Ndihma ekonomike, Qeveria miraton procedurat dhe kategoritë e reja

Qeveria përcakton procedurat dhe kategoritë që do të përfitojnë ndihmë ekonomike. Me ndryshimet në ligjin ‘Për ndihmën dhe shërbimet shoqërore’ të vitit 2005, Qeveria ka përcaktuar kategoritë që do të përfitojnë ndihmën ekonomike, ato që e humbasin atë si dhe procedurat që ndiqen nga të interesuarit. Duket se ndryshimet synojnë jo vetëm përmirësimin e ligjit ekzistues, por edhe dhënien fund të abuzimeve me skemën e ndihmës ekonomike, e cila sipas ligjit administrohet nga pushteti vendor dhe po kështu jepet nga të zgjedhurit vendor. Qeveria ‘Rama’ në ditët e para të saj denoncoi disa dhjetra raste të abuzimeve që bëhej me ndihmën ekonomike nga bashki dhe komuna, ku në listat e përfituesve përfshiheshin edhe individë që kishin biznese, kishin në pronësi vila apo zotëronin automjete të shtrenjta.

P/ligji

Në draftin e propozuar për miratim në Kuvend nga Qeveria ndryshimi i parë ka të bëjë me të ardhurat e familjes, në bazë të të cilit përcaktohet nëse një individ përfiton apo jo ndihmën ekonomike. Kështu në p/ligjin e ri përcaktohet se “Të ardhura të familjes” janë të ardhurat e të gjithë anëtarëve të familjes nga çdo lloj burimi, përfshirë dhe ata anëtarë që jetojnë dhe punojnë jashtë shtetit. Nuk përfshihen në të ardhurat e familjes pagesat që marrin anëtarët e familjes me aftësi të kufizuar, në kuptim të këtij ligji.”. Një tjetër ndryshim ka të bëjë me kategoritë që përfitojnë ndihmën ekonomike, ku krahas atyre të përcaktuara në ligjin ekzistues shtohet edhe viktimat e dhunës në marrëdhëniet familjare. Drafti parashikon që viktimat e dhunës në marrëdhëniet familjare, për periudhën e vlefshmërisë së urdhrit të mbrojtjes ose të urdhrit të menjëhershëm të mbrojtjes, që nuk trajtohen në institucionet e përkujdesjes shoqërore, të marrin ndihmë ekonomike. Por p/ligji parashikon gjithashtu kategoritë që humbasin ndihmën ekonomike, ku krahas atyre të përcaktuara në ligjin e 2005-ës shtohen edhe dy kategori të tjera, të dënuarit me vendim të formës së prerë dhe personat që trajtohen në institucionet e përkujdesjes rezidenciale publike të financuara nga fondet e buxhetit të shtetit për masën e ndihmës ekonomike apo pagesën për aftësinë e kufizuar. Kështu megjithë ndryshimet e bëra, ndihmën ekonomike nuk e përfitojnë shtetasit shqiptarë që banojnë jashtë vendit si emigrantë, me përjashtim të personave dhe të familjeve të tyre të caktuar me punë pranë përfaqësive tona diplomatike dhe organizmave ndërkombëtare. Një tjetër kategori që nuk përfiton ndihmë ekonomike janë azilkërkuesit, të cilët nuk kanë marrë statusin e azilantit, si dhe shtetasit shqiptarë, shtetasit e huaj ose personat pa shtetësi të cilët kanë nevojë për ndihmë emergjente, si pasojë e fatkeqësive natyrore dhe e luftërave. Një tjetër ndryshim në kategoritë që përfitojnë ndihmën ekonomike janë ato që zotërojnë një raport mjekësor nga KMCAP-të, të cilëve iu zgjatet përfitimi nga ndihma ekonomike deri në dy vjet pasi kanë nisur punë. Kështu p/ligji përcakton se përfituesve, të klasifikuar me vendim të KMCAP-së në grupet e aftësisë së kufizuar, u ndërpritet pagesa pas 24 (njëzet e katër) muajsh punësimi. Procedurat në rastet e rikthimit në skemën e përfitimit të pagesës së aftësisë së kufizuar përcaktohen me vendim të Këshillit të Ministrave.”. Gjithashtu drafti i ri parashikon procedurën që duhet ndjekur për përfitimin e ndihmës ekonomike. Kështu kërkesa mund të bëhet nga kryefamiljare, ose secili prej bashkëshortëve në rastet kur ata janë në process zgjidhjeje martese dhe ende nuk ka një vendim të formës së prerë nga Gjykata. “Kërkesa për të përfituar ndihmën ekonomike bëhet me shkrim nga kryetari i familjes/individit në nevojë dhe nënshkruhet nga të gjithë anëtarët madhorë të saj.”.

Ankimimet

P/ligji i miratuar në mbledhjen e fundit të Këshillit të Ministrave përcakton procedurën që duhet të ndjekë një person i interesuar në rastet kur nuk i është miratuar kërkesa për ndihmë ekonomike. Aplikuesi, për përfitimin e ndihmës ekonomike në zonat pilot, kur gjykon se vendimi zyrtar i organit përkatës është i padrejtë, mund t’i paraqesë ankesë me shkrim kryetarit të njësisë së qeverisjes vendore. Ankesat bëhen brenda 7 ditëve pas marrjes së  njoftimit. Organi i njësisë së qeverisjes vendore shqyrton  ankesën dhe njofton me shkrim ankuesin brenda 5 (pesë) ditëve pas marrjes së ankesës. Gjithashtu, aplikuesi për përfitimin e ndihmës ekonomike, kur gjykon se vendimi i marrë nga organi i qeverisjes vendore nuk është i drejtë, i paraqet ankesë me shkrim drejtorit të Përgjithshëm të Shërbimit Social Shtetëror. Ankesat  dorëzohen brenda 5 ditëve nga data e marrjes së vendimit nga njësia e qeverisjes vendore. Drafti detyron Drejtorin e Përgjithshëm të Shërbimit Social Shtetëror, që pas shqyrtimit dhe verifikimit të ankesës, të njoftojë me shkrim për vendimin e marrë aplikuesin për përfitimin e ndihmës ekonomike, brenda 10  ditëve pas marrjes së ankesës.”.

Tërbimi i femrave shqiptare më 8 mars me striptistë të huaj (FOTO)

18:31 Sociale

Besimtarët katolikë, protestë te “Koço Gliozheni” kundër abortit

14:44 Sociale

Libri i zysh Mozës apo i mbesës?/ Malltezi: Nuk synoj politikën, por... biznesin

10:06 Sociale

Dita e Verës/ Aktivitete festive në Tiranë dhe Elbasan. Rama luan basketboll në Tiranë, Basha feston në Elbasan (VIDEO)

12:35 Sociale

SHENIM/ Me sherr politik ka nisur, me sherr politik do vazhdojë

11:27 Sociale

Arrestohen prindërit pasi shfrytëzonin fëmijët për të lypur (po sa duhen arrestuar kështu në Shqipëri?)

19:05 Sociale

Lulzimi, bukëpjekësi shkodran i Firences

12:12 Sociale

Beqaj: Lista e barnave, esenciale. Garantojmë ilaçet në spitale

12:10 Sociale

Manjani: Vendorët nuk mbledhin tarifat e pastrimit, ndaj duhet reforma territoriale

11:56 Sociale

Ministria e Brendshme: Mungesa e varrezave, papërgjegjshmëri e qeverisë së shkuar dhe Bashkisë

19:13 Sociale