“Trajneri i Vitit”, luftë e egër mes Murinjo, Guardiola e Del Boske

Çmimi i FIFA-s, “Trajneri i Vitit”, pritet të dhurojë një luftë po aq të ethshme sa “Topi i Artë” pasi në garë janë disa prej teknikëve më në zë që kanë fituar trofe në edicionin e fundit në Evropë.

FIFA ka publikuar dje listën me 10 kandidatët por që tani spekulohet se tre fituesit më të mundshëm janë Visente Del Boske i Spanjës, Zhoze Murinjo i Real Madrid dhe Pep Guardiola, ish-trajneri i Barcelonës.

Del Boske shihet si kandidati më i fortë në garë, i ndihmuar nga fakti se ka arritur të drejtojë me sukses Spanjën në fitoren për herë të dytë radhazi të Kampionatit Evropian, falë edhe taktikave të tij ku bie në sy ajo e mospërdorimit të një sulmuesi të mirëfilltë në ndeshje.

I dyti në listën e pretendentëve është Zhoze Murinjo, i cili e meriton të jetë kandidat pasi ka arritur të fitojë kampionatin spanjoll, duke pasuar triumfet e të kaluarës në kampionatin portugez, anglez dhe italian, si askush para tij.

Ndërsa Guardiola mund të votohet për shkak të simpatisë që shumëkush ka ndaj ish-trajnerit të Barcelonës si dhe faktit se ishte pikërisht ai që ndërtoi atë që cilësohet si një prej skuadrave më të forta në historinë e futbollit.

Ndërkohë, në listë nuk mungojnë emra të tjerë të njohur, duke filluar nga Roberto Di Mateo i cili arriti të drejtonte Çelsin drejt fitores në Ligën e Kampioneve, Roberto Mançini që u shpall kampion në Angli me Mançester Sitin apo i zakonshmi Aleks Ferguson, trajneri i Mançester Junajtid.

Emrat e tjerë që plotësojnë listën janë Jup Heinkes i Bajern Mynih, Jurgen Klop i Borusia Dortmund, Joakim Lëv i Gjermanisë dhe Çezare Prandeli i Italisë.

Murinjo nuk shqetësohet për 8 pikët e distancës nga Barcelona

14:16 Sport

Heinkes nuk trembet nga humbja e parë

13:00 Sport

Katania-Juve, kompania e basteve paguan edhe humbësit

12:08 Sport

Çelsi akuzon gjyqtarin për komente raciste

11:27 Sport

Mesi: Nuk shqetësohem për rekordin e Pele

17:29 Sport

Begirishtajn, drejtori i ri i sportiv te Siti

17:28 Sport

“Unë jam Shaqiri, e jo Ribery”

16:57 Sport

Ançeloti: Të gjithë të falënderojmë Ibrahimoviç

16:23 Sport

Nsereko, ylli gjerman “shpiku” rrëmbimin e tij

18:48 Sport

Arsenali ideon “spastrimin” e janarit

14:12 Sport