Prostitutat serbe, elozhe për shqiptarët

Prostituta M.S nga Nishi, e cila ishte në mesin e mbi 40 femrave të arrestuara gjatë një aksioni të policisë maqedonase, rrëfeu se ka punuar në lokalin e një shqiptari, ku pjesa më e madhe e klientëve ishin shqiptarë. “Nuk më ka penguar gjë që ishin shqiptarë. Fitoja nga 100 euro në natë vetëm për t’u shoqëruar me ta. Askush nuk më ka keqtrajtuar, nuk kam qenë rob. Pasaportën e kam pasur me vete dhe kam pasur mundësi të largohem kur të doja. Sikurse vajzat tjera. Por fitimi më ka mbajtur aty”, rrëfen ajo.

“Klientëve nuk iu kam ofruar shërbime seksuale. Kanë paguar vetëm për shoqërim dhe biseda më mua. Për çdo mbrëmje nga shefi kam marrë nga 40 euro, por kam fituar, ngaqë nga çdo koktej që më kanë dërguar klientët, kam fituar nga pesë euro. Në vend të koktejeve kam pirë çaj apo lëngje. Për një mbrëmje kam mundur të fitojë deri në 100 euro”.

Kështu i ka thënë policisë maqedonase M.S., një shtetase e Serbisë, e cila ka punuar në klubet e natës në perëndim të Maqedonisë, e arrestuar të shtunën në mëngjes, në aksionin “Agimi”.

Gjatë bastisjeve në shtëpitë publike “Amsterdam” në Gostivar, “Energy” në Tetovë, “Evropa” në Vaksincë të Kumanovës dhe “Oriental AS” në Zherovjan, pjesëtarët e njësisë për trafikimin e qenieve njerëzore kanë arrestuar 40 femra, nga të cilat 22 ishin shtetase të Serbisë.

Të gjitha serbet ishin në moshë madhore, nga viset e ndryshme të Serbisë, ndërsa në mesin e tyre ka edhe disa studente.

19 prej tyre, në mesin e të cilave edhe M.S, ishin të vendosura në qendrën për shtetas të huaj në Shkup, prej nga tashmë janë dëbuar për në Serbi dhe atyre iu është ndaluar hyrja në Maqedoni në periudha kohore prej tre deri në pesë vjet.

M.S nga Nishi thotë se ajo nuk ka paguar ndonjë gjobë, por se policia maqedonase gjatë bastisjes ia ka marrë paratë.

“Nuk dëshiroj të flas për shumën për rrethanat në Serbi, ajo ishte mjaft e madhe. Në Maqedoni shkova me rekomandimin e një shoqes time. Kam kaluar më shumë se një muaj aty. Pronari është shqiptar, edhe klientët në pjesën më të madhe ishin shqiptarë.

Kjo nuk më ka penguar. Askush nuk më ka keqtrajtuar, nuk kam qenë rob, siç thuhet në Serbi. Pasaportën e kam pasur me vete dhe mund të largohesha kur të doja. Sikurse vajzat tjera. Por fitimi më ka mbajtur aty. Në Serbi mund të punoj në ndonjë dyqan, apo butik, për të fituar 100 euro, ndërsa në Maqedoni këto para i kam fituar brenda natës, pa asnjë mund, vetëm duke u shoqëruar me meshkuj, të cilëve iu pëlqeja”, thotë M.S.

AAK humbëse, PDK fituese

11:02 Rajoni

EULEX, jashtë rezolutës 1244

11:00 Rajoni

Serbia i thotë ‘jo’ anëtarësimit në NATO

12:46 Rajoni

Gjyqtarët tjetërsuan 60 milionë euro

12:39 Rajoni

Thaçi: As koalicion të ri, as zgjedhje të parakohshme

12:33 Rajoni

Kosova si Hong Kongu për BE-në

10:16 Rajoni

EULEX-i ngre aktakuzë kundër tetë gjyqtarëve

13:37 Rajoni

“Armata e veriut” kërcënon qytetarët serbë

13:18 Rajoni

Nuk ka para, shkëmbimi bëhet mall me mall

11:15 Rajoni

Zhbogar: Koha për dialog politik Kosovë- Serbi

11:05 Rajoni