Totenhem kërkon 35 milion paund për Modriç

Trajneri i Totenhem, Andre Vijas Boas, i ka bërë të qartë kroatit Luka Modriç se nuk do të lejohet të largohet nga kjo skuadër derisa dikush të ofrojë 35 milion paund për blerjen e tij.

Modriç është një objektiv i merkatos si për Real Madrid, ashtu edhe për Mançester Junajtid, ndaj Totenhemi e di që do të jetë e vështirë të mbajë yllin e mesfushës së saj. Por anglezët e dinë vlerën e futbollistit dhe nuk duan ta lënë t’i ikë nga duart mundësia për të përfituar sa më shumë ekonomikisht nga kjo çështje.

“Ka patur interesim të vazhdueshëm për Modriç nga tre klube të ndryshme. Por është e rëndësishme që Totenhem të ketë mundësinë të thotë fjalën e vet në këtë çështje”, deklaroi Vijas Boas.

“Situata e tij do të vazhdojë ashtu siç është derisa të na ofrohet një shifër e përshtatshme. Luka është një person inteligjent dhe e di që klubi duhet të mbrojë vlerën e tij, të drejtat që ka dhe interesin. Oferta nuk përputhet me atë që kërkon bordi drejtues i klubit. Nëse do të përputhet në të ardhmen, atëherë nuk do të ketë asnjë lloj problemi”, tha portugezi.

Modriç e ka shprehur publikisht dëshirën për të ndërruar skuadër pasi dëshiron të luajë në Ligën e Kampioneve, një mundësi që ia ofrojnë si te Mançester Junajtid, ashtu edhe te Real Madrid.

Futbollisti, që iu bashkua klubit anglez nga radhët e Dinamos së Zagrebi katër vite më parë, është në kontratë me klubin deri në vitin 2016.

Ambrozini ngushëllon tifozët e Milanit

11:12 Sport

Der Spiegel: Londra, një dështim Olimpik

10:50 Sport

Ronaldo: Liga spanjolle, më e vështira

17:35 Sport

Mesi përjashton Ronaldon: Topi i Artë mes meje dhe Kasijas

12:42 Sport

Edhe Kasano drejt largimit nga Milani?

12:35 Sport

UEFA fitime rekorde prej “EURO 2012”

11:41 Sport

Shaqiri vs Robben, nis dueli mes tyre

10:34 Sport

Gattuso: Allegri fajtor për largimin tim dhe të Nestës

17:22 Sport

Junaited, klubi më i vlefshëm sportiv

13:03 Sport

“Këtu bëhet seks i shfrenuar”

12:10 Sport