Te fundit
Ndërtohet muzeu i diktaturës në Shkodër, por nuk ka objekte dhe dokumente
2 Maj 2013, 09:54Kulturë
TEMA
Bashkia e Shkodrës u bën thirrje familjeve që janë persekutuar nga diktatura komuniste të ndihmojnë në pasurimin e Muzeut të Vuajtjeve të Diktaturës Komuniste. Tashmë që ndërtimi fizik i muzeumit ka përfunduar, ka dalë në plan të parë sistemimi i tij dhe pasqyrimi i sa më shumë fakteve dhe dokumenteve që vërtetojnë tmerrin e kaluar në kohën e diktaturës, por për të arritur këtë qëllim duhet që të ketë edhe objekte dhe dokumente nga familjet që janë prekur direkt nga diktatura. Nisur nga ky fakt Bashkia e Shkodrës ka dalë me një thirrje publike. Drejtues të kulturës thonë se: “Ky muzeum ndër të tjera do të ketë edhe stenda ku do të ekspozohen objekte apo dokumente të ndryshme që flasin për periudhën e torturës dhe të dhunës ndaj individit. Të gjitha ato familje dhe individë që ruajnë objekte të kësaj natyre dhe kanë dëshirë që të kontribuojnë në pasurimin e këtij muzeu, janë të lutur të kontaktojnë me ne në Bashki, ose tek numrat e telefonit, Drejtoria e Kulturës 0666003143 dhe Drejtoria e Turizmit 066 6003104.” , citohet në “GSH”.
Jo rastësisht është vendosur që muzeumi që dëshmon krimet e komunizmit të ndërtohet në Shkodër.
Qyteti i Shkodrës konsiderohet si më i prekuri nga diktatura. Pas 1944-rës në qytet numëroheshin 13 burgje të regjimit komunist, 601 të pushkatuar, 136 të vdekur në burgje, 2846 të burgosur politikë dhe 1924 të internuar politikë. Muzeumi është ndërtuar në ish-godinën e Degës së Punëve të Brendshme të Shkodrës, aty ku gjatë viteve të diktaturës janë burgosur e torturuar figura të njohura intelektuale të qytetit verior e më gjerë, në nderim të shtresës që e vuajti më shumë atë regjim. Për ndërtimin e këtij muzeu është vënë në dispozicion një fond prej 53 milionë lekësh, të akorduara nga Ministria e Kulturës, si dhe Bashkia e Shkodrës. Muzeu ka një galeri hyrëse prej betoni, rreth 50 metra të gjatë, prej së cilës mbërrin tek zona e ishburgut, me 40 birucat e tmerrshme që dikur shërbenin për izolimin e të burgosurve. Pjesë e muzeut janë edhe mjedise të tjera të jashtme, sikurse oborri i ajrimit, anekse të tjera plotësuese, si dhe pajisje, shkrime dhe të dhëna origjinale të asaj kohe, të cituara nga të burgosurit politikë.
8 komente në “Ndërtohet muzeu i diktaturës në Shkodër, por nuk ka objekte dhe dokumente”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ehhh cfare behet ne Albanistan.. ne vend te rindertojne, rregullojne dhe te permiresojne muzeumet dhe qendrat arkeologjike qe jane rrenuar, ndertojne muze kunder Enverit.. hajde shqipo hajde..!! ngelen me mendjen ne te kaluaren..!! popull pa lidhje..!!
Nena e Jozefina Topallit do coje ndonje relike si bashkepunetore e sigurimit ?
Hapni dosjet e mos beni shaka te tilla e te shohim ne do mburret me Jozefina me xhaxhane e burgosur qe ja spiunonte e ema.
Ne Shkoder ndertoni shkolla fillore se mbeten analfabete.
ti kerkojne sales armet qe vrane fakiret ne bulevard me 21 janar,,gjithashtu edhe hirin e trupave te persekutuarve qe u dogjen nga regjimi demokratik i komunistit salihe qenefi,shkodraneve duhet tja shuash kuriozitetin se nuk kane pasur kohe se i kane plase ujnat dhe i asht mpi dora me dy gishtat lart,se me cfare gishtash e krujn ate senin nji zot e di
Te jepka nje ndjesi te mire… plot drite dhe moderni’. Vetem atmosfere diktature dhe krimi nuk ka ketu.
Kush i ben keto projekte pa lidhje?
Relikeme te mire se Sali Berisha nuk keni ku te gjeni. Merreni dhe vendoseni aty si deshmi e gjalle e komunistit me te neveritshem ne te gjithe boten dhe ne te gjitha koherat.
Relike me te mire se Sali Berisha nuk keni ku te gjeni. Merreni dhe vendoseni aty si deshmi e gjalle e komunistit me te neveritshem ne te gjithe boten dhe ne te gjitha koherat.
Pra, dilni edhe me fitim ne projekt, pasi s’keni nevoje me ble e me vu manekine. Ne pult veni Gjovalin Kolombin, se po idn do gjana, para dhe pas 90-es.
Ndonje dite tash po iu cojme edhe njefare Dhimitri…avokat (hije), qe ka nje zyre avokatie fill mbas MASH-it.
Pastaj, sa jane mbledhe ne Tirane, e shume “betejat” i bajne neper tavolina, s’di kush me i tregue.
Per fat te keq, keto 20 e ca vjet nen drejtimin e nje tjeter partie-shtet,ato qe sot konsiderohen si ish te persekutuar, u sollen ne menyre te tille me shoqerine, pasurine publike dhe pushtetin, saqe gjeja e pare qe te vjen ne mendje kur degjon te flitet per to, eshte : ”mire ua paskan bere nese i kane persekutuar. bile pak e kane”.