Nishanliu shpallet President Nderi i Lojërave Paraolimpike Londër 2012

Komiteti i Lojërave Paraolimpike Londër 2012, ka nderuar Presidentin Nishani me një mirënjohje të veçantë, për shkak të angazhimit të tij personal në përcjelljen e ekipit të paraplegjikëve shqiptarë që do të marrin pjesë në Lojërat Paraolimpike Londër 2012.

Është fjala për lojtarët paraplegjikë, të cilët stimulohen të dëshmojnë vullnetin e tyre për aftësimin fizik. Presidenti i Republikës, Bujar Nishani, i dorëzoi dje Flamurin Kombëtar atletit Haki Doku, i cili do të marrë pjesë për herë të parë në këto lojra. Duke i dhënë flamurin, Nishani u shpreh: “Unë jam i bindur dhe shpresëplotë se ti do të na përfaqësosh denjësisht. E bazoj këtë shpresë timen jo vetëm në rezultatet e larta që ke mundur të arrish në shumë kompeticione ndërkombëtare falë punës dhe sakrificës tënde, por dhe në faktin e motivimit tënd.”

Sapo mësuan për fjalën e Nishanliut, drejtuesit e Komiteti Olimpik i dërguan me këtë rast këtë letër mirënjohjeje:

“I nderuar President.

Mësuam me emocion të veçantë se ju keni përcjellë personalisht ekipin shqiptar që do të marrë pjesë në Lojërat Paraolimpike Londër 2012. Kur mësuam për shëndetin tuaj dhe përpjekjet tuaja të mëdha për të drejtuar shtetin shqiptar në ato kushte, mirënjohja dhe respekti ynë u shumëfishuan.

Ne mendojmë se më shumë se sa nderimi juaj për lojtarin olimpik që do të konkurrojë në Londër, vlen shembulli dhe guximi juaj. Për çdo paraplegjik në botë, që ëndërron një medalje në Lojërat Paraolimpike Londër 2012, shembulli juaj vlen më shumë se çdo aktivitet apo stimul tjetër.

Përfytyroni mijëra paraplegjikë në gjithë botën që kanë ëndërr të përfaqësohen në një aktivitet sportiv apo të marrin një medalje përballë shembullit tuaj, që me vullnet, guxim dhe sidomos urtësi, arritët të bëheni President i një vendi.

Komiteti jonë është impresionuar nga vullneti juaj për t’u përballur me problemet shëndetësore dhe objektivin tuaj madhor, që pas një viti të jeni plotësisht i shëndetshëm.

Kjo është një dozë e fortë optimizmi për çdo pjesëtar në Olimpiadën tonë, pasi ata mund ta shikojnë dhe të prekin me dorën e tyre, shembullin e një njeriu të jashtëzakonshëm, që ka marrë guximin të pranojë ofertën për president në atë gjendje që është dhe biles, të arrijë dhe të premtojë se është gati të shërohet për një vit.

I nderuar zoti President!

Ne po ashtu jemi shumë të impresionuar nga fakti që ju e dorëzuat vet Flamurin për sportistin që do të marrë pjesë në Lojërat Paraolimpike. Jemi shumë të impresionuar sidomos kur mësuam se kur u zhvilluan Lojërat Olimpike Londër 2012 për njerëzit normal, flamurin për ekipin tuaj e ka pat dorëzuar ministri i Kulturës, Rinisë dhe Sporteve, Aldo Bumçi.

Fakti që ju vlerësuat më shumë një lojtar të Lojrave Paraolimpike Londër 2012, se sa ekipin kombëtar të Lojërave Olimpike Londër 2012, tregon nivelin e lartë të paraplegjikëve në vend, në raport me ekipin normal kombëtar apo ministrat e tjerë në vend.

Duke ju shprehur dhe një herë mirënjohjen, më lejoni zoti President t’u njoftoj se ju kemi propozuar për President Nderi të Komitetit për Lojërat Paraolimpike Londër 2012, pasi jeni i vetmi President në botë që mund të bëheni shembull frymëzimi për lojtarët tanë.

Zoti ju dhëntë vullnet, siç ju ka dhënë aftësi që ta përballoni këtë detyrë.

Londër, Gusht 2012”

Nishanliu përgatitet për vizitën në Kosovë

19:03 Antena

INTERVISTA/ Fatos Nano: “Si President, doja t’i dëftoja Xhoanës, që akoma i kam të varura në këmbë armët e burrërisë”

23:33 Antena

Kunati i Lulit konsultohet për planin e shpërndarjes së kazinove

21:00 Antena

Qukapi zëvendëson Flamurin në PD, hutohen ministrat

20:06 Antena

Sqarime për censurën e humorit “vlonjat” me “motrën”

21:32 Antena

Ngatërresat e Aldos me Shtëpinë e Flamurit

20:43 Antena

Humor vere

21:36 Antena

Selvia e PD-së bën planin e javës me deklarata

21:32 Antena

Doktori debat me Cecën për deklaratën e rritjes së rrogave

19:04 Antena

Flamuri heton për interesat e Ramës dhe Spahiut në kufirin detar jugor

18:08 Antena