Doktori publikon në RD 6 pikat ku do hetojë Komisioni i Veshit

Ba Ka Dill, i cili drejton Komisionin hetimor të Veshit, mbërriti më në fund të formulojë faktet mbi të cilat do të hetohet Edi Rama për shkuljen e veshit. Për të gjithë ata që dyshojnë se i kemi sajuar faktet, janë të botuara në gazetën RD të ditës së sotme. Antena, e pafuqishme të prodhonte humor më shumë se sa vetë dokumenti zyrtar i Ba Ka Dill, po i riboton ato të plota. Pas kësaj Ba Ka Dill shpreson të jetë në listën e sigurt në Qarkun e Korçës, pasi ky dokument plotëson të gjithë kushtet për të qenë deputet i sigurt.

Ja 6 faktet që sipas Ba Ka Dill kanë cenuarimazhin e Shqipërisë në Vjenë nga Edi Rama.

1. Takimi me Presidentin austriak, Heinz Fischer nuk është pasqyruar askund nga zyra e presidencës austriake. Në uebsite-n e presidencës për datën 24 prill është shënuar vetëm vizita zyrtare e punës e Mbretit të Lesotos. Gjithashtu, nuk ka pasur asnjë prononcim ose deklaratë për shtyp lidhur me takimin me Ramën. Pra, është trajtuar si takim privat.

2. Gjatë aktivitetit në Akademinë Diplomatike të Vjenës, një student nga Vlora i bëri pyetjen se përse duhet zgjedhur Rama dhe jo Berisha. Pas përgjigjes së Ramës, i pakënaqur studenti vlonjat tentoi të merrte fjalën, por u ndalua nga Rama duke i thënë “se me ty u sqarova një herë”.

3. Kur një i moshuar deshi të bënte një pyetje, Rama i tha menjëherë se “Ti nuk ke çfarë të flasësh, se do të bësh po atë pyetje që më ke bërë para një viti”. I moshuari i tha “Do të flas e nuk të pyes ty. Mos m’u drejto mua ashtu, se kam dyfishin e viteve që ke ti”. Pyetja e të moshuarit nuk ishte aspak provokim.

4. Gjatë gjithë aktivitetit përkthimi ishte shumë i dobët, pothuajse krejt i pakuptueshëm për austriakët. Përkthyese ishte një vajzë e re nga Drenica, që fliste shumë mirë gjermanisht, por që kishte shumë vështirësi me shqipen. Kjo solli herë pas here replika mes Ramës dhe përkthyeses, të tipit “përse nuk e përktheve edhe këtë, përse nuk e përmende edhe atë”. Bashkëbisedimi vazhdoi më pas pothuajse vetëm në shqip dhe pak në anglisht. Disa austriakë që nuk kuptonin anglisht u larguan nga salla para mbarimit të aktivitetit.

5. Teksa një burrë po drejtonte një pyetje, Rama iu drejtua një të pranishmeje në sallë, në rreshtin e parë dhe i tha: “Nuk paske ndryshuar fare”. Burri ndaloi për një çast, se nuk e kuptoi se përse ishte fjala. Rama me mospërfillje i tha: “Vazhdo ti me pyetjen, se e pata me një femër këtu që ka qenë shoqe klase me mua”.

6. Thënia e ditës (pas incidentit): “Pesë orë ndenji në Vjenë dhe na bëri lëmsh. Imagjino shqiptarët e shkretë që e kanë çdo ditë”.

Doktori pasi i lexoi gjashtë pikat e Ba Ka Dill, e thirri në zyrë, e përgëzoi dhe i tha të shtojë dhe një pikë tjetër. Ba Ka Dill u trondit fillimisht pasi e mori këtë për vërejtje për një punë jo serioze, por e pa që Doktori e kishte pa të keq.

-I pashë këto pikat, mirë i kishe ba, po shkruaj, i tha Doktori.

7. Pas takimit, Rama kërkoi të shkonte në tualet, dhe kur doli, nuk i kishte larë duart. Qëllimi ishte t’u jepte dorën autoriteteve austriake dhe demokratëve që ishin në sallë pa i larë ato me qëllim që t’i infektonte.

Ba Ka dill u qetësua. Shtoi pikën me shpejtësi dhe doli i kënaqur nga zyra. Duke u ndarë, për t’u dukur i interesuar, Ba Ka Dill i tha Doktorit.

-Shumë interesante kjo pika që shtuat. Kemi fakte që i ka prekur me dorë të palarë? Kjo mund të përbëjë dhe akuzë penale…

-Kemi, tha Doktori. E tha Vili që veshi i Eginit përveçse ishte i skuqur, vinte dhe një aromë të pakëndshme. Vili thoshte që kishte dyllë në vesh dhe nuk e kish pastruar, por asht e sigurt që i vinte era ngaqë ai zotëria nuk kishte la duart.

-Atëherë ta shtojmë dhe këtë, tha Ba Ka Dill i kënaqur. Me këtë s’ka ku luan, përfundon në burg.

Incidenti mes Flamurit dhe Lefterit për Doktorin

21:01 Antena

Letra e plotë e komunistëve drejtuar Doktorit

20:54 Antena

Ed Ha Lim dhe Ba Ka Dill, hartojnë akuzën për tërheqje veshi

20:41 Antena

Ed Ha Lim nis punën nga komisioni hetimor

20:21 Antena

Aldo në siklet me ambasadën në Vjenë

19:27 Antena

Flamuri zgjidh enigmën e gjethes 5 mijë eurosh

21:21 Antena

Bezdia e Doktorit për të shkuar në takim me aleatët

20:41 Antena

Debate me Flamurin për koalicionin e djathtë

19:48 Antena

Plan masash në Gardë për të ruajtur Kaçin

22:08 Antena

Ngatërresa të zëdhënëseve të Doktorit me fjalët e reja

14:48 Antena