Integrimi Europian/ Peleshi-Gjosha: Dialog jo vetëm me opozitën, por edhe me grupet e interesit

Qeveria shqiptare mbetet e angazhuar për të përmbushur të gjitha sfidat para qytetarëve, përfshi këtu edhe integrimin e vendit në Bashkimin Europian. Ndërkohë që në Maj, pritet të përmbyllet plotësimi i pjesës më të madhe të 5 prioriteteve kyçe për integrimin, në mënyrë që vendet anëtare të Bashkimit Europian të kenë mundësi të vlerësojnë progresin apo jo të Shqipërisë për përgjigjen në qershor. Kjo u deklarua në tryezën e radhës mbi “Sfidat e integrimit të Shqipërisë në BE”, nga ministrja e Integrimit Klajda Gjosha dhe zv.Kryeministri Niko Peleshi.

“Angazhim për 5 prioritetet kyçe, pjesa më e madhe e të cilave do plotësohen brenda muajit maj. Në morinë e sfidave që kemi është zbatimi i reformave të nisura. Anëtarësimi është proçes i bazuar në merita, ne do angazhohemi plotësisht për të përmbushur sfidat tonë para qytetarëve që na kanë besuar.Të marrim eksperiencën më të mirë nga ekspertët ndërkombëtarë, për ta çuar Shqipërinë përpara në procesin e integrimit në BE”, deklaroi ministrja e Integrimit Gjosha.

Ndërsa për zv.kryeministrin, Niko Peleshi, reforma në sistemin e drejtësisë, lufta ndaj korrupsionit dhe krimit të organizuar mbeten ndër sfidat më të mëdha të qeverisë.

 “Integrimi nuk është vetëm objektiv i qeverisë, por i çdo qytetari shqiptar. Mbështetja për integrimin është shumë e lartë. Qeveria është përpjekur të mësojë nga gabimet e së shkuarës. Kemi mësuar që integrimi nuk është një set detyrash që duhen përmbushur për të marrë not kaluese në BE, por është një proces zhvillimi evropianizimi në tërësi. Integrimi është mënyra më e re për të sjellë inovacion dhe modernizim.Ligjet nuk duhet të mbeten në letër por me rëndësi është zbatimi në praktikë i tyre, gjithpërfshirja, dialogu jo vetëm me opozitën por edhe më qytetarët e grupet e interesit. Këto janë disa nga gjërat e mësuara prej BE.Afrimi i qershorit shton ndjenjën e përgjegjësisë tek ne, nëse merret statusi vlerësohet puna e shqiptarëve. Sfida nuk mbaron këtu, nuk mbaron as me anëtarësimin në BE”, nënvizoi ai.

Peleshi e konsideroi si një moment kritik dhe deciziv për marrjen me shumë gjasa të statusit të vendit kandidat.

“Konsensusi duhet të ishte përkthyer në përpjekje maksimale për të integruar vendin. Historia e integrimit është bërë dy hapa para dhe një hap pas.  Interesi publik nuk ka dominuar mbi interesat e partive.  Nuk jemi të pagabueshëm, por po përpiqemi të mësojmë nga gabimet e kaluara. Integrimi Europian është proces zhvillimi dhe modernizimi, europianizimi për shtetin shqiptar. Integrimi është mënyra më e mirë për të garantuar sigurinë e qytetarëve, për tëshënuar progres. Reforma në drejtësi, përpara se të jetë kërkesë e BE-së, është domosdoshmëri për funksionimin e vetë shtetit dhe një nga sfidat më të mëdha për shtetin”, theksoi Peleshi.

PD: Drejtori i Zyrës së Punës në Korçë, i dënuar për falsifikime

12:08 Politika

Reforma Territoriale/ Arvizu: Gjeni konsensusin, kemi nevojë për dialog konstruktiv

11:43 Politika

Sërish përplasje me policinë/ Banorët luftojnë për të mos u prishur ndërtimet pa leje (VIDEO)

11:18 Politika

FOTOT/ Ish- gruaja e mbretit saudit i lutet Obamës: Shpëtoji vajzat e mia, kanë 13 vite të burgosura

10:17 Politika

Shqipëria bashkësponsorizoi rezolutën e OKB-së kundër referendimit të Krimesë

09:52 Politika

Ish- Prefekti: Kundërshtova emërimet e njerëzve me precedentë. Gjici: Isha me PD, por Rama më vlerësoi

09:44 Politika

INTERVISTA/ Nishani: Nuk do firmos shkarkimin e kreut të SHISH. Rama e Basha të takohen qoftë dhe për një kafe

09:35 Politika

Greqi/ Gjendet i vdekur në qeli Ilia Kareli, shqiptari që vrau gardianin

09:23 Politika

Prangoset hajduti i kërkuar në Gjermani, i sekuestrohen hoteli, fabrika, plantacioni dhe 3 makina luksoze

09:06 Politika

INTERVISTA/ I kërkuari për terrorizëm: E dua shtetin e Sheriatit, por jam i pafajshëm!

20:43 Politika