Te fundit
Junaited, klubi më i vlefshëm sportiv
17 Korrik 2012, 13:03Sport
TEMA
Mançester Junajtid është cilësuar përsëri klubi më i vlefshëm sportiv, sipas renditjes së publikuar nga Forbes, duke lënë përsëri pas gjigandët e Real Madrid në renditjen vjetore të 50 klubeve.
19 herë kampionët e Anglisë, të cilët shumë shpejt do të kuotohen në bursë, u vlerësuan 2.23 miliard dollarë, nga 1.86 që ishin vitin e kaluar dhe janë 19% më lart se madrilenët që mbajnë vendin e dytë me 1.88 miliard dollarë.
Lista e 50 klubeve sportive, e cila në total vlen 53 miliard dollarë, përfshinte shtatë skuadra futbolli, ku Arsenali ka rënë tre vende duke mbajtur tashmë pozicionin e 10-të, ndërsa Barcelona ka bërë një ngjitje prej 18 pozicionesh duke qenë e 8-ta.
Bajern Mynih mban vendin e 11-të, Milani është i 27-ti, ndërsa Çelsi mban vendin e 45-të në këtë listë miliardësh.
Ferrari ishte skuadra e sporteve motorike që qëndron në majën e kategorisë së saj, pasi në listën e Forbes figuron e 15-ta, ndërsa ekipi i basketbollit i Nju Jork ishte i vetmi përfaqësues i NBA, duke mbajtur vendin e 43-të në këtë listë./lajmeshqip
10 klubet sportive më të vlefshme sipas Forbes
1. Mançester Junajtid (futboll) – 2.23 miliard dollarë
2. Real Madrid (futboll) – 1.88 miliard dollarë
3. Nju Jork Jenkis (bejsboll) – 1.85 miliard dollarë
3. Dallas Kaubois (futboll amerikan) – 1.85 miliard dollarë
5. Uashington Redskins (futboll amerikan) – 1.56 miliard dollarë
6. Los Anxhelos Doxhers (bejsboll) – 1.40 miliard dollarë
6. Nju Inglënd Patriots (futboll amerikan) – 1.40 miliard dollarë
8. Barcelona (futboll) – 1.31 miliard dollarë
9. Nju Jork Xhajants (futboll amerikan) – 1.30 miliard dollarë
10. Arsenal (futboll) – 1.29 miliard dollarë
Lini një Përgjigje
Më të lexuarat
24 oret e fundit
Javen e fundit
Blog Tema
