Te fundit
Ronaldinjo: Do të doja të luaja më shumë përkrah Mesit
4 Shkurt 2013, 17:44Sport
TEMA
Ronaldinjo ka treguar se “pishman” i karrierës së tij mbetet fakti që nuk ka arritur të luajë për një periudhë më të gjatë përkrah Lionel Mesit, atij që u bë pasardhësi i fanellës së tij me numrin 10 te Barcelona.
“Nuk e kam pishman që nuk kam luajtur në kampionatin anglez, pasi kam luajtur për disa prej skuadrave më të mëdha në botë dhe kam fituar gjithçka. I vetmi pishman që kam është se nuk kam luajtur më shumë sezone përkrah Lionel Mesit. Ai është një miku im i mirë. Mund ta shihja që në moshë të re se do të bëhej më i miri. Ishte shumë ngazëlluese të shihje këtë fëmijë që mund të bënte gjëra që pjesa më e madhe e lojtarëve vetëm mund t’i ëndërrojnë”, tha mes të tjerave mesfushori brazilian.
“Mesi në 3-4 vitet e fundit ka qenë lojtari më i mirë në botë, ka qenë në një nivel të qëndrueshëm të cilin nuk besoj se bota e ka parë më përpara. Por Neimar është i ri dhe nuk mund t’ju shpjegoj se sa i veçantë mund të bëhet ai në të ardhmen. Në 2-3 vitet e ardhshme ai do të bëhet lojtari më i mirë”, ishte “basti” i Ronaldinjos.
Sipas tij, Uejn Runi dhe Eshli Kol do të ishin dy lojtarë që do të bënin mirë edhe me kombëtaren e Brazilit.
“Runi është një lojtar që më pëlqen. Nuk ekziston një ekip kombëtar në botë që nuk do të përmirësohej po ta kishte atë në skuadër. Ndërsa Eshli Kol është një mbrojtës fantastik. E kam parë të mbajë të qetë lojtarët më të mirë në botë. Kundërshtarët më të mirë? Kundërshtarët më të vështirë për mua kanë qenë gjithmonë mbrojtësit, për mënyrën se si luajnë duke mos të të lënë rrugë të kalosh. Dy nga më të vështirët që kam ndeshur në karrierën time janë Paolo Maldini dhe Xhon Terri”, ka zbuluar fantazisti i cili shpreson të kthehet në kombëtaren braziliane për Botërorin 2014.
1 komente në “Ronaldinjo: Do të doja të luaja më shumë përkrah Mesit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
RONALDINJO duke thene te verteten per MESSIN ne fakt i ngre vlerat vehtes se tij ,por une nuk po shikoj me PELEN te jap deklarata .Me sa duket nuk i vjen dot per HOSH te jap deklarata per lojtarin ndoshta me te mire qe eshte shfaqur ndonjehere ne planet . Por mendoj qe MESSI ne 3-4 vitet e ardhshme nuk do te jete ne keto nivele ,jo se do moshohet POR ,te jemi REALISTE AI E PO E HARXHON ME SHPEJTESI LIMITIN E TIJ EKSTREM TE JASHTEZAKONSHEM . Tjeter GUARDIOLA ,NUK ESHTE ME , VILANOVA me sa duket do kete nje lufte te forte me semundjen , ROURA nuk e ka me ate tager te trajnoje si te tjeret , XAVI HERNANDEZ I KALOI TE 33 , KLUBET E SHEIKEVE ARABE do te vazhdojne qe t’a tundojne MESSIN ,GUARDIOLA PO ASHTU . Megjithate ,nuk do te kete kurre shanc per RONALDON QE TE NGRIHET DHE TE PARAKALOJE MESSIN .