Vizita në SHBA/ Nishani-Donfried: Integrimi në BE, synimi ynë strategjik

Presidenti Bujar Nishani zhvilloi një takim në Këshillin Kombëtar të Sigurisë me Karen Donfried, Ndihmëse e Posaçme e Presidentit Obama dhe Drejtoreshë e Lartë për Çështjet Evropiane.

Duke u ndalur tek procesi i integrimit, Presidenti theksoi se ky është një synim i yni strategjik dhe alternativë e vetme, për të cilin ne kemi realizuar reforma transformuese dhe arritje të prekshme, si dhe kemi vullnetin për të shkuar përpara, duke u fokusuar në mënyrë më të detajuar në nevojën për ruajtjen e një dialogu të qëndrueshëm politik, luftën kundër krimit të organizuar dhe korrupsionit dhe reformimin e drejtësisë, përmes një procesi, të drejtuar nga juristë dhe të bazuar në profesionalizëm, transparencë dhe pavarësi të plotë nga influencat politike dhe grupet e interesit.

Kreu i Shtetit  tha se në këtë synim tonin strategjik, përgjegjësitë janë tonat, ndërsa ndihma e partnerëve është e domosdoshme, duke veçuar Shtetet e Bashkuara, të cilat kanë qenë pranë nesh me mbështetjen e reformave, me veprime diplomatike dhe me këshilla miqësore.

Nishani theksoi se marrëdhëniet me SHBA mbeten të rëndësisë parësore dhe strategjike për vendin tonë duke nënvizuar se, ashtu si deri tani, Shqipëria do të vazhdojë të jetë përkrah këtij aleati dhe partneri strategjik, në frontin e luftës kundër terrorizmit ndërkombëtar, në Afganistan dhe në përballjen e sfidave të mprehta të sigurisë që janë përpara.

Për qasjen rajonale, Presidenti Nishani shpreh se politika e fqinjësisë së mirë, ruajtja dhe konsolidimi i paqes dhe stabilitetit demokratik, sikundër thellimi i bashkëpunimit rajonal me pikësynim final integrimin e vendeve të Ballkanit Perëndimor në NATO dhe BE, përbëjnë shtyllat  kryesore, ku drejtohet politika jonë e jashtme në rajon.

Në këtë kuadër ai shtoi se praninë e faktorit shqiptar në të gjitha vendet e rajonit e konsiderojmë si një mundësi konkrete që mund të kontribuojë në lidhjet midis vendeve tona, forcimin e zhvillimin e tyre dhe se ne inkurajojmë shqiptarët në rajon të jenë promotor bashkëpunimi dhe nxitës të proceseve të përbashkëta eurointegruese të vendeve ku ata jetojnë.

Ai e vlerësoi dialogun mes Kosovës dhe Serbisë si model i zgjidhjes së problemeve me synim të ardhmen e përbashkët euroatlantike, duke lënë pas të shkuarën dhe si një hap thelbësor në qetësimin e rajonit.

Donfried shprehu vlerësimet e saj për mbështetjen e Shqipërisë në Irak, Afganistan dhe sfida të tjera të sigurisë në të shkuarën dhe vullnetin për bashkëpunim për çështje aktuale të sigurisë, ndërsa vuri në dukje se, sikurse bëri me anëtarësimin e vendit tonë në NATO, Shtetet e Bashkuara do të mbështesin edhe në vazhdim integrimin evropian të Shqipërisë, duke shprehur bindjen se, pas zgjedhjeve të suksesshme të vitit të shkuar, Shqipëria do të vazhdojë me ngulm procesin e reformave të nevojshme për arritjen e standardeve evropiane.

INTERVISTA/ Ndoka: Qeveria Rama po kopjon modelin më të keq të qeverisjes së mëparshme

10:46 Politika

Vdes një fëmijë, plagosen tre të tjerë, dyshohet se u shpërtheu një granatë (VIDEO)

12:35 Politika

Hoxha: PD rrezikon përçarjen, Basha nuk e drejton partinë

10:05 Politika

Aksident tragjik në Kukës/ Furgoni bie në humnerë, 6 të vdekur e 5 të plagosur (VIDEO)

08:25 Politika

INTERVISTA/ Nishani: Këshilltarët e mi bëjnë fushatë për PD-në? Nuk u ndërhyj në jetën private

20:35 Politika

Berisha: Mediat në rrezik, Rama ka kërcënuar drejtues e pronarë mediash

18:23 Politika

VIDEO/ Shpërthejnë protestat, Bosnja në flakë dhe rajoni në ankth

18:11 Politika

Paloka: Vendimet e Gjykatës Kushtetuese zbatohen, nuk diskutohen

16:28 Politika

Tahiri, urdhër policëve: Ndaloni Facebook-un dhe bizhuteritë në shërbim

15:08 Politika

Llalla: Nxjerrja e sekretit hetimor, procedim penal ndaj përgjegjësve. Hetim pasurive (VIDEO)

11:01 Politika