Analiza e Prokurorisë së Tiranës/ Llalla: Ritëm më të lartë kundër krimit e korrupsionit (VIDEO)

Ritëm më të lartë kundër kriminalitetit.

Kjo ishte kërkesa që Prokurori i Përgjithshëm i drejtoi prokurorëve të Tiranës gjatë analizës së zhvilluar në organin e akuzës së kryeqytetit.

Llalla kërkoi impenjim maksimal nga ana e trupës së prokurorëve në kryeqytet, sidomos në luftën kundër korrupsionit dhe krimit ekonomik.

“Shifrat për vitin 2013 dëshmojnë se ka rritje të vendimeve të mosfillimit, si edhe ulje të çështjeve të dërguara për gjykim. Kjo situatë ka si pasojë kryesore cilësinë jo të mirë të referimeve nga ana e institucioneve të tjera. Në materialet e kallëzuara mungojnë provat e nevojshme ose referohen fakte që nuk përbëjnë vepër penale. Kjo situatë ka rritur në mënyrë të ndjeshme dhe fiktive punën e prokurorëve. Për të racionalizuar angazhimin në punë, kërkohet prej jush që të jeni më aktivë në bashkëpunim me institucionet e tjera për rritjen e cilësisë së materialeve të referuara”, tha kryeprokurori Llalla.

Sipas tij, prokurorët duhet të organizojë analiza periodike me agjencitë e tjera bashkëpunuese, ku një vëmendje e veçantë i duhet kushtuar analizave me oficerët e Policisë së Shtetit.

“Nga të dhënat rezulton se ky institucion ka prurjen më të madhe të referimeve dhe po aty konstatohen më shumë materiale me problematika. Po fokusohem në forcimin e bashkëpunimit me Policinë e Shtetit, pasi është institucioni më kontribuues në referime. Ndërkohë, në Tiranë vërehet se nga institucionet e tjera ka një ulje të ndjeshme të referimeve gjatë vitit 2013”, u shpreh Llalla.

“Gjatë vitit 2014 kërkohet prej jush që të jeni më aktivë në këtë drejtim, për të ulur konsumimin e kohës me materiale që duken që në fillim që nuk do të përfundojnë në gjykatë,” tha ai.

Llalla tërhoqi vëmendjen se ngarkesa me referime të paplota ka ndikuar në uljen e shpejtësisë së hetimit për rastet e tjera.  “Pra, menaxhimi i kohës së punës nga ana juaj, gjatë vitit 2013, ka qenë në nivelin nën mesatar. Prokuroria e Tiranës është një hallkë shumë e rëndësishme e institucionit tonë dhe për këtë arsye, ritmi duhet të jetë shumë më i lartë,” tha ai.

Lidhur me Njësinë e Përbashkët Hetimore kundër Korrupsionit, Llalla evidentoi se në Tiranë janë përqendruar pjesa më e madhe e institucioneve qendrore dhe kjo ndikon që njësia të ketë ngarkesë të posaçme hetimore.

“Gjatë vitit 2013, nga kjo njësi janë përfunduar disa hetime me impakt të rëndësishëm në opinionin publik. Por, ka edhe shumë raste të tjera, të cilat kanë nevojë për një ritëm më të lartë në hetim. Pritshmëria e opinionit publik për luftën kundër korrupsionit është shumë e madhe. Për këtë arsye, roli i organit të prokurorisë në këtë drejtim merr një rol vendimtar,” tha Llalla.

Duke iu referuar të dhënave statistikore, Llalla tha se “ngarkesa e punës së çdo prokurori është mbi mesataren e përshtatshme për të kryer hetime të plota dhe profesionale për çdo rast, megjithatë, në terma të përgjithshëm, hetimi i kryer nga prokuroria e Tiranës është në nivelin e kënaqshëm”.

Krim makabër/ Vriten dhe digjen në makinë dy persona, policia shoqëron dy të dyshuar (VIDEO)

11:53 Kronika

Zbulohet skema e mashtrimit me TVSH me vlerë 3 milionë USD, pranga Besim Hoxhës

11:28 Kronika

Vrasësit në Milot ngatërruan objektiv? Xhaxhai: Nuk kemi konflikte, Rama të vendosë drejtësinë (VIDEO)

11:18 Kronika

Reforma në drejtësi/ Çefa informon Komisionin e Venecias mbi kompetencat e KLD

13:55 Kronika

Rama: Strategji e plotë zhvillimi në fushën e sigurimeve

09:58 Kronika

Zbulohet mesazhi i policëve për porositësit e vrasjeve: Kujdes!

10:29 Kronika

Sekuestrohen 210 kg marijuanë, transportuesit largohen në drejtim të paditur

10:15 Kronika

Makina që u hodh në erë tek Liqeni Artificial, në pronësi të një oficeri të Policisë Gjyqësore

09:52 Kronika

Furgoni përplas për vdekje një kalimtar në Lushnje

21:07 Kronika

Reforma në sistemin e Drejtësisë/ Naço konsultohet me ekspertët e Komisionit të Venecias

14:24 Kronika