A do e pranojë mazhoranca nismën e PS për zgjedhjen e përfaqësuesve të drejtësisë me shumicë të cilësuar?

Opozita propozon që anëtarët e Gjykatës së Lartë, të asaj Kushtetuese, të KLD-së si dhe Prokurori i Përgjithshëm të zgjidhen me shumicë të cilësuar. Rregullorja e Kuvendit miratohet me shumicë të cilësuar, kurse Gjykata e Lartë ka juridiksion fillestar vetëm për presidentin

Krahas një nisme ligjore për imunitetin, opozita ka bërë një propozim të dytë, që duket po kaq i rëndësishëm, në mos edhe më shumë. Ajo ka propozuar zgjedhjen e përfaqësuesve të lartë të drejtësisë me shumicë të cilësuar në Kuvend.

Meqë duket se po hapet rruga për të ndërhyrë në Kushtetutë, opozita ka bërë edhe këtë propozim, duke e quajtur shumë të rëndësishëm për reformën në drejtësi. Madje të dyja nismat, edhe ajo e heqjes së imunitetit, edhe kjo e zgjedhjes së përfaqësuesve të drejtësisë me shumicë të cilësuar, duket se shkojnë ngushtë me njëra- tjetrën.

Kryeministri Sali Berisha është treguar i pari i prerë kundër kësaj nisme të rëndësishme. Për të kjo nënkupton që të ikin nga duart institucionet e rëndësishme në vend. Berisha e justifikon këtë me faktin se nuk mundet që presidenti të zgjidhet me 71 vota, kurse përfaqësuesit e drejtësisë me votim të cilësuar. Ai thotë se kjo do e bllokonte procesin pafundësisht. Në fakt vetë Berisha ishte ai që e bllokoi procesin e zgjedhjes së anëtarëve të gjykatave të larta në vend, duke mos pranuar kandidaturat e Topit. Si përgjigje mori një vendim të Gjykatës Kushtetuese, që kërkon që presidenti të konsultohet me Kuvendin për të bërë propozimet.

Parimisht nisma e opozitës shkon në këtë kah. Kuvendi bashkëpunon dhe zgjedh drejtuesit e drejtësisë në vend. Madje në relacionin për nismën citohet edhe vetë Gjykata Kushtetuese që përkrah një iniciativë të tillë.

Ja çfarë thuhet në vendimin e Kushtetueses: “…në Kushtetutat dhe Ligjet që përcaktojnë regjimin e një shteti demokratik të së drejtës, standardi përkatës në këtë drejtim synon një procedurë për emërimin e gjyqtarëve të gjykatave më të larta, që nga pikëpamja e organeve kushtetuese që marrin pjesë në këtë proces, mund të quhet plurale. Në esencë, kjo procedurë emërimi karakterizohet – ose nga ndarja e kompetencës së zgjedhjes së gjyqtarëve midis shumë organeve ose institucioneve të shtetit; – ose, në raste të tjera, nga kooperimi i institucional i dy ose më shumë organeve në caktimin e gjyqtarëve; ose si një procedure ekskluzivisht (ose pothuajse) parlamentare për zgjedhjen e gjyqtarëve, ku hyn në lojë pluralizmi konkurencial i partive politike që marrin pjesë dhe nevoja për kërkimin e një konsensusi midis tyre. Në rastin në shqyrtim, sistemi i emërimit i pranuar nga Kushtetuta e Shqipërisë ka në esencë kooperimin institucional të Presidentit të Republikës dhe të Kuvendit të Shqipërisë (……) Ky sistem emërimi, i adoptuar nga Kushtetuta, i ve subjektet që përfshihen në të, para kërkesës së respektimit të parimit të luajalitetit kushtetues, i cili shpreh, në thelb, respektin e ndërsjelltë nga secili subjekt ndaj kompetencave të tjetrit, si dhe nënkupton krijimin e një raporti bashkëpunimi midis tyre. Në rastin në shqyrtim, ky parim kërkon nga Presidenti i Republikës dhe Kuvendi i Shqipërisë, që në zgjedhjen e çdo gjyqtari të udhëhiqen nga i njëjti objektiv – për të siguruar një përbërje cilësore dhe të përshtatshme të Gjykatave (…..) Kuvendi i Shqipërisë në rastet e shqyrtimit të dekreteve të Presidentit të Republikës për emërimin e gjyqtarëve të Gjykatës Kushtetuese dhe të gjyqtarëve të Gjykatës së Lartë, ka kompetencë (…)të japë ose jo pëlqimin për emërimet e gjyqtarëve të Gjykatës Kushtetuese dhe të gjyqtarëve të Gjykatës së Lartë.”

Ndërkohë që tani është hapur rruga për ndryshime kushtetuese, shoqëria civile propozon edhe zgjedhjen e presidentit nga populli, kurse opozita pretendon të miratojë edhe ndryshimet në rregulloren e Kuvendit me shumicë të cilësuar, si dhe të propozojë që Gjykata e Lartë të ketë juridiksion fillestar vetëm për presidentin, dhe jo siç ka tani për gjithë deputetët.

Propozimet e PS

Neni 1

Në nenin 75 pika 2 ndryshohet si vijon:

“2. Kuvendi organizohet dhe funksionon sipas rregullores së miratuar me tri të pestat e të gjithë anëtarëve të Kuvendit.

Neni 2

Në nenin 125 bëhen ndryshimet si vijon:

Pika 1 ndryshohet si vijon : “1.Gjykata Kushtetuese përbëhet nga 9  anëtarë, të cilët emërohen nga Presidenti i Republikës me pëlqimin e 3/5 të gjithë anëtarëve të Kuvendit”

Pika 5 ndryshohet si vijon : “5.Gjyqtari i Gjykatës Kushtetuese vazhdon në detyrë deri në emërimin e pasardhësit të tij, por në çdo rast jo më vonë se  3 muaj nga mbarimi i mandatit të tij.

Shtohet pika 6 me këtë përmbajtje : “6.Procedura për emërimin e anëtarit të Gjykatës Kushtetuese fillon jo më vonë se 60 ditë para mbarimit të mandatit të gjyqtarit kushtetues paraardhës. Kuvendi duhet të marrë në shqyrtim dekretet e Presidentit dhe të shprehet me vendim për rrëzimin ose miratimin e tyre brenda 1 (një) muaji nga marrja e dekreteve”.

Neni 3

Neni 125 pika 3 dhe neni 127 pika 3 të Kushtetutës, shfuqizohen.

Neni 4

Në nenin 136 bëhen ndryshimet si vijon:

Pika 1 e tij riformulohet:

“1.Anëtarët e Gjykatës së Lartë emërohen nga Presidenti i Republikës me pëlqimin e 3/5 të gjithë anëtarëve të Kuvendit”.

Shtohet pika 3 me këtë formulim:

“3.Gjyqtari i Gjykatës së Lartë vazhdon në detyrë deri në emërimin e pasardhësit të tij, por në çdo rast jo më vonë se 3 muaj nga mbarimi i mandatit të tij”

Shtohet pika 4 me këtë formulim : “4. Procedura për emërimin e anëtarit të Gjykatës së Lartë fillon jo më vonë se 60 ditë para mbarimit të mandatit të gjyqtarit paraardhës. Kuvendi duhet të marrë në shqyrtim dekretet e Presidentit dhe të shprehet me vendim për rrëzimin ose miratimin e tyre brenda 1 (një) muaji nga marrja e dekreteve”.

Neni 5

Neni 141, pika 1 e tij ndryshohet si më poshtë :

“1. Gjykata e Lartë ka juridiksion fillestar dhe rishikues.  Ajo ka juridiksion fillestar vetëm kur gjykon akuzat penale kundër Presidentit të Republikës”.

Neni 6

Neni 147 ndryshohet si më poshtë :

“Neni 147

Këshilli i Lartë i Drejtësisë përbëhet nga Presidenti i Republikës, Kryetari i Gjykatës së Lartë, ministri i Drejtësisë, 3 anëtarë të zgjedhur nga 3/5 e të gjithë anëtarëve të Kuvendit, si dhe 9 gjyqtarë të të gjitha niveleve, të cilët zgjidhen nga Konferenca Gjyqësore Kombëtare. Anëtarët e zgjedhur qëndrojnë në detyrë për 5 vjet pa të drejtë rizgjedhjeje të menjëhershme.

Neni 7

Neni 149 ndryshohet si më poshtë:

“Neni 149

Prokurori i Përgjithshëm emërohet nga Presidenti i Republikës me pëlqimin e 3/5 të gjithë anëtarëve të Kuvendit për një mandat 5-vjeçar, me të drejtë riemërimi. Ai përzgjidhet nga radhët e juristëve me kualifikim e integritet të lartë dhe me përvojë pune jo më pak se 15 vjet në profesion.”

Skandali me pronat e ushtrisë, pronarët kundër: Nuk ka transparencë, ne jemi përjashtuar

18:33 Politika

Nishani heq dorë nga funksionet në PD: Do jem president jashtë ndikimeve politike

18:11 Politika

SKANDALI/ Policia e Pukës: Kur t’ju qëllojnë, na merrni në telefon

17:45 Politika

Forumi Civil kundër heqjes së imuniteteve: Po veprohet me shpejtësi dhe pa konsultime

16:29 Politika

Nisin diskutimet për heqjen e imunitetit. Ja PROPOZIMET e opozitës

13:17 Politika

Vurmo: Mbështetja që i dhanë ndërkombëtarët reformës zgjedhore është zhgënjyese

12:22 Politika

SHENIM/ Pabarazia e votës nga qarku në qark

11:55 Politika

Horror në premierën e filmit Batman në SHBA, 12 të vdekur e dhjetëra të plagosur

11:17 Politika

Në fund të mandatit, Shqipëria del në shitje

10:32 Politika

Ceremonia e presidentit të ri me të shtëna të simuluara topi

10:16 Politika