Lojtarët e Mançester Sitit kundër Mançinit

Roberto Mançini dhe lojtarët e Mançester Sitit zhvilluan një mbledhje urgjente pas dështimit të tyre të radhës në Ligën e Kampioneve.

Italiani ishte i inatosur më mënyrën se si skuadra e tij u mund nga Ajaksi në Amsterdam të mërkurën dhe ua tha një gjë të tillë edhe futbollistëve në këtë takim që u zhvillua në një atmosferë mjaft të tensionuar.

Por ai tani mund të përballet me pasojat e kësaj ngjarje, pasi shumë lojtarë u shfaqën të pakënaqur ndaj tij dhe kritikave që italiani bënte, duke menduar se ishte pikërisht taktika e gabuar e Mançinit që kishte sjellë këtë humbje.

Kjo ka sjellë një tensionim të ndjeshëm të situatës në radhët e kësaj skuadre, që ndonëse ka rifituar terren në kampionat dhe është vënë në ndjekje të Çelsit, vazhdon të zhgënjejë në arenën ndërkombëtare dhe dështimet e njëpasnjëshme në Ligën e Kampioneve e vërtetojnë një gjë të tillë.

Një nga lojtarët që u mundua të qetësonte situatën ishte mesfushori Garet Berri, i cili u kërkoi falje tifozëve për humbjen dhe faktin që ekipi është në prag të eliminimit nga ky turne në fazën e grupeve për të dytin vit radhazi.

“Trajneri është i zhgënjyer ashtu si të gjithë lojtarët, por kemi vendosur që këtë temë ta diskutojmë më parë mes nesh. Nuk kishte shumë gjëra por të thënë pas kësaj humbje. Por ta dini që na vjen shumë keq që kemi zhgënjyer tifozët tanë”, tha ai./lajmeshqip

Turam: Ajo që bën Barça quhet art

10:32 Sport

Ndodh në Shqipëri, gjyqtari rrihet edhe kur është shef policie

18:55 Sport

Murinjo: Disfata nga Dortmundi, e parëndësishme

13:06 Sport

Borussia Dortmund interesohet për Armando Sadikun

12:09 Sport

Rajkard gati të marrë drejtimin e Milanit

11:44 Sport

Tifozët serbë frikësojnë interistët

11:07 Sport

De Biazi: Brazil 2014? Shpresa vdes e fundit

17:15 Sport

Platini i quan “turp” veprimet e serbëve

13:14 Sport

Cruyff dyshon në aftësitë e Vilanovas dhe Mesit

12:10 Sport

Mançini optimist: Do të kualifikohemi

11:26 Sport