Fevzo sqaron Kempbellin për politikën angleze

Alester Kempbell pranoi të intervistohej nga Fevzo në kuadrin e rehabilitimit të Fevzos me qeverinë e re. Para se të fillonin intervistën, Fevzo e priti në zyrë dhe donte të bisedonte pak për temat e emisionit.

Kempbell u ul në karrige këmbë mbi këmbë, shtriu pastaj trupin të shtriqej dhe u bë gati për bisedë. Fevzo i hodhi një sy të shpejtë dhe i bëri përshtypje që ai nuk kishte asgjë firmato dhe orën e kishte nga ato të lirat.
-Ça të bisedoj me këtë kot, tha, ky nuk ditka të vishet.
I hodhi një sy këpucëve mos kishin ndonjë markë të përbashkët.
As ato nuk i kishte gjë.
U zu ngushtë se zakonisht ai i nis bisedat me veshjet dhe këpucët. Tani nuk dinte nga t’ia niste.
Për t’u bërë interesant, e nisi me Theçerin.
-Ju keni këshilluar Toni Blerin, i tha Fevzo, po unë në fakt nuk e kam pasur qejf. Erdhi këtu atëherë më ’99, takoi një djalë që kemi pasur kryeministër ne, Majko e quanin, por nuk e takova. Më tha Majko po deshe eja tek zyra takoje, por në fakt nuk e kisha qejf. Mos të të ngelet hatri, i tha.
-Jo aspak, përkundrazi. Ne i vlerësojmë shumë njerëzit që nuk na kanë qejf se me ata operojmë në politikë, i tha Kempbell.
Po Theçerin nga e njihni?
-E kam pasur shumë qejf kur ndërhyri në ishujt Malvine. E ndiqja çdo natë nga Rai ato ditë pushtimin, ishte spektakolar…
-Ou, interesant. S’besoja të gjeja njeri jashtë Anglisë të ishte mahnitur nga kjo. Por si ja bënit se ju thatë që keni qenë i persekutuar në një provincë në atë kohë?
-Ashtu është, por në fakt bënin një tolerim për mua. Se isha 12 vjeç atëherë.
-Ou, 12 vjeç dhe ju ka mahnitur? Interesante. Po përse u pëlqen tjetër Theçeri?
-Më ka pëlqyer shumë tek ai filmi. Ishte shumë i bukur.
-Aha, ok, qartë. Mua me siguri duhet të më kesh inat se në të gjithë filmat jam personazh negativ.
-Vërtet, desha të të pyes pse të kanë kaq inat, i tha Fevzo.
-Nuk e di, por më sulmojnë pse i qëndrova besnik Blerit dhe po punoj një jetë të tërë me të.
Prisnin që kur Bler iku, dhe unë ta denoncoja ose të thosha shpëtuam prej tij.
Fevzo u vu në siklet dhe ndërroi bisedë.
-Babai im ka dashur shumë Çërçillin, tha.
-Ou, dhe ai nga filmi e ka dashur pyeti Kempbell.
-Jo, kemi një histori se një gjyshi i imi ka qenë në Angli dhe ka njohur Çërçillin. I ka pasë thënë kur të zbarkojmë në Tiranë, do ta gjej djalin ku ta kesh dhe do ta ndihmoj. Në fakt nuk zbarkuan, por babi i priti gjithë jetën.
-Qartë, e kuptova, tha Kempbell. Dhe këtë si pushtues e dashke.
Fevzo u vu prapë në siklet dhe ndërroi bisedë.
-Kjo do jetë intervista e parë që do jepni në shtypin shqiptar, i tha.
-Jo, jo, kam dhënë disa, i tha Kempbell. Tek Ilva, tek një revistë, në disa gazeta. Jo, jo, nuk është e para…
Fevzo u skuq përsëri.
-Ndoshta të prisha punë, i tha Kempbell, por e vërteta është se kam dhënë disa. Mund të fillojmë tani?
-Po, i tha Fevziu, do fillojmë. Desha të të pyes dhe diçka tjetër. Kur Berisha erdhi në pushtet, në Angli ishte në pushtet Theçeri, tani është Kameron dhe janë ndërruar 4 kryeministra. E kupton se ç’kemi hequr këto 22 vjet?
-E kuptoj, i tha Kempbell. Për ty sidomos duhet të ketë qenë e tmerrshme pasi nuk ke pasur mundësi të tradhtosh…
Fevzo u skuq përsëri.
-Jo, jo, tha, se ka pasur dhe ndryshime, por e kam fjalën që ky qëndroi gjatë. Të paktën ky Rama është ndryshe o burrë…

Kunati merr në kontroll partinë

20:12 Antena

Sokoli plotëson formularin për të kandiduar për kreun e PD-së

20:26 Antena

Letërkëmbim i Doktorit me kryetarin e Forumit Fëminor të Shqipërisë

19:50 Antena

Grigja zbulon arsyet përse duhet Luli kryetar i PD-së

21:01 Antena

Si i bindi Flamuri të qanin në mbledhje të kryesisë për Doktorin

20:00 Antena

Debatet e Doktorit pasi ngatërroi fjalimin e humbjes me atë të fitores

21:46 Antena

Dialogu i Baba Mondit me Jarin në presidencë gjatë ndarjes

19:52 Antena

Bujari, në siklet nga vizita e Doktorit

19:37 Antena

Muli merr detyrën si kryetar i PD-së

20:19 Antena

Bujari konsulton fjalimin për votimet me Doktorin

22:22 Antena