytetarin”, veç në mujshi me na ndihmu me na sjell dhe do kallamboq për dimër, se boll katunarë dhe qytetarë kena pa bukë, s’mujmë me i mbajt gjallë veç me internet.

-Do ta shikojmë dhe kërkesën tuaj, i tha Flamuri, por duhet të jesh i qartë se programi ynë për “e-qytetarin” është afatgjatë dhe ka të bëjë me gjërat moderne, se s’ti shpjegoj dot tani se ti as e kupton çfarë është interneti, por sidoqoftë po e mbaj shënim. Ja e shkrova: “Dibra ka nevojë për bukë, grosh e internet”. Vazhdojmë me Qarkun e Lezhës.

-Mirë pasha Zotin s’kena gjë kundër veç s’di se me e ba këtë punë, a duhet me ua stampu këtë “e” krejt qytetarëve në kurriz, apo veç atyre që janë me PD?

-Jo, s’e paske kuptuar, i tha Flamuri. Nisma jonë për “e-qytetarin” synon që t’i fusë njerëzit në kompjuter dhe jo tu stampojnë shenjën e kompjuterit në shpinë.

-Vallai keka punë e vështirë tha. U dashkan porositë kompjuterët si arkivol.

-Le se të sqaroj më vonë, i tha Flamuri. Vazhdojmë me Qarkun e Durrësit. Ju a jeni të qartë?

-Po mor lal, e dina ne ç’është kjo punë e internetit, por dum me na e veçu programin për “e-bregdetarin” mos me u ngatërru me këta të tjerët.

Flamuri vazhdoi të mbante shënime. Kështu vazhdoi me qarqet me rradhë deri sa erdhi në Vlorë.

-Po ç’është o kjo nisëm o vëlla, po pse o eksperimente do bëjmë ne o? Ore nuk pranon populli i Vlorës të futet në kompjuter në 100 vjetorin e pavarësisë. Shikojeni mirë këtë punë ore se s’jemi njësoj si të tjerët…

-Po çfarë propozimi keni ju, i tha Flamuri.

-Po hiç o ç’propozim të kemi, ja prodhojeni një herë këtë “e-qytetarin” dhe silleni në parakalim në Vlorë për 100 vjetorin, se jemi keq për njerëz, se ti e di që Vlora do jetë në tribunë në festë.

-Po nuk është se do prodhojmë njerëz të rinj, i tha Flamuri, këta njerëz që kemi do t’i fusim në kompjuter, si të të them unë se s’ta shpjegoj dhe dot.

-Po ç’të më shpjegosh vëlla, shoku Enver tha do bëjmë njeriun e ri e në futi në dhe të gjallë, ti na thua do tu fus në kompjuter dhe do tu bëj “e-qytetar”. Nuk i ha populli i Vlorës këto, prandaj modifikojeni këtë, kur të vini në Vlorë dhe thoni që është dekoratë. Ndryshe s’ua pranon njeri.

Baba Mondi i OSBE nis fushatën “Jozi for President”

19:57 Antena

Dylgjeri premton mbështetje të LSI për paradën Gay Albania

20:25 Antena

Biznesmenët e Flamurit, takim me Doktorin

21:00 Antena

Ngatërresë në zyrën e Flamurit me vizitat në SHBA

21:15 Antena

Fatja, i mërzitur me Doktorin për vizitën në SHBA

21:33 Antena

Flamuri ngarkohet nga qeveria të organizojë paradën e gay-ve

19:47 Antena

Doktori qorton Qerem Spahiun për hurin ndaj homoseksualëve

22:08 Antena

Doktori hyn në Twitter me llogari të Glorit

19:40 Antena

Baba Mondi i vërtetë, dialogje me të ftuarit në festën e Sulltan Novruzit

21:45 Antena

Haxhinasia në takim me Doktorin për vizitën e Ramës

22:53 Antena