Botohet në Francë "Mosmarrveshja" e Kadaresë

Eshtë botuar këto ditë në gjuhën frënge nga “Fayard” libri “Mosmarrëveshja” e shkrimtarit Ismail Kadare. I përkthyer nga Artan Kotro, nuk është kaluar  pa u vënë re nga  kritikat franceze  e më së shuti në  Sallonin e Librit (Panairi i Librit në Francë).

Në shënimin e botuesit francez theksohet: “Në qoftë se do të kërkohej ngjashmëria midis popujve, ajo do të gjendej, në radhë të parë, në gabimet e tyre.” Ismail Kadare, ndërsa përmend midis të tjerash, gabimet e vendit të tij, kalon në një shqyrtim të simbolikës së Shqipërisë, nën sundimin otoman për një gjysmë shekulli, dhe më pas, në shekullin e njëzetë, kur ajo njohu radhazi republikën, monarkinë, pushtimin hitlero-musolinian, komunizmin stalianian dhe atë maoist, e së fundmi edhe demokracinë e rrëmuj-shme, për të trokitur sot këmbëngulshëm përpara portave të një Europe që po e lë në pritje.

Këto simbole janë himni dhe flamuri, i pari, jo pa arrogancë, ballë për ballë me pjesën tjetër të botës, i dyti i dykuptimshëm, me shkabën dykrenore, që simbolizon një komb të ndarë dhe një popull me një mosmarrëveshje të dhimbshme.

I treti simbol është Gjergj Kastrioti Skënderbeu, i cili për tridhjetë vjet luftoi për të ndaluar hordhinë otomane që kishte arritur në portat e Vjenës dhe u përpoq deri në fund, ashtu siç bën me përkushtim Kadare tani për kthimin e Shqipërisë së vogël në gjirin e kontinentit mëmë, në Europë.

Besnik ndaj idesë krenare për rolin e shkrimtarit, libri i Kadaresë jep një reflektim madhor, me përmasë universale, që nis nga rasti i kombit të vet, ndaj të cilit ai gjykon si një magjistër erudit dhe i rreptë. /A.XH

Piktori: Kam përfaqësuar nëpër ekspozita Greqinë, pasi në Shqipëri nuk kam gjetur mbështetje

11:06 Kulturë

Ministria e Kulturës pasuron biblotekat me libra në kuadër të Ditës Botërore të Librit dhe të së Drejtës së Autorit

10:08 Kulturë

Reportazh pë Thethin shqiptar në gazetën "International Herald Tribune"

11:51 Kulturë

Kujtohemi në përvjetore për Ibrahim Kodrën, por nuk kemi asnjë monografi kushtuar piktorit

09:55 Kulturë

Pianistja kosovare:"Publiku shqiptar ndër më emocionuesit.Vështirësitë na kanë ndihmuar të rritemi"

10:30 Kulturë

Deutsche Welle: Vjedhja e artit kishtar ka varfëruar kulturën shqiptare

14:31 Kulturë

INTERVISTA/ Tani priten edhe kërkesat për ndryshime gramatikore?!

14:18 Kulturë

"Individividë anonimë po luajnë rolin e itelektualit, ndërsa intelektualët e vërtetë janë në hije"

11:07 Kulturë

Xhon Withers:Duhet të jeni krenar, shqiptarët mbrojtën hebrenjtë

11:06 Kulturë

Akademiku Rexhep Qosja:S'duhen bërë ndryshime në gjuhë. Ka prapavijë politike

09:57 Kulturë