"Dramë" tek Kombëtarja, Dallku tërhiqet në fund të eliminatoreve

Dy ndeshjet e fundit kualifikuese për Botërorin ‘Brazili 2014’, ato ndaj Zvicrës e Qipros, mund të jenë të fundit të Armend Dallkut me Kombëtaren e Shqipërisë.

“Pasi të përfundojë ky cikël garues, të gjithë do të ulemi për ta analizuar ecurinë e skuadrës sonë. Po ashtu, unë do të flas me bashkëlojtarët e mi, me trajnerin tim, me krerët e Federatës, prej të cilëve dua të mësoj se a u nevojitet akoma kontributi im apo jo. Pas kësaj do ta marr një vendim përfundimtar, mbase edhe të qëlluar. Unë konsideroj se nuk ia vlen të udhëtoj nga Ukraina për të zhvilluar pesë apo dhjetë minuta lojë. Realisht kjo i bie një keqtrajtim për mua, prandaj do të isha i gatshëm që të tërhiqesha, sepse tashmë jam 30 vjeçar, dhe t’i lija hapësirë ndonjë lojtari të ri e me perspektivë”, pohoi Dallku.

Megjithatë, ai thotë se e ardhmja e tij do të dihet saktësisht pas eliminatoreve.

“Nëse bashkëlojtarët e mi, Lorik Cana, Etrit Berisha e gjithë të tjerët kanë nevojë për prezencën time afër tyre, e po ashtu nëse këtë nevojë ka Kombëtarja, trajneri, tifozët, megjithatë unë do të vazhdoj. Por, po e përsëris, kjo do të dihet pas eliminatoreve”, theksoi 30 vjeçari, i cili si zgjidhje të mirë sheh përqendrimin te Vorskla Poltava, në të cilën skuadër ka vendosur të qëndrojë deri në fund të karrierës.

“Ky është viti i nëntë i imi te Vorskla. Kam kaluar jashtëzakonisht mirë këtu. Jam i lumtur edhe sot, prandaj dua ta ndihmoi sa më shumë këtë ekip, ku dua të qëndroj deri në fund të karrierës”, u shpreh Dallku.

“Këto dy humbje janë të dhimbshme, por unë jam i kënaqur me paraqitjet tona të deritanishme. Kemi shënuar shumë fitore, kemi luajtur shumë mirë, duke realizuar edhe shumë gola, por fatkeqësisht edhe kemi pranuar gola, por kjo është pjesë e futbollit. Megjithatë, paraqitjet e deritanishme të skuadrës sonë kanë qenë të mira si asnjëherë më parë. Skuadra është rritur. Unë shpresoj të përfundojmë në vendin e tretë, sepse në eliminatoret e ardhshme do të kishim në grup kundërshtar jo shumë të fortë, dhe do ta kishim më të lehtë ta arrinim kualifikimin. Ndaj, duhet ta japim maksimumin në dy ndeshjet e mbetura që të mbledhim sa më shumë pikë për të përfunduar në vendin e tretë”, u shpreh Dallku.

Mediet angleze tallen me Hoze Murinjon: I mori vezët turinjve

14:37 Sport

Jurgen Klop: U solla si budalla dhe majmun

14:27 Sport

Higuain: Serie A më e vështirë se La Liga

14:23 Sport

Bayer Leverkusen kërkon Abrashin

13:30 Sport

Berisha: Albanofobët, sulm racist mesjetar ndaj Ergys Kaçes

19:20 Sport

Venger: Arsenali mund të dështojë në grupe

14:57 Sport

Guardiola: Ky është stili i Bajernit, jo i imi

14:53 Sport

Rosell: Mesi nuk ka kërkuar rritje page

14:51 Sport

Valdet Rama po gjen më tepër hapësirë te Valladolidi

14:48 Sport

Mbrojtësi i Ajaksit: Do ta ha Mesin të gjallë

19:29 Sport