Bashkia i heq fondet skuadrës së PSZH

Bashkia e qytetit të Parisit ka vendosur që nga sezoni i ardhshëm të ndërpresë investimet financiare që jep aktualisht për skuadrën e Paris Sent Zhërmen.

Klubi aktualisht përfiton 1 milion euro në sezon nga fondet publike, por që pas blerjes nga Autoriteti Investues i Katarit, që shpenzoi disa qindra milion euro për të blerë lojtarë, u vendos që klubi nuk ka më nevojë për këto para që shumë mirë mund të investohen në diçka më të rëndësishme për qytetin e Parisit.

Kryebashkiaku parisien, Bertrand Delano, shpjegoi propozimin për ndryshimin që do të miratohet në mbledhjen e ardhshme të këshillit bashkiak.

“Pas një shqyrtimi të kujdesshëm të situatës së klubit, bashkë me drejtuesit e tij, duket qartë që një grant për PSZH nga autoritetet bashkiake nuk është më as i nevojshëm e as i përshtatshëm në kontekstin aktual të rrugës së klubit. Nga sezoni 2012-2013, klubi do të vazhdoj rrugën e tij pa mbështetjen ekonomike të komunitetit”, tha kryebashkiaku, i ndërgjegjshëm se paratë që aktualisht bashkia i jep klubit nuk shërbejnë as për të paguar rrogën mujore të Zlatan Ibrahimoviç.

Falë blerjes së lojtarëve si sulmuesi suedez, mbrojtësi Tiago Silva apo mesfushorët Laveci, Menez e Pastore, PSZH aktualisht është ngjitur në kreun e tabelës së klasifikimit të kampionatit me 22 pikë pas 10 ndeshjeve të para./lajmeshqip

Murinjo: Kam ambicie të jem gjithmonë më i miri

11:36 Sport

Njeriu më i pasur në botë i futet futbollit

11:35 Sport

Di Mateo i pakënaqur edhe pas dy penalltive

13:55 Sport

Neimar: Nuk ka ardhur koha të lëviz nga Brazili

12:48 Sport

Balak: Nuk e paguaj gjobën, jam i papunë!

11:14 Sport

Raiola: FIFA e UEFA janë si mafia

11:13 Sport

PSG, 300 milionë euro për Ronaldon e Murinjon

14:01 Sport

Mesi: “Topin e Artë” mund ta marrë Kasijas

13:15 Sport

Policia serbe hap hetim për futbollistët anglezë

11:39 Sport

Një ndeshje e pabesueshme, Arsenali nga 0-4, fiton 7-5 (VIDEO)

11:37 Sport