Formacioni i Vokrrit, jashtë Cana e Behrami

Një 11-ësh i përfaqësueses së Kosovës pa Lorik Canën dhe Valon Behramin. Ky është mendimi i legjendës së futbollit kosovar, Fadil Vokrri, gjatë një bisede për gazetën “Arena”. Kreu aktual i FFK-së nuk e fsheh gatishmërinë për ta udhëhequr vetë Kombëtaren kosovare në të ardhmen. Me Berishën, Mavrajn, Mustafin, Ajetin, Abrashin, Mehën, Bashën, Xhakën, Shaqirin, Januzajn e Beqirajn titullarë, por pa Canën e Behramin, Vokrri thotë se lehtë do mund ta befasonte globin. Gjithsesi, ëndërr kjo vështirë e realizueshme, por jo e pamundur. Ndoshta Bosnja nuk do të jetë shteti i fundit, i cili e befasoi botën, duke u kualifikuar në Kampionatin Botëror, “Brazili 2014″, vetëm pas 20 vitesh si shtet i pavarur. Një mrekulli akoma më të madhe pritet nga shteti tjetër i ri ballkanik, Kosova, e cila e ka shpallur pavarësinë e saj nga Serbia më 17 shkurt të vitit 2008. Një gjë të tillë e paralajmëron edhe vetë kryetari i Federatës së Futbollit të Kosovës (FFK), Fadil Vokrri. Ish-futbollisti i famshëm kosovar është shumë i bindur se përfaqësuesja kosovare do të “eksplodojë” në arenën ndërkombëtare me më pak vite shtetësi sesa Bosnja. Lojtarët Vokrri thotë se Kosova mund të debutojë në arenën ndërkombëtare me skemën 4- 2-3-1.

Ai planifikon që ruajtjen e portës t’ia besojë Etrit Berishës, ndërsa në vijën e mbrojtjes ëndërron duke luajtur Mërgim Mavrajn, Shkodran Mustafin, Amir Abrashin dhe Arlind Ajetin. Para tyre, Vokrri vendos Alban Mehën e Migjen Bashën, ndërsa mesfusha e formacionit të tij përbëhet edhe nga Granit Xhaka e Xherdan Shaqiri, kurse supertalentin e Mançester Junajtid, Adnan Januzajn, Vokrri shpreson ta shohë duke luajtur prapa sulmuesit Fatos Beqiraj. Mirëpo, sa i përket këtij formacioni, Vokrri shton se ai mund ta ketë aty-këtu ndonjë ndryshim, pasi pjesë e planeve të tij janë edhe: Anel Raskaj, Loret Sadiku, Valdet Rama, Besart Berisha, Burim Kukeli, Kristian Nushi dhe shumë të tjerë.

“Ky do të ishte formacioni më i mirë, por duhet t’u kujtoj se ne i kemi identifikuar rreth 80 futbollistë, të cilët mund të kontribuojnë në përfaqësuesen e Kosovës”, – u shpreh legjenda e futbollit kosovar. Ndërkohë, në formacionin ideal të përfaqësueses së Kosovës, të cilin Vokrri e ëndërron, nuk figurojnë emrat e kapitenit të Shqipërisë, Lorik Cana dhe mesfushorit të Zvicrës, Valon Behrami.

“Cana kategorikisht e ka mohuar mundësinë për të luajtur me Kosovën, sepse dëshiron të qëndrojë në Shqipëri. Kështu ka deklaruar vetë ai. E njëjta situatë është edhe me Behramin. Sikur këta të dy të kishin shprehur gatishmëri, sigurisht që do të gjenin vend në formacion”, – përfundoi Vokrri.

Rrëfimi i Bogdanit, nga raportet me Andrea Pirlon, tek transferimi i munguar te Roma

15:04 Sport

Pajtim Kasami, një gol alla Van Basten (VIDEO)

14:54 Sport

Hasi: De Biazi e meriton rinovimin e kontratës, ka ndërtuar ekip me të ardhme

14:50 Sport

Kontrata e Januzajt kalon ato të Kristiano Ronaldos dhe Runit

14:41 Sport

Shqipëria sportive dhe morale… ç’ka qenë, ç’është, e ç’do të bëhet

14:35 Sport

Januzaj nuk do të luajë për Anglinë... heroi i tij është Cana i Shqipërisë

10:55 Sport

Murinjo: Nuk fyhem kur më thonë “Fuck off”, por lëndohem kur thonë “portugez bir kurve”

16:05 Sport

Pike: Ronaldo është një makineri që nuk ndalet së përmirësuari

16:04 Sport

Van Persi përplaset me Mojes

16:03 Sport

Adnan Januzaj nënshkruan kontratë 5- vjeçare me Mançester Junajtid

12:04 Sport