Shënime nga ditari i Doktorit: Dita e parë si demokrat i thjeshtë

Sot është dita e parë që unë jam demokrat i thjeshtë. Luli sot ka ditën e parë që është gdhirë kryetar partie. Jam shumë i gëzuar. Më duket se kam realizuar ëndrrën time. Njësoj sikur t’ia kisha lënë fëmijëve të mi.
Më mori që herët në mëngjes në telefon. Në fakt kisha marrë Lilin. E kish pyetur ‘a mund ta shqetësoj Doktorin’. Ajo më pyeti mua dhe unë mora telefonin. Ishte shumë i ndrojtur.
-Nuk dija si ta nisja ditën, më tha, dhe thashë të të marr një herë në telefon.
-Ke ba shumë mirë, i thashë. Më merr sa herë të duash, mos ki turp. Mua më ke ose këtu, ose në zyrë në PD.
-Faleminderit shumë, më tha. Për këtë të desha. Kam menduar gjatë dje dhe them që zyrën tuaj ta zgjerojmë dhe pak, ta përfshijmë gjithë katin dhe ta bëjmë në një farë mënyrë si katin e nderit në PD. Mos të afrohet njeri dhe të mbetet zyra e vërtetë e kryetarit të PD.
I thashë nuk ka nevojë me u zgjerue, por krah saj është një zyrë e vogël që e ka pas përdorë Bamir Topi dhe e nxita ta marrë atë për zyrë.
-Jo atë Doktor, nuk e dua, tha, se është ters. Dua një zyrë simbol të një njeriu besnik ndaj teje. Dua të marr zyrën që ka pasur Azemi.
-Shko, dëgjo, tani o zotëri, zyra e Azemit ishte 2.30 me 2 metra, gjithsej 5 metra katror. Në fakt atëherë ishim keq për zyra. Më thoshte gjithmonë ma ke zgjedhë zyrën si varr dhe në varr shkoi. Nuk bën për ty.
-Po unë kam vendosur të eci në gjurmët e Azemit doktor, të jem besniku yt.
-Tani zotëri, i thashë, duhet të zgjedhësh ose të jesh besnik ndaj meje, ose si Azemi. Se të dyja nuk shkojnë. Dhe mësoje pak historinë e PD tani, mos dëgjo çfarë themi ne nëpër TV. Më mirë si Bamiri, se sa Azemi.
-Ashtu, më fal, nuk e dija, më tha. Po të jetë kështu, tërhiqem. Më jep zyrën e Pashkos se unë i kam idhull këta themeluesit.
-Tani o zotëri, të thashë që duhet të mësosh pak historinë. Nuk ka pasur Pashko fare zyrë në PD. Bile nuk ka qëndruar kurrë në PD. Dhe kur u rikthye më 2005, nuk shkeli kurrë në PD, vetëm ndonjë herë tek zyra ime. Dhe këtë fjalën “besnik” si Pashko mos ta dëgjoj më. Ose besnik, ose si Pashko.
-Më fal Doktor, tha, se kam qenë i vogël e s’i mbaj mend mirë, po ja ngaqë kemi dëgjuar që janë themelues, ndaj. Sidoqoftë desha të të them që zyra do mbetet e juaja sa të jeni gjallë. Unë do rregulloj diçka në kat të parë ose të dytë. Ka vende plot.
U emocionova shumë dhe i urova fat. I thashë mos t’i vijë zor, të më marrë kur të dojë në telefon.
Pastaj shkova në mbledhje të qeverisë. Ishin disa vendime të vështira. Duhet të miratonim një ligj për kontributet shëndetësore. E anulova se thashë Edi Rama e ka në program falas. Ta shikojmë si do ta bëjë. Ai Olldashi nuk kish ardhur fare në mbledhje. U mërzita shumë. E paralajmërova që do shkarkohesh nga ministër dhe nga gjithë detyrat partiake. Nuk më ktheu përgjigje fare. Me thënë të drejtën u mërzita. Pyeta njeriun tim në ministri dhe më tha po bën gati dosjen e Lulit për Rrugën e Kombit t’ia lërë pasardhësit socialist gati për gjyq. U mërzita shumë. E mora në telefon, i thashë jam Sali Berisha, je i shkarkuar.
Më vjen keq, tha, një demokrat i thjeshtë nuk shkarkon dot një ministër. Palaço d.m.th. Njeri pa dinjitet. Mendon se kryetarit ia jep postin statuti. Atë e jap unë. Mund të zgjidhet kush të dojë, por kjo nuk do të thotë që shkarkohem unë. Thjesht është dhe një tjetër. Kjo nënkupton faktin që pushtetin e ka një demokrat i thjeshtë si unë, por jo se nuk kam pushtet.
Do ta shikoj seriozisht punën e tij.
Dëgjova dhe një të huaj që këndon si gjeli majë plehut. Thotë që ka pasur manipulime në zgjedhjet e PD. Ai qyqar quan manipulim faktin që fletët e votimit ishin me numra. Po ku ka transparencë më të madhe se sa kryetari të mësojë kush e mbështet dhe kush jo. I pacipë d.m.th. Por këtu jemi. Ka për ta parë. Beteja vazhdon. Përpara!

Shënime nga ditari i Doktorit 23 korrik: Data 23, një datë e madhe për PD-në

19:07 Antena

Shënime nga ditari i Doktorit me 22 korrik: Mafia e drogës pengon numërimin e votave

20:24 Antena

ANEKDOTE E VERTETE/ Kur mungon ndjenja e turpit

18:33 Antena

Shënime nga ditari i Doktorit. Letër Fuqive të Mëdha

18:31 Antena

Shënime nga ditari i Doktorit: Edi Rama, hap kutitë ose largohu!

20:12 Antena

Shënime nga ditari i Doktorit më 19 korrik: Koha po provon që kemi fitu thellë

20:09 Antena

Shënime nga ditari i Doktorit më 17 korrik: Përpara për mbajtjen e premtimeve

21:12 Antena

Shënime nga ditari i Doktorit më 16 korrik: Gratë vriten nga inati im

21:04 Antena

Shënime nga ditari i Doktorit më 14 korrik: Revolucion kundër Ramës

19:15 Antena

Shënimi nga Ditari i Doktorit: 13 korrik, rritet presioni për anulimin e dorëheqjes

20:08 Antena