Te fundit
Dorëhiqet trajneri i Sidnei FC: E ka fajin Del Piero
11 Nëntor 2012, 14:49Sport
TEMA
Trajneri i Sideni FC, Ian Kruk dha dorëheqjen nga drejtimi i skuadrës pas vetëm 6 ndeshjesh në drejtimin e saj, duke deklaruar se trysnia e shkaktuar nga mbërritja e Alesandro Del Pieros i kishte krijuar edhe probleme shëndetësore.
49 vjeçari anglez Kruk, ish-lojtar në skuadra si Totenhem dhe Noruiç, nuk arriti të ngjitë ekipin më majat e klasifikimit, pasi klubi gjendet në vendin e 8-të në kampionatin me 10 skuadra, ndërsa ka regjistruar vetëm 2 fitore në këtë sezon, pa harruar që javën e kaluar u mposht 7-2 nga Mariners.
“Trysnia të dëmton. Gjithë ky mbulim i medias është bërë një barrë e rëndë. Me mbërritjen e Alesandro, gjithçka është bërë më e madhe. Është bërë një lloj peshe mbi supet e mia dhe të jem i sinqertë, unë nuk e kam përballuar aq mirë”, ishin fjalët e tij pas lamtumirës.
Del Piero ishte titullar në ndeshjen e djeshme ndaj Viktori, por u zëvendësua në minutën e 66-të, kur rezultatin ishte 2-0 për Sidnei. Por nga ai moment, ekipi kundërshtar fitoi zëmër dhe përmbysi rezultatin duke fituar 3-2 dhe duke bërë që tifozët e Sidneit të reagonin ndaj trajnerit që largoi nga fusha sulmuesin italian.
“Nuk pendohem që mora këtë detyrë, por mendoj se nuk jam personi i duhur për të. Kjo punë u kthye në një peshë të rëndë dhe ka mbërritur në një pikë ku unë nuk ndjehem mirë. Shëndeti dhe familja ime janë dy gjërat më të rëndësishme”, tha Kruk.
1 komente në “Dorëhiqet trajneri i Sidnei FC: E ka fajin Del Piero”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
”…nuk pendohem qe mora kete detyre,por mendoj qe nuk jam personi i duhur per te…” BRAVO dhe RESPEKT.Ndersa ne ketu ne Shqiperi kemi 1 VAMPIR per k/minister,qe ka 22 vjet qe i pi Gjakun ketij populli dhe megjithate nuk Pendohet KURRE.