Te fundit
Guardiola: Titulli mbetet pothuajse i pamundur!
10 Prill 2012, 10:04Sport
TEMA
Ndonëse diferenca mes Real Madrid dhe Barcelonës është shkurtuar në 4 pikë, nga 10 që ishte më parë, Pep Guardiola vazhdon t’i qëndrojë besnik idesë së tij se Real Madrid e ka të fituar këtë titull kampion. Ai tregon se tashmë do të jetë shumë më e vështirë që madrilenët të lënë pikë, pasi do të jenë të përqendruar në maksimum, ndërsa Barça nuk po kalon një moment shumë të mirë për shkak të dëmtimeve të njëpasnjëshme.
“Ata mund të lënë pikë, ne jo. Tani është shumë më e vështirë se sa kur ishim 10 pikë pas tyre. Duket sikur ne e kemi marrë titullin kampion por në fakt 4 pikë diferencë janë shumë ndaj këtij Real Madrid. Ka shumë punë për t’u bërë, mjafton një gabim i yni dhe ata e kanë të fituar titullin”.
“Po ju kujtoj se asnjë skuadër në histori nuk ka mundur t’i rikuperojë 10 pikë Real Madridit. E përsëris që është thuajse e pamundur të marrim titullin. Mund të duket sikur po them gënjeshtra por unë vazhdoj të them atë që ndjej”.
Të gjithë mendojnë se e rëndësishme është të arrihet një diferencë prej 2 pikësh nga Reali, pasi mendohet që në ndeshjen direkte Barcelona do të dalë e fituar nga “Kamp Nou” duke rimarrë kreun e klasifikimit. Por Guardiola nuk e sheh në të njëjtën mënyrë.
“Kur të vijë Reali këtu do të shohim se si do të jetë situata dhe se çfarë mund të ndodhë. Ndonëse njerëzit e shohin si të fituar, kjo sfidë mund të humbet shumë lehtë. Për të dalë ne kampion duhet që të fitojmë 7 ndeshjet e radhës e kjo do të thotë që në total të kemi fituar 15 ndeshje radhazi, një arritje e pamundur për kushtet aktuale ku kemi shumë probleme me dëmtimet, sidomos në mbrojtje. Për këtë arsye u kam thënë edhe lojtarëve: Më pak buzëqeshje, më shumë vrapime”, deklaroi trajneri i katalanasve para sfidës së sotme me Getafen ku skuadra e tij mund të shkurtojë në 1 pikë diferencën me kreun, para derbit të Madridit që luhet të mërkurën
4 komente në “Guardiola: Titulli mbetet pothuajse i pamundur!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Guardiola si gjithmone pragmatist dhe me kembe ne toke.Trajner i madh por dhe psikolog gjithashtu. por dhe une mendoj qe Reali e ka thuajse te fituar La Ligen,por n.q.s. ai le pike derisa te perballet me barcelonen atehere mund te themi se e ka te humbur ate. Barcelon nga data 14 deri ne 24 prill ka ndeshje jashtezakonisht te veshtira duke filluar me Levanten vazhduar me Chelsea ,Realin dhe perfunduar prape me Chelsean . Sidoqofte rivalitei midis Realit dhe Barcelones po na jep kenaqesine e te shijuarit te futbollit. Kjo ka ndodhur te pakten para 40 vjetesh midis AJAXIT dhe BAYERNIT por vetem ne Kupen e KAMPIONEVE, kur ne ate kohe me kujtohet nie thenie profetike e simpatikut dhe patetikut SKIFTER KELLICI qe predikonte se kembet e holandezevet prekin cdo centimeter te fushes dhe vecanarisht ato te Johan Kruifit dhe se ky futboll i tyre do te luhet pas viteve 2000!
Dhe thoni pastaj qe Skifter Kelliçi nuk ka patur te drejte….
nuk i dihet
tani ne futboll gjithshka mund te ndodhe
Duhen thene gjerat sic jane. Kjo me duket pak modesti e teperuar. Realiteti eshte: Cdo gje eshte e mundur. Vetem per nje gje ka te drejte Guardiola. Nje humbje e Barces mbyll gjithcka. Por te thuash titulli mbetet i pamundur me duket jo modesti por pordhacesi e teperuar. Aq me teper po te kemi parasysh formen e shkelqyer qe po kalon Barca.