Grigja zbulon arsyet përse duhet Luli kryetar i PD-së

Fushata për të emëruar Lulin kryetar të PD-së ka lindur nevojën e një debati publik, ku të justifikohet arsyet përse Luli duhet të jetë kryetar. Për këtë Luli ka kërkuar mendime me shkrim nga disa bashkëpunëtorë të tij, të cilët duhet t’i rekomandojnë atij tezat e fushatës. Grigja është një prej tyre. Ja letra që ajo i ka çuar Lulit rreth pikave të forta ku duhet të mbështesë ai fitoren e tij.

“I dashur Luli.

Unë kam punuar këto ditë në formulimin e disa tezave që përfshijnë jo vetëm konceptin tim filozofik, i cili për momentin qëndron në koherencë të plot me idenë që përmbush në një farë mënyre ambicien e asaj çfarë kemi projektuar, por bën sens dhe në anën tjetër atë të krijimit të një infrastrukture të mendimit estetik rreth përsiatjes që vetë njerëzit e PD-së duhet të bëjnë kur të kenë parasysh atë që duhet t’i udhëheqë.

Pika e parë ku duhet të mbështesim fushatën është të qenit në kohezion me njerëzit më të afërt të Berishës, dhe sidomos aftësia që ti ke për të krijuar tek ata një mendim pozitiv, i cili lidhet me të qenit i aftë t’u krijosh një perceptim adhurimi tëndin për ta në funksion të frenimit të ndonjë sensi negativ mendimesh që mund të të adresohej ty. Në këtë prizëm unë them se fakti që ti ke mundur ta bësh fjala bie një femër të afërt me Berishën të ndjehet e përkëdhelur nga fati që të ka pasur ty në zyrë dhe që ka pasur mundësi të shijojë buzëqeshjen tënde, krijon vetiu një bagazh të fortë politik, që duhet ta përdorim në sensin e një kolaterali të mirëadministrueshëm në kreditë e tua për të rritur impresionin që duhet të krijosh tek strukturat e PD-së se ti je pjesë e asaj që ishte më e mira në këtë pushtet dhe që ky popull i padenjë e ndëshkoi.

Në këtë pikë desha të shtoj dhe nevojën që kemi për të implementuar një sens pozitiviteti lidhur dhe me rrethin më të gjerë familjar të Doktorit, dhe koshiencën e tyre që ty të kanë përzgjedhur qysh më 2005 për këtë detyrë. E paketuar e gjitha si një ide solide që vjen nga afërsia juaj me Familjen, kjo ka për të qenë pika jote me e fortë përballë kundërshtarëve, të cilët janë mjaftueshëm të padëshirueshëm në Familje dhe të dyshuar si njerëz me ide konspirative.

Pika e dytë ku duhet të mbështetesh është ajo që në fakt përbën një premisë shumë domethënëse në historinë e shumë liderëve botërorë, por dhe në Shqipëri, pavarësisht sensit historik kur ka ndodhur. E kam fjalën për bukurinë fizike dhe gjatësinë tënde, e cila është mjaftueshëm një version i suksesshëm mes Zogut dhe Hoxhës, çka rrit sensibilitetin e një trashëgimtari historik të denjë për t’u riprovuar si burrë shteti. Në këtë pikë na duhet të forcojmë dhe idenë që Berisha ishte një burrë i gjatë dhe i bukur, por ti je një version më pozitiv i tij, në kuptimin e asaj se ke tipare si të Hoxhës, dinakëri si të Zogut dhe mentalitet si të Berishës. Kjo është qenia perfekte, e cila prodhon idiolatrinë e domosdoshme për elektoratin ende rural, i cili percepton udhëheqësin si një prijës që duhet ta kenë zili të gjithë.

Pika e tretë duhet t’u drejtohet qendrave të mendimit liberal në vend dhe duhet konceptuar si një fushatë gjysmë diskrete që përhapet përmes perceptimit informal të injektuar në mënyrë diskrete nga njerëzit tanë në biseda private dhe që interferon mjaftueshëm në mentalitetin e një shoqërie, e cila ka dukshëm nevojë për veset njerëzore dhe kureshtjen për efektet e këtyre veseve.

Ideja që duan të krijojnë kundërshtarët se mund të jesh një qenie e penalizueshme përmes dosjeve të rrugëve apo 21 janarit, duhet të stimulohet si një fat politik, i cili mund të sprovoj në një betejë me pushtetin, ndërsa ideja që vjen nga një vend liberal si Holanda ku temat tabu të homoseksualitetit janë realitet i kapërcyer, mund të ngallë kureshtje dhe vëmendje tek disa zona të heshtura të shoqërisë që vuajnë kompleksin e të moskuptuarit nga të tjerët, e cila në këtë rast duhet vënë në funksion të të ndjerit mirë me veten kur je në krizë, çka dhe unë vetë në shumë raste e ndjej që e kam pjesë të suksesit tim.

Duke shpresuar se këto tre pika janë të qarta dhe të thjeshta, besoj se mund të na ndihmojnë të krijojmë nj projekt të qartë për të rikonceptuar gjithë zhvillimet domethënëse që duhet të pasojnë marrjen e partisë nga ti dhe pastaj rrugën tonë drejt suksesit.

E jotja, Grigja”

Si i bindi Flamuri të qanin në mbledhje të kryesisë për Doktorin

20:00 Antena

Debatet e Doktorit pasi ngatërroi fjalimin e humbjes me atë të fitores

21:46 Antena

Dialogu i Baba Mondit me Jarin në presidencë gjatë ndarjes

19:52 Antena

Bujari, në siklet nga vizita e Doktorit

19:37 Antena

Muli merr detyrën si kryetar i PD-së

20:19 Antena

Bujari konsulton fjalimin për votimet me Doktorin

22:22 Antena

Doktori maskon mungesën e Kaçit në Ballsh

20:10 Antena

Sandri, pa gjumë nga lajmet e Doktorit për një video

20:03 Antena

Doktori bën kurs për logopedi para mitingut

22:45 Antena

Flamuri, debat me bariun e lopëve që shtypi

22:35 Antena