Te fundit
Mesi, lojtari më i mirë në La Liga. Ronaldo më i vlefshmi
3 Dhjetor 2013, 14:57Sport
TEMA
Në ceremoninë e ndarjes së çmimeve LFP, Lionel Mesi është shpallur lojtari më i mirë në La Liga për edicionin 2012/2013, ndërsa Kristiano Ronaldo është votuar si lojtari më i vlefshëm i sezonit të kaluar.
Ky ishte sezoni i pestë radhazi që argjentinasi shpallet lojtari më i mirë, i cili po ashtu mori edhe çmimin për sulmuesin më të mirë.
Mesfushori i Barcelonës, Andres Iniesta, mori çmimin e mesfushorit më të mirë ofensiv për të katërtën herë në pesë vitet e fundit.
Syperylli i Real Madridit që është favorit për Topin e Artë, CR7, mbeti prapa Mesit në garën për çmimin e më të mirit në La Liga, por mori trofeun për ‘MVP’.
Lojtari tjetër i “Los Blankos”, Asier Ilarramendi, fitoi dy çmime – mesfushori më i mirë dhe lojtari shpërthyes i sezonit të kaluar.
Edhe çmimi për mbrojtësin më të mirë shkoi te Reali, dhe është hera e dytë radhazi që Serxhio Ramos e fiton këtë çmim.
Trajneri i Atletiko Madridit, Diego Simeone, mposhti konkurrencën e Tito Vilanovas dhe Hoze Murinjos (që nuk janë më me klubet spanjolle) për t’u shpallur trajneri më i mirë.
Tibaut Kurtois, që po kalon sezonin e tretë si i huazuar te Atletiko Madrid, fitoi trofeun për portierin më të mirë. Ndërkaq, Iker Kasijas mori çmimin për lojë të drejtë.
Lini një Përgjigje
Më të lexuarat
24 oret e fundit
Javen e fundit
Blog Tema
