INTERVISTA/ Artan Lame: Plani urbanistik i Bashës shkatërron Tiranën si Tortën e Pavarësisë

Tramvaji kalon tek skarpatet e Lanës

Bisedoi: Lindita Çela

Askush nuk di të thotë sa ka kushtuar plani urbanistik i Tiranës, i reklamuar me aq bujë nga kryeministri Sali Berisha e i kontestuar fort nga Artan Lame. Madje, ish zv/ministri, i rreshtuar në anës e atyre pak radhëve të shoqërisë civile që guxojnë të ngrenë zërin, duket se ka nisur një sfidë të humbur. Artan Lame ngre supet kur e pyet për koston e këtij plani urbanistik. Babëzia për sheshe të lira ndërtimi duket se ka kënaqur shijet e atyre pak ndërtuesve e arkitektëve, që kanë ndikim real në hartimin e projekteve urbanistike në vend, ndaj dhe Lame thuajse është i vetëm në denoncimin e uzurpimit të hapësirave të gjelbra, që sipas tij, ky plan i bën kryeqytetit. Ndërsa në Bashkinë e Tiranës e vetmja e dhënë që të ofrohet, nga polici roje, është formulimi i një shkresave zyrtare për kërkim informacioni. Veç të thënave të ofruara online, më e sakta është Vlerësimin Strategjik Mjedisor të Planit Rregullues, i hartuar nga një grup njerëzish, mes të cilëve edhe dhëndri i kryeministrit, Jamarbër Malltezi. Por dhe për këtë nuk ka asnjë të dhënë financiare, ku mendohet të ketë kushtuar rreth 300 mijë euro. Por Artan Lame thotë se paratë e këtyre projekteve janë e keqja më e vogël e këtij plani. Shkatërrimi i hapësirave publike, betonizimi deri në skarpatet e Lanës si dhe rritja e intensitetit të ndërtimit, do ta shndërrojnë Tiranën në një qytet krejtësisht të pabanueshëm.

Zoti Lame, ju jeni ndër njerëzit e vetëm që keni kundërshtuar publikisht Panin Urbanistik të miratuar para pak ditësh në KKRTRSH. Sipas mendimit tuaj cilat janë problemet kryesore të këtij plani?

Densiteti i lartë i ndërtimeve; mungesa e zonave dhe sipërfaqeve të gjelbra; bllokimi i qarkullimit rrugor; mungesa e zonave sportive, rekreative; e shndërron kryeqytetin në një atraksion gati inekzistent turistik, për shkak të bjerrjes së trashëgimisë kulturore, janë problemet kryesore të këtij plani që para pak ditësh na u prezantua si projekti që do të shndërrojë kryeqytetin. Plani zhduk gati të gjitha zonat e gjelbra brenda qytetit. Në vend të parqeve dhe lulishteve me kufij të përcaktuar, plani flet vetëm për pika ku duhet të ketë një lulishte (!). Pra, kemi vetëm lulishte që zhduken: Plani fshin  dhe i kthen në zona ndërtimi edhe lulishtet që ndërtoi vetë z.Basha, dhe me të cilat edhe u mburr. Plani fshin zonat e gjelbra brenda qytetit duke i transferuar ato virtualisht nëpër komunat përreth: Kamëz, Kashar, Farkë, Mullet, Dajt. Betonizon deri edhe skarpatet e Lanës, të konsideruara si “korridori i gjelbër i qytetit”. Po t’i referohemi tabelës së gjelbërimit të planit urbanistik, bëhet me dije se gjelbërimi brenda qytetit nga 40 ha do të shkojë në 340 ha. Por në të nuk kuptohet si do të realizohet kjo rritje. Mos vallë kjo do të bëhet duke hequr edhe lulishtet ekzistuese? Të mos harrojmë se, një pjesë e mirë e zonave të gjelbra të mbetura përreth Tiranës, po zihen që tani nga institucione ndërkombëtare. Kështu në Parkun e Liqenit përgjatë rrugës së Elbasanit po ndërtohet Ambasada Turke. Nën Varrezat e Dëshmorëve do të ngrihet Ambasada e Kuvajtit. Po ashtu plani urbanistik zhduk gati të gjitha zonat e mbrojtura aktuale si zona e Vilave në rrugën e Elbasanit, zonën e Bllokut, zonën tek Shtëpia e Partisë, zonën e Gardës, e të tjera. I vë kazmën VKM.180 të vitit 2000, që mund të konsiderohet si një prej arritjeve më të mëdha në fushën e mbrojtjes në trashëgimisë kulturore në këtë çerek shekull të fundit.

Ndër arsyet kryesore, që ju përmendët në kontestimin e këtij plani urbanistik është dhe rritja e intensitetit të ndërtimit në kryeqytet. A mund të më shpjegoni këtë?

Kjo është e vërtetë. Në planin urbanistik të miratuar ngrihen në mënyrë të ekzagjeruar intensitetet e ndërtimit. Plani heq kufirin e kateve dhe të lartësisë së godinave. Ai fsheh një pjesë të zonave më delikate, duke mos dhënë asnjë detaj se çdo bëhet me to dhe duke i fshehur prapa termit “Zonë me rregullore të veçantë”.

Plani intensifikon në kufijtë e marrëzisë intensitetin e ndërtimit në qendër, por nga ana tjetër e lë atë shumë të ulët në zonat informale. Kjo do të bëjë të pamundur intensifikimin e  ndërtimeve në këto zona. Plani me qëllim i bllokon këto zona në mizerje me qëllim që të shiten pallatet që do të ndërtohen në qendër. Megjithëse plani shton intensitetin e ndërtimeve në të gjithë zonën e qytetit të vjetër, nuk parashikon gati fare çerdhe, kopshte, shkolla të reja në këto zona. Deformon unazat, duke i bërë praktikisht të parealizueshme. Nuk merret fare me çështjet e mungesave të qytetit si stadiume, terminale, tregje, zona sportive, institucione, pra me gjithçka që quhet hapësira publike. Për shkak të mungesës së profesionalizmit dhe nxitimit, plani është i mbushur me gabime dhe kundërthënie. Për të gjitha këto, mendoj se çdo qytetar duhet që për një çast të tejkalojë kahjen politike dhe të kuptojë që këtu nuk po flitet për Hënën dhe Marsin, por për qytetin ku gdhihemi dhe ngrysemi çdo ditë. I bëj thirrje kujtdo që ka ndopak ndikim tek këta njerëz që ta ndalin këtë tragjedi. Eshtë e sigurt që ky plan nuk e ndërton qytetin, por po aq e sigurt që ky plan e shkatërron dhe e bën Tiranën përfundimisht të pajetueshme. Për mendimin tim me hartimin dhe miratimin e këtij Plani Urbanistik, drejtuesit e Bashkisë së Tiranës po sillet me qytetin ashtu siç u soll me tortën në ditën e 100 vjetorit të Pavarësisë.

Harito i përgjigjet Bregut: Të na thoshin para 22 vitesh se do kishim këtë qeverisje, do na dukej makth

19:41 Politika

Motra e Ziver Veizit: Ndoc Çardaku i ndërroi edhe këmishën

19:32 Politika

INTERVISTA/ Dashamir Shehi: I detyruar të bashkëpunoj me PD-në. Vendimi për "21 janarin" nuk të lë shije të mirë

17:41 Politika

Rikthehen hetimet për vdekjen e agjentit të SHISH, Isa Çopa

16:34 Politika

Malaj: Lista e deputetëve, nga vota e fshehtë. S’na duhet një trajner i fortë, por një ekip zinxhir

15:17 Politika

Topalli arrin të takojë Erdogan, bisedojnë për gazsjellësin TAP

13:03 Politika

Eduard Selami në 'ditë të hallit' me jetën në SHBA?

12:34 Politika

Nju Jork, Kreshnik Spahiu shpallet ‘Qytetar Nderi’ për mbrojtjen e interesave të shqiptarëve

11:30 Politika

INTERVISTA/ Shinasi Rama: Shqipëria është kthyer në një shkretëtirë morale

11:05 Politika

“Rrëzimi i bustit të Enver Hoxhës”, Nishani dekoron Jamarbër Malltezin

10:55 Politika