Azem Sylës i ndalohet hyrja në Zvicër për 5 vjet

Deputetit të Kuvendit të Kosovës, Azem Syla, i cili ka jetuar në komunën Biberist të Kantonit të Solothurn-it, i është ndaluar hyrja në Zvicër për 5 vjet.

“Me vendim të 11 korrikut, Zyra Federale për Migracionin ka marrë vendim t’i ndalojë Azem Sylës udhëtimin në Zvicër në një kohëzgjatje prej 5 vjetësh”, tha zëdhënësja e kësaj zyre, Juerg Walpen.

Një kërkesë e tillë është adresuar më 11 maj nga Zyra Kantonale për Migracion e Solothurnit.

Një kohë të gjatë ka qenë e paqartë nëse i dyshuari për keqpërdorimin e fondeve sociale në Zvicër, politikani nga Kosova, Azem Syla, në të vërtetë është larguar nga Zvicra.

Syla ka jetuar në Zvicër nga viti 1994, ndërsa në vitin 1999 është pajisur me lejen e përhershme të qëndrimit (C). Pasi aktivitetet e tij politike të kryera në Kosovë u bënë të njohura për publikun, Zyra për Migracion e Solothurn-it i kishte anuluar atij lejen e qëndrimit në pranverën e 2011.

Gjykata Federale e Zvicrës, si instanca më e lartë gjyqësore në vend, kishte hedhur poshtë ankesën e deputetit Syla, që e kishte bërë pas vendimit që një gjykatë më e ulët në Solothurn kishte marrë për t`ia mohuar atij qëndrimin në Zvicër deri më 15 maj 2012.

Shuma prej më shumë se 400 mijë frangash, për të cilën ai akuzohet se e ka marrë pa të drejtë nga ndihmat sociale, është objekt i një hetimi penal që po e zhvillon Prokuroria publike e Solothurn-it.

“Hetimet ende nuk kanë përfunduar”, thotë Sabine Husi, zëvendës prokurorja e Solothurn./KD

Naim Miftari: Vëllai i Thaçit, informator i UDB-së (VIDEO)

19:24 Rajoni

Kultivimi i marihuanës, një problem në rritje në rajon

19:17 Rajoni

Veteranët paralajmërojnë “vjeshtë të nxehtë”

11:21 Rajoni

Mushka në këmbim të nuseve?

10:35 Rajoni

Kosova përgatitet për festime madhështore për fundin e pavarësisë së mbikëqyrur

10:32 Rajoni

Edhe Majko kundër Kuçit për traktatin e paqes me Serbinë

21:05 Rajoni

FOTOJA që frymëzoi Angelina Jolie për filmin mbi luftën në Bosnje

11:57 Rajoni

CNN: Maqedonia me ekonominë më të keqe në botë

11:09 Rajoni

“Nuk i dua ato 15 mijë euro”

11:06 Rajoni

Raporti i Ban Ki-moon kritikon ashpër institucionet kosovare

11:02 Rajoni