8 Marsi, Kuvendi çel dyert për gratë dhe vajzat. Apeli nga deputetet: Të bashkohemi

Salla e Kuvendit si asnjë seancë tjetër plenare, ka çelur dyert për gratë dhe vajzat. Për herë të në kryeqytetin e Shqipërisë, 8 marsi ka bërë bashkë në parlament ligjvënëset e të gjitha trojeve shqiptare në një seacë të posaçme ku theksi është vënë tek bashkimi për realizimin e të drejtave të grave kudo ku ato jetojnë. Në këtë aktivitetin e organizuar nga Aleanca e Grave Deputete, e drejtuar nga demokratja Mesila Doda marrin pjesë rreth 20 deputete femra nga Republika e Kosovës, 7 deputete nga Maqedonia, ndërsa pjesa tjetër janë parlamentaret e Kuvendit të Shqipërisë.

Kryetarja e Aleancës së Grave Deputete, Mesila Doda  theksoi se sfidat e grave janë të shumta, por asgjë nuk mund të përballohet nëse nuk ka një bashkëpunim konstant mes deputeteve shqiptare.“Sot po e shënojmë 8 Marsin me arritje të rëndësishme por kaq nuk është e mjaftueshme, ka shumë punë për të bërë, që gratë shqiptare të zënë vendin e merituar. Sot jemi në shekullin e 21 ndërsa mentaliteti mashkullor mbetet i shekullit të kaluar. Përpjekjet tona dhanë rezultate, por kemi një rrugë të gjatë për të bërë atë demokraci që duhet të vlejë njësoj për të dyja gjinitë dhe në radhë të parë në vendimarrje. Ideali jonë mbetet ai i fuqizimit të kombit tonë. Në këtë kthesë historike gratë luajtën një rol të rëndësishëm për kombin. Të bëhemi shembull se si bashkohen jo vetëm kombi por shoqëritë nën sistemin e vlerave, në arsim, politikë, shkencë e fushat e tjera. Fuqizimi i kombit dhe i grave duhet të jetë një proces që duhet të shkojë paralelisht”tha ajo.

Zv kryeministrja e Kosovës, Edita Tahiri pasi përshëndeti të gjithë gratë e trevave shqiptarë, vlerësoi iniciativën e Aleancës së Grave të Parlamentit të Shqipërisë për këtë bashkim. Sipas saj ideali i grave shqiptare është ai i fuqizimit të kombit. “Sot po e shënojmë 8 Marsin me arritje të rëndësishme por kaq nuk është e mjaftueshme, ka shumë punë për të bërë, që gratë shqiptare të zënë vendin e merituar. Sot jemi në shekullin e 21 ndërsa mentaliteti mashkullor mbetet i shekullit të kaluar. Përpjekjet tona dhanë rezultate, por kemi një rrugë të gjatë për të bërë atë demokraci që duhet të vlejë njësoj për të dyja gjinitë dhe në radhë të parë në vendimmarrje”, tha Tahiri. Sipas saj, ideali i grave shqiptare është ai i fuqizimit të kombit. “Ideali jonë mbetet ai i fuqizimit të kombit tonë. “Në këtë kthesë historike gratë luajtën një rol të rëndësishëm për kombin. Të bëhemi shembull se si bashkohen jo vetëm kombi por shoqëritë nën sistemin e vlerave, në arsim, politikë, shkencë e fushat e tjera. Fuqizimi i kombit dhe i grave duhet të jetë një proces që duhet të shkojë paralelisht”, u shpreh ajo.

Ministrja e Mbrojtjes Mimi Kodheli shprehu bindjen se gratë do të mund ta fitojnë betejën për të drejtat e tyre. “Sot bëj thirrje për të ndryshuar gjerat. Nëse do të jemi së bashku do të ndryshohen, ndryshe e kemi luftën të humbur pa e filluar akoma. Shekulli që ka ardhur është shekulli i grave kudo që janë.”- u shpreh Kodheli. Ministrja e Mbrojtjes kërkoj një duartrokitje për të gjitha gratë deputete, që siç tha ajo për “20 vjet me radhë në arenën e Kuvendit kanë bërë betejat e tyre, që ne të mund të ngjitemi sot këtu ku jemi”.

Deputetja e PD-së, Majlinda Bregu theksoi se beteja e vjetër e të drejtave të grave do të mund të fitohet nëse gratë do të jenë të vërteta me njëra tjetrën. “Nëse do ta shohim të gjithë bashkë pjesën e të drejtave të grave ne mund të jemi më agresive dhe të fitojmë një betejë që është e vjetër. Sot gratë duhet të jenë të vërteta me njëra-tjetrën, drejtësia është ajo çka i duhet grave. Duartrokitje të fortë për të gjitha ato zonja që sot kanë pak arsye për t’i dhënë vetes Gëzuar 8 Marsin por kanë plot arsye për të vazhduar përpara”, deklaroi Bregu.  Deputetja demokrate tha se gratë shqiptare janë sot në protestë para Kryeministrisë, kundër largimit nga vendet e punës. “Sot në rrugë para Kryeministrisë, gratë shqiptare janë në protestë, nga administrata shqiptare janë larguar 5 mijë veta nga puna, një pjesë ë të cilave janë gra”, tha Bregu. 

Ndërkohë, ministrja e Zhvillimit Urban dhe Turizmit Eglantina Gjermeni uroi sot 8 marsin. “Urimi i parë këtë 8 Mars shkon për çdo nënë, për çdo gjyshe, për çdo grua!”, shkruan Gjermeni në rrjetin social ‘facebook’. “8 marsi është dita kur ne kujtojmë kurajon e vajzave dhe grave që guxuan dhe luftuan për të drejtat që ne gëzojmë sot! “8 Marsi është dita kur ne duhet të ngremë zërin dhe të kontribuojmë në ndryshimin e situatës për ato gra dhe vajza që nuk i gëzojne këto të drejta”, shkruan ministrja Gjermeni. “Mirënjohje dhe respekt pafund për dashurinë, përkushtimin dhe modelin me të cilin një grua na edukon dhe çdo ditë nxit ndryshimin!”, shkruan Gjermeni.

Ministrja e Integrimit Evropian, Klajda Gjosha në postimin e saj në rrjetin social pasi i uroj të gjitha nënave, grave dhe vajzave 8 marsin, Ditën Ndërkombëtare të Gruas, shkruan “disa principe nuk mund të ç’rrënjosen. Një prej tyre është të qenit grua, nënë, mikeshë. Sado që ritmi i të përdtishmes na detyron shpesh të mos i shprehim me fjalë konsideratat për njëra-tjetrën, jam e lumtur që të gjitha këto vlera i kam gjetur e gjithnjë do t’i gjej te gjithsecila. Në ditë si kjo, kur vëmendja e të gjithëve fokusohet veçanërisht te ne, do doja të shprehja edhe unë mirënjohjen dhe urimin që ‘lufta’ jonë për të pasur vendin e duhur të vijojë deri sa të ndihemi të përmbushura. Gezuar 8 marsin”, pëfundon mesazhin e saj Ministrja Gjosha. 

Berisha: 8 Marsi, dita e nderimit dhe mirënjohjes

11:43 Sociale

Rama uron 8 Marsin: Qoftë e lumtur si sot çdo nënë e grua

11:04 Sociale

Festa e 7 marsit/ Lule, bizhuteri dhe mbi të gjitha...zarfe me para

17:23 Sociale

LISTA/ Urdhri i Gjiknurit: Revokohen 121 leje minerare ose 16 përqind e të gjitha lejeve

10:39 Sociale

Berluskoni: E kam ndriçuar Shqipërinë për 30 vite me televizionet e mia

09:42 Sociale

Veliaj: Shqipëria, progres në luftën kundër dhunës ndaj grave

19:35 Sociale

Kuvendi shtyn punimet pasi nuk ka ligje/ Kalaja: U trembën prej nesh

17:33 Sociale

SKANDALI/ Qeveria “Berisha” dha Butrintin si kompensim për ish-pronarët

16:45 Sociale

Furgonat 8+1/ Kalaja: Qytetarët të mbështesin protestën

12:54 Sociale

INTERVISTA/ Totozani: Ja pse duhen hapur dosjet

10:18 Sociale