Shënime nga ditari i Doktorit më 16 korrik: Gratë vriten nga inati im

Sot nuk kishte asnjë njeri në korridoret e zyrave në kryeministri. Sekretarja më vuri para gazetat e ditës.

Ishin të mbushura të gjitha me lajme për vrasje grash. Tre gra të vrarë vetëm në dy ditë. Maska në rrugë. Aksidente. Vendi po përjeton një tmerr. Tani gjithçka është e qartë. Sapo u mor vesh që u votua kundër nesh, krimi doli në rrugë. Gratë kanë qenë votuese tonat, ndaj i vrasin. Edi Rama dhe Koço Kokëdhima nuk durojnë dot që gratë nuk i kanë votuar dhe i vrasin. Ja dhe maskat në rrugë. Nuk kish si të ndodhte ndryshe. Këta kanë kthyer Komitetet e Shpëtimit të ’97-ës. I kanë nxjerrë në rrugë.

Mora Flamurin në telefon ta pyes për situatën.

-Nuk kam çfarë të bëj, tha. Ata që dolën në Pukë me maska janë socialistë. I kanë mësue me lek gjatë zgjedhjeve, mbaruan lekët, tani kanë dalë në rrugë.

Nuk ka faj Flamuri. Ai përpiqet sa mundet. Ka çuar njerëzit e vet në frontet më të vështira nga Saranda në Tropojë shefa komisariatesh nga Kukësi dhe prapë nuk ia del dot. Krimi është i lidhur me Rilindjen. Ai komandohet nga Edi Rama dhe Koço Kokëdhima. Ata kanë urdhëruar vrasjen e grave, maskat në rrugë, vjedhjet masive, etj.

Kishte folur dhe Jozi për gratë. Gjithmonë i janë dhimbsur gratë. Ka qenë gjithnjë dakord të mos vriten. Deri tek pushimi nga puna, ndalimi i karrierës, etj, ka qenë dakord. Për vrasje nuk ka qenë kurrë dakord.

Hapa Facebook-un.

Kisha marrë mijëra mesazhe. Sidomos për Sebastianin. Të gjithë jemi Sebastianë, më thoshin. Por ka dhe shqetësim për zgjedhjet. Këmbëngulin që unë të mos jap dorëheqje. Duhet t’u jap një mesazh të qartë që unë nuk bëhem më kryetar dhe nuk dua të ndikoj në garë. Më shkruajnë se Olldashi po përdor struktura të partisë për t’i angazhuar të mbledhin vota.

Ju ktheva këtë përgjigje: Unë jam sot një anëtar i thjeshtë i PD-së, njësoj si ju, që kam vetëm një votë në dorë. Ato që thoni për Olldashin i mora seriozisht dhe thirra në telefon Jozefinën. I thashë, po të dëgjova më të merresh me Olldashin, do flasim ndryshe.

-Si urdhëron, më tha.

Pastaj mora Ridvanin. I shpjegova se kam shumë ankesa se po mbështet Olldashin. Nuk e pranoi. I thashë, po dëgjova më fjalë të tilla, do flasim ndryshe, do të çoj dosjet në prokurori. E pashë që reflektoi.

Është e vërtetë që unë një votë kam, por kjo s’do të thotë që ta lëmë situatën të degradojë dhe të votohet kundër Lulit.

Pastaj u shkruajta shumë militantëve. U thashë që unë kam vetëm një votë, dhe ta dijë mirë kushdo se kush bën lobing pa lejen time, do t’i ketë punët pisk.

Kontrollova gjatë gjithë ditës Facebook-un. Ishte një mrekulli. Njerëzit e kanë kuptuar që Partia Socialiste i ka gënjyer dhe janë tërhequr nga premtimet. Ja se ç’më shkruan Fidan Kola nga Tropoja: I nderuar Doktor. PS u tërhoq nga premtimet e saj, ndaj ti nuk ke pse tërhiqesh as nga kryeministër, as nga kryetar partie. Një vizion i rrallë dhe inteligjencë e pashoqe që na bën krenare. Përpara…

Shënime nga ditari i Doktorit më 14 korrik: Revolucion kundër Ramës

19:15 Antena

Shënimi nga Ditari i Doktorit: 13 korrik, rritet presioni për anulimin e dorëheqjes

20:08 Antena

Shënime nga ditari i Doktorit: 12 korrik, zbulohet fitorja e PD

21:33 Antena

Flamuri, debat të ashpër me Nard Ndokën për ‘prerjen në besë’

21:24 Antena

Kunati niset të mbrojë pallatin në Vlorë

20:21 Antena

Si tentoi Doktori t’i prishë festën Nishanit dhe Full(h)anit

22:05 Antena

Si Full(h)ani përgatiti takimin me kryeministrin e ri

21:12 Antena

Flamuri sqaron militantët për garën në PD

20:37 Antena

Bisedat e Doktorit me mbesat për pasardhësin e PD-së

18:20 Antena

Fevzo sqaron Kempbellin për politikën angleze

22:19 Antena