Luiz dhe Ramires, dëshmitarë për racizmin e gjyqtarit

Për herë të parë në futbollin profesionist anglez, një gjyqtar akuzohet për racizëm nga lojtarët dhe dëshmitë kundër tij janë mëse të besueshme, pasi bëhet fjalë për futbollin e elitës. Një ditë pasi Federata Angleze dhe policia vendoi të hetonte gjyqtarin Mark Klatenburg për ngjarjet e ndeshjes Çelsi-Mançester Junajtid, është zbuluar se akuzat e racizmit kanë ardhur pas dëshmisë se dy futbollistëve të skuadrës londineze.

Kanë qenë David Luiz dhe Ramires ata që kanë nxitur Xhon Obi Mikel të reagojë ndaj gjyqtarit anglez, të bindur se ky i fundit ka përdorur shprehje raciste ndaj shokut të tyre të skuadrës. Vetë futbollisti nigerian deklaron se nuk i ka dëgjuar fjalët e gjyqtarit, por dy lojtarët e tjerë janë të gatshëm të bëjnë dëshmi të betuar para një salle gjyqi se e kanë dëgjuar një gjë të tillë.

Sipas gazetës “Daily Mail”, tensioni mes mesfushorit dhe gjyqtarit filloi kur Torres u ndëshkua me karton të kuq. Në ato momente, Mikel i kërkoi llogari gjyqtarit pse e kishte ndëshkuar spanjollin, pasi të gjithë ishin të bindur se Xhoni Evans e kishte prekur futbollistin. Kur Klatenburg i bëri me shenjë lojtarit që të pushonte dhe të vazhdonte lojën, nigeriani vijoi protestën e tij.

“Pse nuk duhet t’i dalim zot vetes, pse nuk duhet të kundërshtojmë vendimet tuaja?”, mësohet të kenë qenë fjalët e futbollistit, i cili vazhdoi protestën e tij edhe pas golit të Hernandez, i shënuar në pozicion jashtë loje. Në këtë moment, Mikel ndëshkohet me karto të verdhe dhe ky është pikërisht çasti kur dy lojtarët e tjerë të Çelsit pretendojnë se kanë dëgjuar gjyqtarin të lëshojë një batutë raciste kundër Mikel si dhe të shajë një futbollist spanjoll, që mendohet se është Huan Mata. Ky i fundit e ka dëgjuar vetë batutën kundër tij dhe ashtu si shokët e skuadrës, është gati të dalë para një trupi gjykues për të vërtetuar se është sharë gjatë ndeshjes nga një gjyqtar që mban edhe stemën e FIFA-s.

E bujshme, Ronaldo shiti finalen e Botërorit 1998?!

12:27 Sport

Diego: Mirupafshim diktatori Magath

11:29 Sport

“Trajneri i Vitit”, luftë e egër mes Murinjo, Guardiola e Del Boske

11:27 Sport

Murinjo nuk shqetësohet për 8 pikët e distancës nga Barcelona

14:16 Sport

Heinkes nuk trembet nga humbja e parë

13:00 Sport

Katania-Juve, kompania e basteve paguan edhe humbësit

12:08 Sport

Çelsi akuzon gjyqtarin për komente raciste

11:27 Sport

Mesi: Nuk shqetësohem për rekordin e Pele

17:29 Sport

Begirishtajn, drejtori i ri i sportiv te Siti

17:28 Sport

“Unë jam Shaqiri, e jo Ribery”

16:57 Sport