Te fundit
Fryma kushtetuese po cenohet nga profili i kandidateve të vetëshpallur
3 Maj 2012, 18:21Blog
TEMA
Nga Griselda Qosja
Qëlloi, te ndodhesha ne Prage gjate kohës ne te cilen Presidenti i Çekisë, e shkrimtari i dashur Havel ndërroi jete. Praga, ato dite, pat marr hijen e një dhembje te rishte, jo gjemadhe, por çuditërisht te hijshme, e te sinqerte. E cila shquhej lehtësisht nder qindra qytetare, qe ne heshtje vendosnin qirinj e lule bri imazhit te ish-presidentit qe nderej prej Muzeut kombëtar. Me një mallëngjim aq te ndjere, sa nuk mund te mos i bashkoheshe.
Çaste te tilla, janë te rëndësishme, pasi kupton rendësin e një jete te çuar persembari, respektit e dashurisë qe puna dhe qenia jote, ngjall ne te tjerë. Pastaj, si gjithnjë pas disa minuta përsiatje, ngjarja nis te ngacmoje edhe ne një plan, pak me pak vetjak. E nis te mendosh se sa rëndësishme është një jete e çuar persembari, se sa e rëndësishme është dashuria dhe respekti qe dikush ngjall jo vetëm si një qytetar i thjeshte e anonim, por edhe si një njeri qe puna apo rastësia, e ka vendosur ne krye te një populli.
Ish pikërisht kjo ngjarje, e cila m’u grish se fundmi prej debatit qe ka kapluar shoqërinë shqiptare këto dite përkundrejt zgjedhjes se Kryetarit te Shtetit. U përpoqa te sillja ndërmend, por pa rezultat, një figure politike te cilën, ta kemi dashur aq fort njëzëri te gjithë. Një figure te cilën te mos e kemi përbaltur, sulmuar, apo fosilizuar ne përkatësi partiake. E urova, qe vite pas kësaj, te mund ta gjeja një te tille.
Ne vendin tone, qe prej shpalljes se Pavarësisë, me 1912, kemi provuar një sere modelesh qeverisje, qe prej protektoratit ndërkombëtar, monarkisë te atypëratyshme, regjimit totalitar njehsuar me partine-shtet, e se fundmi ne këto 20 vitet e mbrapme edhe republikën parlamentare. Veç, ekzistenca e larmisë ne ketë rast nuk është tregues i një populli vizionar ne kërkim te modelit me te mire, por rrjedhoje, e pashmangshme e zhvillimit te kushteve historike. Rrjedhoje, e cila është tregues ne mos tërësor i pjeseshem, i mungesës se stabilitetit, vijushmerise, e besueshmërisë institucionale, dialogut e kompromisit. Ekzistencës se luftës se brendshme, e cila e sheh tjetrin, te ndryshmen, jo si sfide për përsosje, por si kërcënim qe duhet zhbëre. E druhem shume, qe edhe ketë here nuk do te mund t’i shpëtojmë, grackës se interesit vetjak, e përdorje se pushtetit edhe si qellim edhe si mjet njëherazi. E zgjedhja e Kreut te Shtetit s’do te jete veçse një mjet-mbartës-shpresash, për fituar epërsi ndaj palës tjetër.
Është e vërtete duhen veç 71 vota, për te zgjedhur një President. Çka i jep mundësinë mazhorances se sotme te ketë një rol kyç e vendimtar ne zgjedhje, e literalisht te ketë defacto fuqinë ne zgjedhjen e tij. Por fryma kushtetuese është e qarte, kryetari i shtetit duhet te jete simbol i unitetit kombëtar, duhet te qëndroj mbi palët e te garantoje paanshmërinë institucionale duke balancuar pushtetin. Ne kushte tilla një kandidature me një te shkuar politike, nuk do te qe tjetër veçse një sfide e hapur ndaj atyre themeleve si pavarësia e pushteteve, te cilat ne demokraci janë jetike. Sepse është feminore te mendohet qe një individ, te shuaje e te ndeze bindjet me komande, me t’u vendosur ne pozicionin e Kryetarit te Shtetit, e te harroje kështu tere leksionet e shkuara, preferencat, e bankën e ndereve për t’u kthyer.
Ndaj është e një rëndësie thelbësore qe debati te përqendrohet jo veç tek individi/kandidatura, por edhe ne proces. Sepse vetëm duke garantuar një proces konsesual te ngritur mbi themelet e dialogut politik dhe qytetar, mund te garantohet siguria tek individi, si rrjedhoje e jo gjenerues i se pares. Sigurisht është me e lehte te propozohen figura te shquara prej shoqërisë civile , shkencës, e kulturës. Por kjo do te qe një garanci e përkohshme fluturake, e kufizuar prej kufijsh kohor mandatesh. E ne mos sigurofshim asnjërën e as tjetrën, atëherë mund edhe te rimendonim modelin e perse jo te shqyrtonin edhe mundësinë e një presidenti te zgjedhur prej popullit, qe do te detyronte Kryetarin e Shtetit, te ish përgjegjës ndaj këtyre te fundit, jo ndaj aksh partie.
E deri me tani, kandidaturat e përfolura nen zë ose jo janë, shqetësuese. Qofte për perkatesine e tyre te hapur, te pastër e te pamohueshme politike, qofte edhe për guximin e tepruar te vete kandidimit. Fundja ne kushtetute thuhet qarte se President mund të zgjidhet vetëm shtetasi shqiptar që nga lindja, me qëndrim jo më pak se 10 vjetët e fundit në Shqipëri, jo dikush qe tete vitet e fundit i kaluar me se shumti ne kryeqytete te huaja, pa dhëne asnjë kontribut minimal ne vitet e fundit, ne vendin ne te cilin pretendon te vendoset ne krye.
Presidenti është Kreu i Shtetit dhe si i tille duhet te jete një shembull frymëzues për bashkëkombësit e tij. Te jete mbrojtes i vlerave dhe idealeve te vendit duke u shndërruar ne një simbol te gjalle te kombit. Një pike e tille, referimi na duhet me doemos, qe te mos sillemi si Diogjeni ne mesin e ditës, me pishtar ne duar për te kërkuar jo vetëm një njeri te drejte, por edhe një president te denje, qe mbi te gjitha refuzon te kthehet ne marionetë e lojërave te pushtetit.
9 komente në “Fryma kushtetuese po cenohet nga profili i kandidateve të vetëshpallur”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me falni, cfare perfaqeson kjo gruaja qe ka shkruar artikullin, qe na thote se presidenti eshte kreu i shtetit. Aman o Tema c’jane keto anonime. Pastaj edhe kur jane anonime, sqaroheni se cfare perfaqesojne! Faleminderit
Po ti kush je,o ANONIM SHIK-U,qe te vret syte nje femer idealiste!!Mos duhet te te marrer leje ty,qe te shkruaje nje artikull???Po perfaqesimi i saj,perse te duhet ty,o qyqar???Kujton se femra si Mesila Doda apo Rajmonda Bulku kane dhene mendime me te GARANTUARA se kjo zonje(zonjushe)??Te pakten kjo nuk KA VARUR NJERI TEK PALMA E KRYEMINISTRISE,ndaj mos ki FRIKE!!!Jemi apo nuk jemi ne demokraci???Aha,ke te drejte ne nje ane!!Thuhet se jemi ne DEMOKRACI,por ne fakt jetojme ne FASHIZEM!!!
Griselda, je e re dhe do mesosh se keshtu ndodh kur ke lidere karagjoze ne politike!
?
http://imazheshqip.blogspot.com/2012/04/3-borats-made-in-albania.html
Pershendetje,
Ju falenderoj per komentin. Me poshte do te gjeni dy fjale, qe ndoshta mund te zhbejne anonimatin. : )
Griselda Qosja, vazhdon studimet ne universitetin Austin te Texas, USA me burse te Fondacionit Soros. Qe prej tre vitesh eshte prezente ne shtypin e shkruar me nje sere artikujsh te publikuar ne gazetat shqiptare dhe ato te kosoves si edhe me nje rubrike javore ne nje prej te perditshmeve shqiptare. Griselda, eshte aktiviste e shoqerise civile qe prej vitit 2006, si themeluese e Levizjes Rinore per Zhvillim. Deri ne vitin 2011 ka mbajtur postin e Drejtueses Ekzekutive te Parlamentit Rinor Shqiptar.
Ju kerkoj ndjese per veten e trete, por per hir te kohes m’u desh ta copy-paste.
Urimet me te mira,
Griselda
Sinqerisht,
Te lumte dhe urime.
Edhe ti ramo-soriste qeke ??? hiq dore nga ajo burse se do te marre ne qafe ashtu sic ka marre ne qafe qindra t tjere para teje ?
Manolis Glezos, Heroi i Akropolit-Greqi, ne mitingun e permortshem, eshte shprehur: U befasova kur pash nje popull te tere qe po qante dhe thash -Nje popull mund t’a mbash te shtypur,te ndrydhur. N -Nje popull mund t’a besh qe te vuaj, -Por nje popull te tere nuk mund t’a besh qe te qaje per Ty! Kjo eshte madheshtia e Enver Hoxhes! Griselda: Te Fale per shkrimin, per shkak te moshes qe ke! Nuk fale KAMELEONET, NIHILISTET e moshuar! Per turpin e tyre, shkruajne “Zi e me Zi” per “regjimin totalitar te njehesuar me partine-shtet”. Te Mohosh LANC kunder pushtuesve Fashist-Nazist e bashkepuntoreve te tyre Ballisto-Zogist/ Te MOHOSH Rindertimin Vendin e shkaterruar nga lufta e me tej Ndertimin ne fushen e Shendetesise, Arsimit, Ekonomise ne gjithe fushat e saj, ne periudhen 1945-1985, e se Fundi, brenda 22 vjeteve te SHKATERROSH gjitheshka te ndertuar me mundin e djersen e ketij populli eshte KRIM unikal ne Ballkan e Europe! Ideatorin dhe Realizuesin e ketij KRIMI Historia do t,a ngrej ne PIEDESTAL ne Varrezen Mbreterore qe kerkon te ndertoje per 100 vjetorin e Pavaresise.
Sindroma popullore e “veteshpalljes” duket edhe nga komentet ndaj ketij artikulli. Sa keqe qe disa nga komentet kane harruar qe pas kritikes te komplimentojne nje zonjushe te re shume te talentuar, qe edhe pse eshte aq larg vendit te vet, ndjek me vemendje gjithcka qe ndodh, ndryshe nga shumica e te rinjve.
Faleminderit per artikullin Griselda!
urime per artikullin