Kunati i Lulit konsultohet për planin e shpërndarjes së kazinove

Kunati i Lulit vendosi që gjithë lojërat e fatit t’i heqë nga Tirana dhe t’i çojë në disa periferi të saj, ku njerëzit shkojnë për t’u argëtuar. I entuziazmuar për planin, e kishte skicuar atë mirë në letër dhe po mendonte si do ta bënte publike.

Duke qenë se i duhej një medie televizive për ta bërë present, i shkoi mendja tek Baboo, si njeri i përshtatshëm ku mund të shpjegoheshin këto punë.

E thirri Babon në kafe dhe filloi t’i shpjegojë planin.

-Kemi një shpërndarje proporcionale me periferitë, tha. Gjysmën e lodrave do t’i çojmë në lindje dhe gjysmën në perëndim të Tiranës.

Baboo s’po e kuptonte mirë bisedën, ngriti dorën e majtë pas kokës, e shtyu deri në rrëzë të veshit të djathtë dhe filloi ta kruante nga nervozizmi, duke lëshuar një pluhur të madh të bardhë.

Kunati e pa që Baboo u bë nervoz dhe i ra shkurt.

-E fillojmë nga Perëndimi, tha. Tek QTU. Ka folur Luli me Zamirin, dhe Zamiri i ka thënë “s’ka problem, shtoj unë një pjesë të madhe kastile për këto lojërat”. U vënë tarifë fikse qiraje dhe njerëzit fitojnë ndonjë lek, bëjnë dhe shopping aty. Bile mori përsipër dhe taksi falas për ata që humbasin.

-Tjetër, tjetër, i tha Baboo, se këtë e di unë. Më dil aty ku dua unë?

-Është dhe Megatek, dhe ai është vënë në dispozicionin tone, i tha Kunati. E kam shok të ngushtë unë dhe Luli dhe nuk hezitoi fare. Tha, “miqtë e vërtetë për këto ditë janë”. Është gati të vërë dhe ai në dispozicion hapësirën e tij.

-Tjetër, tjetër s’po më del atje ku dua unë!

-Kemi dhe TEG-un këtej nga ana lindore. Dhe aty Zamiri ka shprehur dëshirën për të na dhënë një sipërfaqe të madhe. Autobusi është falas dhe për ata që humbasin.

-Nuk më pëlqen, i tha Baboo.

-Pse, i tha i çuditur Kunati?

-Shiko, i tha. Unë shkoj në Kazino rregullisht tek Tajvani. Hyj brenda, ulem në një makinë, nxjerr 5 mijë lek të vjetra, bëj sikur luaj, porosis një uiski që aty ta japin falas, që bën 20 mijë lek, e pi atë dhe dal. Pra, dal me 15 mijë lek fitim dhe sikur t’i humbas ato 5 mijë lek. A do kenë këto kazino këtë privilegj?

-Do përpiqemi, i tha Kunati, po si t’ia bëjmë që ta japim në TV si lajm dhe si iniciativë timen dhe të Lulit.

-Shiko, më ler pak kohë mua dhe të them çfarë do bësh, i tha Baboo.

Sapo u largua pak më tutje Kunatit, mori në telefon Zamirin.

-Gjigant, dëgjo pak, i tha. Se jam këtu me Kunatin dhe do t’i jap një ide se si mund t’i çojë ato kazinotë tek QTU dhe TEG, që të mos i lënë nëpër Tiranë. Po ja mbush mendjen gjigant, besoj për çerek ore i mbushet mendja.

-Rrofsh, rrofsh, i tha Zamiri, se kam folur edhe vet me ta. Në rregull është puna.

-E di, e di gjigant, por do me ja dhënë këtij të Megatekut ky, po i thashë unë po s’ja dhe Zamirit, nuk ka lajm.

-Ok, rrofsh i madh, i tha Zamiri Po të jesh tek QTU , futu tek ai dyqani i këpucëve, merr një palë, dhe thuaj të më bëjnë mua telefon ata. Se më thanë ke kohë që s’ke marrë këpucë.

-Rrofsh, i tha Baboo, në fakt kam një palë, duan ndërruar shpesh dhe s’ma mban kurrizi, se rrogë e ulët.

Sa e mbylli me Zamirin, Baboo mori atë të TEG.

-Ku je gjigant, i tha. Sa fola me Lulin, e mbyllëm atë punën e lojërave të fatit t’i sjellin aty. Por, do me të prish punë ai Zamiri, por unë i thashë po nuk ja dhatë TEG-ut, nuk e bëj lajmin.

-Rrofsh, po s’ka problem, se e kam mbyllur me Lulin, i tha pronari i TEG. Po meqë je aty, shiko çfare do ndonjë gjë nga dyqani, se kemi ulje tek hidrosanitaret.

-Faleminderit gjigant, i tha Baboo. Unë se përdor fare banjën, se është shtrenjtuar uji dhe harxhon shumë kur e hap galixhanin dhe e mbaj sa shkoj në zyrë, se aty paguan puna. Por, flasim për ndonjë lek pas lajmit.

Qukapi zëvendëson Flamurin në PD, hutohen ministrat

20:06 Antena

Sqarime për censurën e humorit “vlonjat” me “motrën”

21:32 Antena

Ngatërresat e Aldos me Shtëpinë e Flamurit

20:43 Antena

Humor vere

21:36 Antena

Selvia e PD-së bën planin e javës me deklarata

21:32 Antena

Doktori debat me Cecën për deklaratën e rritjes së rrogave

19:04 Antena

Flamuri heton për interesat e Ramës dhe Spahiut në kufirin detar jugor

18:08 Antena

Presidenti Nishani kundërshton hapur kryeministrin Berisha.

20:46 Antena

Përgënjeshtrim i kryeministrit Sali Berisha

19:34 Antena

Selvia e PD i bën flokët si Teta Lili

21:32 Antena