PD braktis Kuvendin/ Paloka: Nuk do e bojkotojmë. Braçe: Berisha si Janukoviç, të çohet në Hagë

Partia Demokratike u largua nga salla e Kuvendit pas më shumë se dy orësh akuzash ndaj mazhorancës në lidhje me atë që e konsideron si vendosjen e paligjshmërisë dhe anti-Kushtetueshmërisë në funksionimin e Parlamentit. Kreu i Grupit Parlamentar të PD-së Edi Paloka theksoi se opozita nuk do të bojkotojë Kuvendin, ajo do të jetë në këtë sallë edhe seancën e ardhshme, sikundër do të jetë në krah të qytetarëve. “Do të jemi në sallën e Kuvendit gjatë gjithë kohës për t’ju kërkuar që Parlamenti të kthehet brenda ligjshmërisë, brenda Kushtetutës. Ju po veproni me të njëjtën arrogancë ndaj opozitës dhe ndaj qytetarëve shqiptarë, që sot janë në protestë në të gjithë Shqipërinë.”, theksoi Paloka, ndërsa deputetët e PD-së u larguan nga salla e Kuvendit. Pak përpara largimit nga salla e Kuvendit, deputetët e PD-së goditën tavolinat duke tentuar të mos lejojnë ligjvënësit e mazhorancës të marrin fjalën në Kuvend. Përballë një situate të tillë, Kreu i Kuvendit Ilir Meta kërkoi nga opozita që mund t’I binte tavolinave, mund të protestonte, por jot ë prishte kompjuterat e sallës së Kuvendit. “Ju falenderoj që nuk po veproni sikundër kam bërë kohë më parë, pasi unë e kam thënë që ne duhet të mësojmë nga gabimet e njëri-tjetrit”, iu përgjigj Meta deputetëve të opozitës, kur ata i kujtuan mënyrën e reagimit të ligjvënësve të LSI-së duke kapërcyer karriget dhe tavolinat, në 2008-ën, kohë kur Kuvendi miratoi ndryshimet Kushtetuese. Ndërkohë ish-ministrja e integrimit Majlinda Bregu akuzoi Kreun e Kuvendit Ilir Meta se po e kthen Kuvendin në Pazar. “Ju merreni me numrin e njerëzve që marrin pjesë në protesta, ju bëni komente mbi opozitën, ju na tregoni se kur duhet të flasim, pse nuk duhet të flasim, pse duhet ti biem tavolinave. Ju jeni bërë si Tabir Saraj i Kadaresë, e keni kthyer këtë Kuvend në një Pazar”, u shpreh Bregu.

Pas largimit të opozitës nga Kuvendi, deputeti socialist Taulant Balla e konsideroi një turp sjelljen e opozitës. “Nuk ka ndodhur asnjëherë që opozita të bëjë një sjellje të tillë të turpshme për të bllokuar Kuvendin. Balla akuzoi opozitën se “po përpiqet në çdo mënyrë të bllokojë punën e Kuvendit, i cili vetëm një javë më parë i ktheu legjitimitetin institucionit më të lartë të deklarimit të pasurive të zyrtarëve”.  Sipas tij, akti i një jave më parë i Kuvendit, shkarkimi i Kryeinspektores Xhuka, i ka kthyer pavarësinë ILDKP-së dhe i ka hapur rrugën një transparence të domosdoshme që u duhet bërë politikanëve, zyrtarëve dhe çdo funksionari të lartë në Shqipëri”.  “Sali Berisha, Jozefina Topalli dhe ministrat tetë-vjeçarë të tyre, ngrenë zërin sot, pasi nga çlirimi i institucionit fillon një proces i ri”, theksoi Balla nga foltorja e Kuvendit.

Brace: Berisha në Hagë, si Janukovic

Deputeti socialist Erion Brace referuar deklaratave të ish-Kryeministrit Berisha, theksoi se “ai ka kurajon dhe vjen këtu për të kërcënuar një pushtet legjitim. Ai tha se 5 mijë protestues s’ka polici që i ndal, po prandaj ai më 21 Janar vrau 4 protestues. i vrau në mes të bulevardit dhe tha se pot ë ishte nevoja do të vriste edhe 100. A e ka dëgjuar Prokurori i Përgjithshëm këtë deklaratë? Rasti i Janukovicit është i qartë, ai do të gjykohet në Hagë dhe ky duhet të gjykohet në Hagë”. Gjatë fjalës së tij, Brace tha se sot në rrugët e Shqipërisë po protestohet për shkak të vendimeve të Qeverisë së Sali Berishës. “Po protestojnë sot bizneset e duhanit, pasi Sali Berisha me dhunën e kartonave në këtë Parlament i detyroi ato të vendosin pullat fiskale në kompaninë monopol që e ka këtë shërbim. Kjo do të ndodhë edhe me karburantet. Sot e dëgjova Sali Berishën t’fliste këtu jo vetëm për krime por dhe për ekonomi. Si përher ka shpifur dhe kaq, e nuk ka guxuar të përballet me të vërtetën.  Ç’ka ndodhur me kompanitë e kafeve?. Kam të dhënat e kompanive. Janë 4 kompani kafesh. Kompania e Sali Berishës ka që nga 2009-2013 që ka paguar 0 lek mbi tvsh.Kompani zotërohet nga një biznesmen të cilit monopolin ia ka dhënë Sali Berisha. Ky është problemi në këtë vend. Imagjinoni që kompanitë e tjera paguajnë, ndërsa ajo e Sali Berishës nuk paguan, përkundrrazi merr lekët të cilat paguajnë kompanitë e tjera. Ka një protestë të sipërmarrësve të duhanit sepse i ka detyruar Sali Berisha që të gjithë të paguajnë për pullat fiskale tek sipërmarrësi i Sali Berishës. Për shkak se Sali berisha i ka dhënë monopolin edhe një kompanie tjetër për kontrollin e automjeteve, njerezit janë të detyruar të paguajnë shumëfish. Sali Berisha i merr paratë, tek biznesmeni të cilit i ka dhënë monopolin e kontrollit të automjeteve. Një kompani tjetër është kompania e skanimit të kontenierëve. Për skanimin e kontenierëve, 74mln euro është garancia nëse ne si qeveri do të prishim kontratën e këtij biznesi, e cila cënon të gjithë fasionistët e vendit, kompani sigurisht e zotëruar nga sekserët e Sali Berishës”, tha Braçe.

Debati Subashi-Topalli: Ja pse e shkarkuam Zana Xhukën

Deputeti i Partisë Socialiste Armando Subashi shpjegoi në sallën e Kuvendit të gjitha arsyet që sipas tij, çuan në lirimin nga detyra të ish-kryeinspektores së ILDKP-së Zana Xhuka.  “Le të shkëmbejmë disa opinione bashkarisht për këtë çështje dhe pastaj njerëzit le të na gjykojnë. Çfarë ka ndodhur realisht me ILDKP-në? Ka pasur në ankesë të 35 punonjësve të atij institucioni, nga 40 që ka gjithsej. Kanë bëtë ankesë për Inspektoren e Përgjithshme dhe sipas ankesës inspektorja nuk zbatonte ligjin në detyrat e saj, neglizhonte me dashje detyrat e veta. Kjo veprimtari një-vjeçare ka sjellë si rezultat paralizimin e atij institucioni. Kuvendi nuk mund të mbyllte sytë përballë ankesës që ju drejtua dhe ne nisëm verifikimin e situatës. Zonja nuk plotësonte kriteret taksative që kërkonte ligji. Duhet të jetë ekonomiste financiare ose juriste, duhet të kishte 10 vjet në profesion, ajo nuk i kishte. Nuk ka asnjë shkelje të rregullores,Kuvendi ka qenë në të drejtën që i njeh rregullorja.Nëse sot ju na akuzoni se nuk kemi respektuar të drejtën e Presidentit, atëherë une po ju them se Shkëlqim Ganaj që u votua nga Kuvendi, ishte propozuar nga Presidenti i Republikës një vit më parë, bashkë me emrin e zonjës Xhuka. Pra ne nuk sollën një emër të ri, por pikërisht respektuam dekretin e Presidentit”, deklaroi Subashi.  Ndërkohë ish-Kryeparlamentarja Jozefina Topalli akuzoi ligjvënësin socialist se është nën hetim nga ILDKP për pasurinë e tij. “Thuaj shqiptarëve, sepse ti je nën hetim nga ILDKP për pasurinë tënde”, iu drejtua Topalli deputetit socialist. Në reagimin e tij Subashi tha se ka mbi 16 vite që deklaron pasurinë e tij dhe këtë e ka bërë në mënyrë shumë korrekte dhe ligjore. “Kur kemi pyetur sepse u vu Zana Xhuka në krye të ILDKP-së, na thanë se ka punuar bashke me Jun ë Universitetin e Shkodrës dhe ju bënte kafenë”,tha Subashi.

Meta: Opozita të kontribuojë për fuqizimin e kontrollit parlamentar

Referuar debatit që zgjati mbi dy orë për ligjshmërinë apo paligjshmërinë në rastin e shkarkimit të Zana Xhuka nga posti i Kreut të ILDKP-së, Kryetari i Kuvendit Ilir Meta, tha se Partia Demokratike injoron një fakt mesa duket me qëllim, injorimin që drejtuesja e një institucioni i bën Kuvendit. “Është absurde që përfaqësuesja e një institucioni nuk denjonte të komunikonte me Kuvendin dhe Komisionin e Ligjeve. Ajo nuk paraqitej edhe pse përveç se detyrim kushtetues e kishte edhe detyrim etik, moral e ligjor, sepse çdo person që zgjidhet nga Kuvendi e ka për detyrë të respektojë Kushtetutën, ligjet dhe Kuvendin. Shqipëria është Republikë Parlamentare dhe nuk mund të ketë asnjë institucion mbi Kuvendin. Ftoj PD-në të kontribuojë për fuqizmin e rolit mbikëqyrës të Kuvendit”, deklaroi Meta.

Vasili: Opozita po konsumohet në debate të kota

Kreu i Grupit Parlamentar të Lëvizjes Socialiste për Integrim Petrit Vasili dënoi sjelljen bojkotuese të opozitës ndaj punimeve të Kuvendit. Për LSI-në braktisja e Kuvendit  nga opozita, pikë së pari është në dëm të vetë opozitës, pasi sic tha Vasili, ajo po konsumohet në beteja të humbura dhe pa parim. Ai apeloi para deputetëve të pranishëm në sallë “t’i kthehemi punës normale në Parlament për të treguar vendosmëri në çuarjen përpara të reformave shumë të rëndësishme për të ardhmen e vendit”, ndërsa kërkoi nga ligjvënësit e shumicës të mos influencohen nga sjellja e opozitës në sallë.

Berisha: Sovrani ju bën pluhur për 5 minuta, ua rrëzoj qeverinë me 5 mijë protestues (VIDEO)

12:03 Politika

Të shkarkuarit nga administrata protestë para Kuvendit, opozita:I mbështesim në të drejtën e tyre (VIDEO)

10:01 Politika

FOTO LAJM/ 5 gratë ministre të NATO-s, mes tyre edhe Mimi Kodheli

10:55 Politika

Rama-Nishani, sherr në një takim me dyer të mbyllyra?

10:28 Politika

Tiranë/ Gjendet i vdekur një person brenda në automjet

09:30 Politika

Milo:PDS-ja po zhgënjehet, mungesa në qeverisje e pajustifikuar

09:11 Politika

Këshilli Bashkiak i Tiranës miraton buxhetin 2014/ Dalipi: Po ndahemi nga e kaluara

22:11 Politika

Integrimi, Lazimi: Kompromisi i domosdoshëm

12:17 Politika

Gaiani: Reformat garantojnë zhvillim, Komisioni Europian do vlerësojë raportin e punës

16:13 Politika

Rama me investitorët turq: Reduktim burokracive, rimbursim për TVSH (VIDEO)

20:01 Politika