Zëvendëskryetari i Këshillit të Lartë të Drejtësisë Elvis Çefa, i shoqëruar nga bashkëpunëtorë të tij pritën në një takim ekspertë të Komisionit të Venecias, përkatësisht Peter Paczolay, Kryetar i Gjykatës Kushtetuese në Hungari, Sergio Bartole, Anëtar i Komisionit të Venecias dhe Schnutz Rudolf Dürr, Kryetar i Divizionit i së Drejtës Kushtetuese në Komisionin e Venecias. Qëllimi i vizitës së përfaqësisë së Komisionit të Venecias ishte marrja e informacionit teknik dhe opinioneve të Këshillit të Lartë të Drejtësisë lidhur me reformimin e sistemit të drejtësisë në Shqipëri. Gjatë takimit ekspertët e Komisionit të Venecias e konsideruan si thelbësor rolin e KLD-së, si udhëheqëse në reformimin e sistemit gjyqësor.

Gjatë takimit, Çefa shprehu gatishmërinë e KLD-së, për të kontribuuar në evidentimin e problematikave që ka sot sistemi gjyqësor në vënd, në funksion të përmirësimit tërësor të sistemit të drejtësisë. Duke u ndalur në çështjet me karakter teknik, ekspertët e Komisionit të Venecias, u informuan nga Zëvendëskryetari i KLD, për përbërjen e KLD, kompetencat kushtetuese të tij, mënyrën e zgjedhjes së anëtarëve si dhe për kompetencat dhe funksionimin e Inspektoratit të KLD-së.

Gjithashtu, Çefa i parashtroi ekspertëve të Komisionit të Venecias vizionin e KLD për ndryshime në kuadrin ligjor, me qëllim rritjen e eficencës dhe performancës së sistemit gjyqësor. Bashkëbiseduesit ndanë të njëjtin mendim se reforma në sistemin e drejtësisë duhet të kalojë nëpërmjet një procesi të gjërë konsultativ me të gjithë aktorët e sistemit dhe në mënyrë të vecantë me Këshillin e Lartë të Drejtësisë me qëllim minimizimin e ndërhyrjeve të politikës ndaj institucioneve të drejtësisë në funksion të forcimit të pavarësisë dhe përgjegjshmërisë të këtij sistemi.

1 komente në “Reforma në drejtësi/ Çefa informon Komisionin e Venecias mbi kompetencat e KLD”

Lepur i fshehur ne ferre te vogel says:

19 Shkurt, 2014 14:11 te 2:11 pm

20 shkurt. Proteste e minorances.

Kujdes nga :
-çakmaket me gaz gazmor;
-shallat me vetë-shtrengim fyti;
-rripat me lekure qe te krijojne shtrengim mesi dhe si pasoje ke shperthim gazi.
-kepucet me majuce se pengohesh;
-floket me xhel super te forte se mund te qerrosh ndonje padashje;
-stilolapsat fishekzjarr
-shamite e xhepit qe kur hidhen me rrotullim kthehen ne mjete presese
-monedhat metalike 5 lekshe se mund te bllokojne vrimat e hundeve.
-celularet tip guacke se mund te kene aromatizues te fuqishem qe te turbullojne;
-syzet me skelet metalik pasi mund tu shperthejne vidat.

Përgjigjjuni