Samiti i BSEC/Haxhinasto: Të angazhuar për realizimin e projekteve që i shërbejnë rajonit

Ministri i Transportit dhe Infrastrukturës Edmond Haxhinasto shpreh angazhimin e Qeverise shqiptare për realizimin e projekteve kombëtare që njëkohësisht i shërbejnë dhe rajonit, sic është projekti i korridorit Lindje-Perëndim, Korridori 8, për të cilin ai theksoi se investime thelbesore në këtë drejtim me segmente të rëndesishme në pjesën Shqiptare janë duke u ndërtuar.

“Segmenti Tiranë- Elbasan është një segment kryesore që lidh kryeqytetin me aksin jug lindje të Republikës së Maqedonisë, dhe më tej me Bullgarinë dhe Turqinë”, tha Haxhinasto.

Ai permendi gjithashtu segmentin Qukës-Qaf Plloçë, projektin e Rrugës se Arbërit, i cili do të shkurtojë me një të tretë kohën e lidhjes ndërmjet Tiranës dhe Shkupit. Ministri përcaktoi si prioritare edhe cilësinë e shërbimeve të transportit veçanërisht në drejtim të sigurisë rrugore.

Haxhinasto mori pjesë në takimin e Ministrave të vendeve anëtare të Organizatës së Bashkëpunimit Ekonomik të Detit të Zi (BSEC) të zhvilluar në Sofje, Bullgari. Haxhinasto e cilësoi takimin si vlerë e shtuar që krijon një vision të qartë të bashkëpunimit dhe forcimit të objektivave të përbashkëta në të gjitha nivelet duke filluar me planifikimin, optimizimin e shërbimeve dhe trajtimin e barrierave jo-fizike, infrastrukturën dhe shërbimet që do ti shërbejnë më mirë rritjes ekonomike të secilit vend dhe zhvillimit të rajonit në tërësi.

Në vijim të fjalës së tij, ai solli në vëmendje të pjesëmarrësve konceptin multimodal të korridorit VIII, si një Korridor ku duhet të jenë prezent të gjitha llojet e transportit, përkatësisht transporti rrugor, detar dhe veçanërisht ai hekurudhor. Në këtë aspekt, Haxhinasto përmendi investimet per përmirësimin e porteve të Durrësit dhe të Vlorës dhe rikonfirmoi qëllimin e qeverisë shqiptare për ndërtimin e një tjetër porti ne Veri të vendit, atë të Shëngjinit, që do t’i shërbente Shqipërise, Kosovës, Maqedonisë dhe më tej. Ministri i Transporteve aprovoi “Deklaratën e Ministrave për një transport të gjelbër në rajonin e BSEC”, për të cilën shprehu domosdoshmërinë për planifikim dhe ndërhyrje në transportin hekurudhor, si aktor kryesor drejt një transporti të gjelbër. Ai vërejti si prioritare për hekurudhën shqiptare përmirësimin e lidhjeve me fqinjët, veçanërisht me Maqedoninë.

“Plotësimi me linjë hekurudhore të rinovuar të Korridorit VIII do të kompensonte ngarkesat në kanalin e Bosforit, prandja dhe një arterie efikase për lidhjen e Detit Adriatik me Detin e Zi nëpërmjet hekurudhës do të ishte në interesin e përbashkët”, u shpreh Haxhinasto.

Një tjetër pikë ku Ministri u ndal ishte thirrja për liberalizim të mëtejshëm të shërbimeve të transportit, si një objektiv permanent, ku solli si shembull të suksesshëm nismën e Evropës Jug-Lindore, ku fokusi në heqjen e barierave jofizike për të lehtësuar shërbimet dhe komunikimin ka qenë maksimal duke adoptuar një formë të re të lehtësimit të këtyre bareierave atë të pikave kufitare me një ndalesë.

“Këtë praktikë të mirë e kemi me Malin e Zi, me Maqedoninë dhe ky besoj që mund të jetë një model për të gjitha vendet duke qënë se ne të gjithë prekemi nga procedura të zgjatura me shumë burokraci, të panevojshme dhe dëmtuese për biznesin”, tha ai.

Ministri Haxhinasto përfundoi fjalën duke cilësuar angazhimin e punën e përbashkët si parakusht në fizibilitetin e projekteve dhe garantimin e shërbimeve cilësore për të ndikuar në rritjen ekonomike e zhvillimin e qëndrueshëm.

P/ligji për sigurimin e depozitave/ Cani: Po mbrojmë interesat e depozituesve

15:20 Ekonomia

Ish-të përndjekurit/ Ja personat që përfitojnë nga kësti i parë

08:04 Ekonomia

Komisioni i Ekonomisë shqyrton ligjin për ndihmën dhe shërbimet shoqërore/Sula: Përmirësojmë kriteret dhe procedurat

15:14 Ekonomia

SONDAZHI: Biznesi shqiptar nuk e raporton ryshfetin, e quan praktikë normale

09:38 Ekonomia

Gjobat ndaj bizneseve, Qeveria fal 500 milionë lekë. Bode e konsideron demagogji. Braçe kërkon transparencë

15:34 Ekonomia

Prezantohen projektet e kooperacionit italian në Shqipëri

08:06 Ekonomia

“Më e keqja për ekonominë ka mbaruar”

14:53 Ekonomia

Blue Panorama në gjykatë për procedurë falimentimi, për paaftësi paguese

19:25 Ekonomia

Raporti/ Investimet e huaja në 2013, më të lartat e 10 viteve të fundit

12:42 Ekonomia

Rama, bashkëbisedim me sipërmarrësit grekë: Të ardhurat nuk vijnë nga gjobat ndaj biznesit

14:09 Ekonomia