Pagat po rriten se ka zhvillim apo se nuk ka punëtorë? Përgjigjet eksperti

Tregu i punës është përfshirë në një dinamikë, ku pagat po shfaqin një trend rritës në mënyrë të vazhdueshme në vitet e fundit.

INSTAT raportoi në fillim të këtij viti se paga mesatare bruto arriti në 90 mijë lekë ose 9.6% më shumë se tremujori i parë i vitit 2025.

Rritja vijon të udhëhiqet nga pagat në administratën publike. Por teksa Shqipëria po tkurret, pagat po rriten. Pyetja që shtrohet është se pse po rriten pagat? Igli Zepishta, kontabilist, jep një arsye kryesore.

“Rritja e pagave po vjen më shumë nga mungesa e punëtorëve. Kjo është një krizë e madhe që i detyron punëdhënësit në shtet dhe në privatë të rrisin pagat. Kjo është arsyeja kryesore. Një tjetër arsye pse është rritur paga mesatare është edhe formalizimi i tregut të punës. Tatimet kanë patur në fokus tregun e pagave dhe ka ndikuar në deklarimin e real të tyre. Paralelisht rritja ka ardhur edhe si pasojë e rritjes së pagës minimale, e cila nisi zbatimin në janar të këtij viti nga 40 mijë lekë në 50 mijë lekë në muaj”, tha Zepishta në një intervistë në Vizion Plus.

Rritja më e madhe e pagave në këtë fillim viti vërehet në sektorin e ndërtimit me 22%, çka tregon nevojën që ka ky sektor për punonjës, por dëshmon edhe për bumin e punimeve për shkak të lejeve të dhëna në të gjithë vendin.

“Pavarësisht rritjes së pagave ne shohim që kjo tendencë nuk po shoqërohet me rritje të produktivitetit. Ndaj dhe çdo rritje që nuk bazohet në produktivitet është kosto për bizneset. Kosto për biznesin është edhe rritja e pagës minimale me vendim qeverie”, tha Zepishta.

Por edhe pse flitet për rritje pagash, jo të gjithë nivelet e punës po përfitojnë. Rritja është fokusuar tek ato pozicione që e kanë edhe më të vështirë gjetjen e punonjësve.

Pas rritjes rekord, bie ndjeshëm çmimi i arit, ja faktorët që po ndikojnë

18:30 Ekonomia 1 koment

Pacolli ngre alarmin: Kam marrë kërcënime, Aeroporti i Vlorës po mbahet peng nga grupe të errëta!

18:10 Ekonomia 11 komente

Tregu i punës po ndryshon kurs, bujqësia humbet vende pune, ekonomia zhvendoset drejt shërbimeve

14:00 Ekonomia 1 koment

ALTAX: Shqipëria jeton më mirë se një dekadë më parë: Indeksi i jetesës 2025- 2026, pabarazia mbetet sfidë kryesore

19:45 Ekonomia 2 komente

Ligji i faljes, kompensohen 10.4 milionë euro detyrime/ Përfitojnë mbi 13 mijë tatimpagues, zbatimi i masave po vijon

16:45 Ekonomia 2 komente

Bordi i Transparencës publikon çmimet e reja të karburanteve në vend

12:35 Ekonomia

Hekurudhat, asistencë për përafrimin e ligjeve me BE-në/ Shpallet fituesi i kontratës 641 mijë euro, projekti do të zgjasë 15 muaj

12:05 Ekonomia 3 komente

Sejko: Ekonomia shqiptare u rrit me 3.8% gjatë vitit 2025. Inflacioni mbeti i qëndrueshëm, sektori bankar më i fortë se kurrë

13:29 Ekonomia 4 komente

Deri në 721 € në muaj? Ja sa kushton të jetosh me qira në kryeqytet

10:00 Ekonomia 5 komente

Çmimi i naftës rëndon transportin publik, shoqatat kërkojnë shtyrjen e kompensimit

08:30 Ekonomia