Te fundit
Ardian Klosi iku; kulturës shqiptare duhet t’i dhembë kjo ikje
27 Prill 2012, 17:12Blog
TEMA
Nga Mustafa Nano
Sikur ta kisha në dorë, do t’i ndaloja të gjithë të flisnin për vetvrasjen e Ardian Klosit. E do t’i ftoja të flisnin për Ardianin, ashtu si ai ka qenë, ashtu si e kanë njohur, për atë që ai ka bërë në lëmin e kulturës shqiptare. Sigurisht, në fund unë e di që askush s’ka për t’ma vënë veshin, e di se të gjithë do të rrëmojnë me zell në gjestin e vetvrasjes për të zbuluar një hiç (e çfarë tjetër mund të zbulohet duke mihur në një gjest të tillë?), por shpresoj që të bëjnë edhe tjetrën, të flasin për Ardian Klosin.
Dani ishte i ndrojtur, i brishtë, i pambrojtur, i padjallëzuar. Ishte mbi të gjitha i ndershëm, dhe kjo frazë e fundit është nga ato që mund të thuhet për fare pak vetë në këtë Shqipërinë tonë. Ishte njimend i ndershëm. Dhe nuk ishte i ndershëm për një standard moral, por ishte i ndershëm – kështu më është dukur mua – për një fakt visheral; dhe njerëzit, tw cilwve ndershmëria u del nga rropullitë, janë edhe lehtësisht të manipulueshëm; janë të tillë se ata nuk dinë të dyshojnë tek të tjerët, nuk dinë ta çojnë mendjen tek fakti se dikush mund t’ua ketë me hile.
Nëse ka pasur një gjë te Dani, që mua më bënte të jetoja ca si shumë me limitet e mija, kjo gjë ka qenë fakti se ai ishte i rafinuar dhe plot klas në sjellje; deri dhe përballë një harbuti nuk dinte të dilte nga binarët. Dinte të ishte i hidhur sa të duash, por i hidhur në llojin e vet; dmth për t’u ndeshur me të ligun nuk huazonte armë të të ligut. Nuk dinte ta bënte këtë gjë. Ndoshta i mjafonte ‘la propria cattiveria’ (thonjëzat në këtë mes janë shumë të rëndësishme).
Dani ishte (dhe është) një njeri i kulturës, një punëtor i kulturës shqiptare, një njeri që kish instiktin e kërkimit e të thellimit në gjërat që studjonte. I mungonte kontakti me vulgun, me rrugën, me ambientet jo akademike, dhe kjo së pari e bënte të dukej i pambrojtur në shumë situata, së dyti ia mbante herë pas here logjikën dhe përsiatjet në nivelin e një naiviteti intelektual, që u ka hije të gjithë mendimtarëve safi; ose të gjithë atyre që kanë lindur e janë rritur në një botë librash.
Ardian Klosi nuk është më, dhe unë nuk di të them, se kur është hera e fundit që kulturës shqiptare i është dashur të vajtojë një ikje të parekuperueshme. Por sado kohë që të ketë, ajo ka kohën dhe sot. Duhet të vajtojë ikjen e Ardian Klosit.
http://respublica.al/opinion/2012/4/27/ardian-klosi-iku-kultures-shqiptare-duhet-ti-dhembe-kjo-ikje
8 komente në “Ardian Klosi iku; kulturës shqiptare duhet t’i dhembë kjo ikje”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Oh sa te drejte qe ke o Mustafa vellai. Me ka hypur nje e qare me gulce… Ne fillim u trondita, u mpiva… tani po qaj me ze. Po qaj se me ka vdekur shpresa per Shqiperine, se Atdheu im eshte bere nje toke qe ushqen qente dhe nga e cila engjejt largohen. Ky eshte me te vertet kob, sepse humbem NJERIUN. Nuk kam njohur ne Shqiperi nje qenie me te bute dhe me njerezore se Ardiani. Zoti paste meshire per ne, qe nuk dime te kujdesemi per djemte tane me te mire.
O ç’mjerim e ze at’ vend, at’ popull qe e ben mjeran! Po si nuk degjova ne keto 20 vjet nje maskara i politikes o nje kriminel te vras veten? Po pse pak ka te till ai vend qe i mbiu ne keto 20 vjet? Po shkon ai i Miri, i ndjeshmi, i Ndershmeri, qe luftoj, jo per veten e tij, por per te Drejten e atij te varferi qe e mohoj ai pseudopolitikan kriminel! Po si nuk polli nje trim ai vend? Nje duhet qe te ndryshoj fatin dhe rjedhen e fatit per ate popull fukara deri ne mjerim.
Ngushullime me te thella familjes e njerzve te tij te dashur. Plaku Sheme
Sipas numurit te komenteve poshte shkrimeve rezulton se Shqiperia ka shum “trima” me nje karakteristik tipike shqiptare qe te fshehen mbas anonimesh te ndryshme.Autoret shkruajn me emer e mbiemer komentuesit me pseudonime, si ne rastin Tuaj qe edhe ngushellimet per familjen e te ndjerit Ju pelqen ti beni anonime zoti “Plaku Sheme”.Ti jete e lehte toka qe do ta mbuloj TRIMIN e VERTET (nga te rrallet) ne ate vend kacakesh.Me konsideraten me te larte Sevo Rroshi Athine Gr.
alldo bumcit ju pre oreksi qe kur mesoi per te ndjerin Ardian Klosin.
HUMBJE E MADHE PER KULTUREN. NUK VAR VETEN ILIR KOKELOPAI PORDHICANIT…
P.S. PERSE NUK U MBAJT DITE ZIE?
nje me pak
Shume arsyetime te sakta z. Nano. Ikja e Klosit na ka perlotur te gjitheve. Nuk e dinim se natyra e tij na kish prekur kaq thelle.
E lehte i qofte lendina! Rrofte Shqiperia!
Ngushellime te sinqerta familjes, miqve e shokeve. Eshte e tmerrshme kur iken nga jeta nje njeri, qe kishte shume per ti dhene ketij vendi, eshte humbje e madhe per kete vend dhe per kete popull te nenshtruar, ku njeriu i ndershem nuk gjen vehtvehten, nuk e duron dot kete jete mizore. I paharuar qofte.