Ina Rama, ‘shuplakë’ gjykatave dhe ministrisë së Drejtësisë

(E PERDITESUAR)- Kryeprokurorja ‘shuplakë’ qeverisë për krimin. Policia e Shtetit ka ulur ndjeshëm referimin e çështjeve që lidhen me korrupsionin dhe trafiqet. Ina Rama tha se kontrollet e Ministrisë së Drejtësisë në organin e akuzës janë jashtë tagrit të saj kurse përfundimet janë hipotetike dhe imagjinare

Prokurorja e Përgjithshme, Ina Rama, ka raportuar në Komisionin e Ligjeve në lidhje me punën e vitit të shkuar. Në fjalën e saj, Ina Rama tha se në vend ka një rritje të koeficientit të kriminalitetit për banorë. Ajo deklaroi se ka 698 raste krimesh për 100 mijë banorë. Sipas saj, zonat më problematike janë Vlora, Gjirokastra, Durrësi, Korça, Tirana dhe Lezha. Kryeprokurorja deklaroi se 86 përqind e rasteve kanë shkuar në gjykatë. Rama vlerësoi punën e njësisë së përbashkët mes policisë dhe prokurorisë, por rezervoi sërish të njëjtën vërejtje ndaj policisë. Ajo tha se është ulur referimi i veprave të ardhura nga policia për korrupsion dhe për trafiqe. Krimi kryesor në vend vazhdon të mbetet vjedhja, që është rritur në nivele të frikshme. Ina Rama tha se 41 përqind të veprave kriminale i përkasin pikërisht vjedhjes. Zonja Rama tha se krimi i vjedhjes është shtuar shumë, dhe se vjedhjet janë rritur për shkak se nuk ndëshkohen autorët. Ina Rama tha se prokuroria ka të drejtën të informojë për kriminalitetin në vend dhe jo ministria e Drejtësisë, e cila mbështetet në statistika fare pjesore dhe dezinformon Kuvendin dhe opinionin publik. Rama deklaroi se imuniteti është pengesë për hetimin e zyrtarëve të lartë. Ajo tha se ata nuk hetohen dot për shkak se duhen vënë në dijeni e pa iu hequr imunitetin.

“Numri i kërkesave për heqje imuniteti është shumë i vogël. Janë 3 kërkesa në janar të këtij viti dhe dy në vitin që shkoi. Kemi dërguar në Kuvend pesë kërkesa për heqje imunitetesh. Është i vërtetë dhe shqetësues fenomeni i daljes së informacioneve në media. Problemet gjatë hetimit na vijnë nga pasja e imunitetit të zyrtarëve, veçanërisht në hetimin proaktiv të rasteve korruptive, që kërkojnë domosdoshmërisht një hetim të fshehtë, pra një hetim ndaj zyrtarit pa dijeninë e zyrtarit”, tha zonja Rama.

Duke komentuar raportin e Ministrisë së Drejtësisë për inspektimet në organin e akuzës, Ina Rama tha kontrollet shpesh janë kryer jashtë tagrit të Ministrisë së Drejtësisë. Ajo tha se qëndrimet janë shpesh hipotetike dhe imagjinare.

Për kryeprokuroren Ina Rama, Gjykata e Larte ka manifestuar me vendimet e saj 2 standarde, për çështje shumë të ndjeshme për publikun. Ajo kërkoi nga legjislativi të amendojë ligjin për t’i dhënë mundësi Prokurorisë të apelojë në Kushtetuese vendimet e Gjykatës së Lartë.

deputeti Bashkim Fino, ngriti nje shqetesim krejt te veçante qe ka te beje sipas argumentimit te tij, me cenimin e demokracise, vjedhjen e zgjedhjeve. Fino u shpreh se nuk ka ende asnje te denuar pavaresisht se u regjstruan nje numer i madh kallëzimesh per abuzime me procesin zgjedhor.

“Zonja prokurore në vitin 2011 ju keni regjistruar 25 procedime penale nga të cilat 14 të pandehur. Nga këta po vihet re që asnjë prej tyre nuk po dënohet. Dua të di reagimin tuaj dhe të institucionit që ju drejtoni  për mosdënimin e asnjë të pandehuri që ka cënuar zgjedhjet e lira dhe që deformon zgjedhjet”, tha Fino

“Ne kemi ngritur akuza dhe mendojmë që akuzat tona duhet të qëndrojnë. Pjesa e procesit gjyqësor dhe vendimmarrja e gjykatës është një gjë që duhet ta presim ende, përsa kohë nuk kemi një statistikë”, tha Ina Rama.

Pjesa me e madhe opozitës ngriti shqetesimin e korrupsionit ne gjyqësor per te cilen Ina Rama deklaroi se, duhet hequr imuniteti i tyre, duke rënduar akoma edhe më tej akuzën e saj, duke i cilësuar vendimet e tyre korporative.

“Sistemi korporativ është një shprehje me definicion shumë të rëndë. Kemi të bëjmë me një organizim të strukturuar njerëzish, të cilët veprojnë mbi ligjin”, tha deputeti socialist Pandeli Majko.

“Dy standarde, të cilat nga njëra anë kalçifikojnë kulturën e pandëshkueshmërisë dhe nga ana tjetër përkëdhelin të fortët dhe të pushtetshmit”, tha deputeti tjetër socialist Sajmir Tahiri.

21 janari ishte një teme që u prek shume, por për të u dhanë pak pergjigje. Shqetësimit të deputetit Edi Paloka per denim te paktë të demonstruesve te 21 janarit, te cilet dogjen dhe ushtruan dhune, sipas tij, Rama u pergjigj se i ka derguar te gjithe ne gjykate.

Ne fund te kesaj seance shqetesimi i kreut te komisionit Ilir Rusmali ka qene shqetesimi qe ILDKP-ja, KLSH-ja apo edhe Drejtoria e Pastrimit te Parave ka patur per organin e akuzes. Midis te dyve ka nje konkluzion perfundimtar per t’u bere pjese e rezolutes.

“Kur institicionet i janë drejtuar Prokurorisë janë ekstremisht pak dhe nuk justifikojnë ankesën e institucionit ndaj prokurorisë, ose rastet janë të tilla që Prokuroria i ka çuar në Gjykatë dhe nuk justifikojnë ankesën ndaj Prokurorisë. Institucionet për shkak të statistikës, nuk kanë të drejtë në ankesën e tyre”, tha Rusmali.

Pasuritë e ministrave të rinj, Panariti më pasaniku, Noka e Tavo marrin dhurata të majme nga vëllezërit

09:57 Politika

Vjedhin makinën bashkë me foshnjen 1 muajëshe brenda

09:47 Politika

Albpetrol, 80 mln lekë vëllait të Lulzim Bashës, shkelet ligji

09:42 Politika

Lulëzim Basha JEP LEJE për një kullë te re tek lulishtja e ‘Vëllezërve Frashëri’

21:17 Politika

Sekuestro mbi pasuritë e biznesmenëve

20:40 Politika

Bojaxhi: Arvizu është i mjegullt, kritikon KQZ-në e më pas takon Bashën

19:48 Politika

FOTO LAJM: A është ky imazhi i demokracisë shqiptare?

19:30 Politika

Berisha shpjegon në Strasburg sa mirë i ka punët me opozitën dhe... nuk di çfarë të thotë për Nagorni Karabakun

19:02 Politika

Jep dorëheqjen ministri grek i Financave, Qipro kërkon zyrtarisht ndihmë nga BE

18:19 Politika

INTERVISTA/ Klosi: Shërbimet inteligjente “paralele”, situatë që të fut frikën

18:00 Politika