Shënime nga ditari i Doktorit: Fqinjët, pjesë e komplotit kundër meje

Të dashur miq! Po ndodh një gjë e shëmtuar, për të cilën kam pasur dyshimet e mia prej kohësh. Banda e mafies, drogës dhe prostitucionit, që ka ardhur në pushtet me vota të blera, ka pasur dhe ndihmën e armiqve tanë historikë, Turqisë, Greqisë dhe Italisë. Nuk ka si të ndodhë ndryshe, që ndërkohë që unë jam kryeministër i ligjshëm i vendit, kryeministrat e vendeve fqinje presin Piktorin, i cili është vetëm një nga dy kryeministrat e ardhshëm.
Thirra Zenin në mëngjes për ta diskutuar problemin e Turqisë. I thashë të fliste me atë të Korumit, për të mësuar se çfarë ka ndodhur dhe pse Turqia merr pjesë në këtë komplot kundër meje.
Zeni ishte po ashtu shumë i çuditur.
-I kanë premtuar shumë lek Piktorit, më tha.

Ky miku i Zenit i kish thënë se Erdogani ka thënë për mua që jam edepsëz.
U preka shumë. I dhashë katër hidrocentrale thuajse pa lek. Si mund të na e bëjnë këtë dhe t’i japin lek Piktorit?
Zeni thotë që ai miku i ka thënë që ne jemi korrekt. Ju kërkuat para për vete, u dhamë aq sa mundëm, Piktori paska kërkuar për qeverinë, ndaj do t’i japin më shumë. Po kush i ha këto dokrra. Dihet që dhe po i dha për qeverinë, prapë Piktori do t’i marrë. Ky është skandal.
Mora në telefon Tritanin dhe i thashë të bëjë deklaratë urgjent se Shqipëria ka aleat strategjik Greqinë, jo Turqinë. E bëri Tritani i shkretë menjëherë. E ka këtë të mirë. I do të gjitha shtetet e huaja njësoj. Nuk bën dallim për asnjërën, mjafton të jenë të huaja. E bëri deklaratën. Epo mendova se do bëhen xhelozë grekët. Por ç’të shikosh. Ende pa u shpërndarë deklarata e Tritanit, Piktori mbërriti në Athinë. Takim një orë dhe aty.
Ky është skandal. Unë u jap detin, ky ua heq, ata prapë takojnë atë.
Më mori Tritani prapë, më tha u nxituam. Të kishim thënë që prioritet kryesor është Serbia dhe Mali i Zi.
-Të lutem mos e bëj, i thashë, se ma presin dhe ata dhe ngelëm vetëm fare. Të paktën të kemi ata aleatë sa për sy e faqe. Edhe Tritani u mërzit.

-Nuk e kuptoj, tha, si presin këta një kryeministër të paligjshëm.
Shpjegimin më të plotë ma dha Luli. Më tha që ky Samarasi e pret nga inati i Lulit, meqë ai ka firmosur Marrveshjen e Detit me Bakojanis.

-Meqë Micotaqisi, tha, donte t’ia linte partinë vajzës dhe ia mori Samarasi, tani Samarasi nga inati i vajzës takohet me Piktorin se vajza ka qenë shoqe me mua.

M’u duk i arsyeshëm komenti i Lulit. Në fakt është i dashur dhe shumë xhentil me femrat, sidomos kur janë vajza kryeministrash. Ma thotë Gita gjithmonë. Atij i shndrin fytyra kur të del para, thotë. Dhe Bakojanis ma pat thënë. Si nuk kemi një ministër kaq të dashur që të buzëqesh dhe kot, më tha.
M’u bë qejfi shumë në fakt. Buzëqeshja e Lulit është historike.
Në drekë pashë Ilir Metën që mblodhi ministrat e vet. M’u kujtua dita kur mblodhi kryesinë dhe hoqi Dritan Priftin nga qeveria. Nuk më njoftoi fare. Ja kështu po ia bën dhe Piktorit. Kjo qeveri është e dështuar. Këta nuk mund të qeverisin. Shqiptarët dhe fqinjët do pendohen për këtë që kanë bërë. Një palë zgjedhje, një qeveri në detyrë dhe dy qeveri në pritje. Ky është ndryshimi. Përpara!

Shënime nga ditari i Doktorit: Një alarm i rremë nga Haklajt

19:18 Antena

Shënime nga ditari i Doktorit: Probleme me transportin drejt zyrës në PD

20:50 Antena

Shënime nga ditari i Doktorit: Debate me Lulin dhe Mulin

20:24 Antena

Shënime nga ditari i Doktorit: Ditë e zezë për kombin shqiptar

19:22 Antena

Shënime nga ditari i Doktorit: Udhëzime për Lulin kur takon të huajt

19:20 Antena

Shënime nga ditari i Doktorit: Dy strategjitë e mia për Lezhën

18:29 Antena

Shënime nga Ditari i Doktorit: Armiku më i rrezikshëm, armiku që harrohet

20:35 Antena

Shënime nga Ditari i Doktorit: Mbi tablon sinoptike për shkatërrimin e poliagjentëve në PD

20:57 Antena

Shënime nga Ditari i Doktorit: Strategjia për të pushuarit nga puna

21:03 Antena

Shënime nga ditari i Doktorit: Dita e parë si demokrat i thjeshtë

19:00 Antena