Miratohet falja e gjobave/ Braçe: Kjo duhet të jetë amnistia e fundit fiskale

Kuvendi miratoi me 75 vota pro faljen e gjobave ndaj bizneseve. Kryetari i Komisionit Parlamentar të Ekonomisë Erion Braçe tha se projektligji “Për faljen e dënimeve administrative në formën e gjobave, të vëna në bazë të kontrolleve dhe verifikimeve tatimore të kryera për periudhën 1 mars deri më 31 gusht 2013” synon t’i japë fund një praktike ciklike, që ka të bëjë me një fushatë përdorimi të instrumentave ligjore, në funksion të qëllimeve elektorale.

Duke paraqitur p/ligjin në Kuvend, Braçe theksoi se adminsitrata fiskale është përdorur nga Qeveria e mëparshme për të diktuar votën e sipërmarrjes private, të punësuarve të tyre me qëllim krijimin e një shumice joreale. Sipas tij, p/ligji ka trajtën e një amnistie të qartë, por kjo duhet të jetë amnistia e fundit në terma fiskal që mund të ndodhë.

“S’mund të pranojmë të amnistojmë, veçanërisht detyrimet ligjore, për t’u paguar nga fatura apo kontratat. Nuk mund të vijojmë me fatura dyfishe e bilance dyfishe. Mungesa e kuponit tatimor grabit shtetin dhe qytetarin që paguan tatimi”, tha Braçe.

Sipas tij, secili nga qytetarët dhe sipërmarrësit duhet ta dijë se vlera e tatimeve dhe taksave të paguara nga çdo transaksion duhet të paguhet dhe nuk do të falet më.

Braçe hodhi poshtë edhe akuzat e opozitës për përkeqësim të gjendjes ekonomike në vend. Ai theksoi se e vetmja periudhë me rritje ekonomike negative ishte tremujori kur Berisha vendosi t’i bëjë ‘gropën’ ekonomisë vendit, pikërisht tremujori i tretë ku nuk u arkëtuan 230 milionë dollarë të ardhura qëlimisht.

“Tremujori i katërt dhe ky tremujor që u mbyll janë në një trend pozitiv. Treguesit janë për pozitivitet dhe çdo shqiptar apo sipërmarës që ka tkurrur veprimtarinë e tij, duke dëgjuar deklaratat e opozitës i përcjell mesazhin se ekonomia ka kaluar momentin e vështirë dhe është në trend rritjeje. Është momenti më i mirë për çdo qytetar dhe sipërmarrës për të shpenzuar, për të investuar dhe përfituar nga të mirat që ekonomia kombëtare dhe rritja ekonomike tashmë po e bën evidente”, tha Braçe.

Deputeti Përparim Spahiu, në emër të LSI-së u shpreh se përmes faljes së këtyre gjobave, vendoset në punë motori i ekonomisë. “Ne po përpiqemi që fjala borxh të përdoret sa më pak. Falja e gjobave për periudhën 1 mars deri më 31 gusht 2013, do të sjellë një impakt mjaft pozitiv për klimën ekonomike. Edhe shoqatat e bizneseve kanë ngritur shqetësimin. Kjo falje do të jetë plotësim dhe i paketës fiskale që po përgatitet për ta. Nga falja do të përfitojnë ato biznese të rregullta që pavarësisht shqetësimit, kanë paguar. Qoftë pagesat e shtetit,qoftë falja e gjobave janë për të nxitur investimin. Ju ftoj të gjithëve që ta votojmë këtë projektligj”, tha Spahiu

Deputetja Socialiste Evis Kushi, deklaroi se ky ligj i jep zgjidhje dhe rikthen drejtësinë për të gjithë ato biznese që kanë marrë gjoba në mënyrë të padrejtë vetëm për qëllime politike.

“Për këtë periudhë ka pasur një fluks të madh shqetësimesh dhe denoncimesh për shkak të situatës alarmante të krijuar nga gjobat selektive të një administrate krejtësisht të politizuar të vënë në dispozicion të interesave të qeverisë së kaluar. Edhe statistikat fiskale tregojnë se gjatë asaj periudhe, numri i gjobave është rritur në mënyrë të konsiderueshme në krahasim me mesataren vjetore. Kjo administratë në mënyrë të padrejtë kërcënonte haptazi bizneset që kishin bindje apo mbështesnin opozitën”, tha Kushi.

Deputetja e PS-së theksoi se miratimi i kësaj nisme do të krijojë një partneritet të ri midis qeverisë dhe biznesit duke ndikuar në rritjen dhe zhvillimin ekonomik të vendit.

INTERVISTA/ Energjia që do të vijë

17:28 Ekonomia

Samiti i BSEC/Haxhinasto: Të angazhuar për realizimin e projekteve që i shërbejnë rajonit

16:36 Ekonomia

P/ligji për sigurimin e depozitave/ Cani: Po mbrojmë interesat e depozituesve

15:20 Ekonomia

Ish-të përndjekurit/ Ja personat që përfitojnë nga kësti i parë

08:04 Ekonomia

Komisioni i Ekonomisë shqyrton ligjin për ndihmën dhe shërbimet shoqërore/Sula: Përmirësojmë kriteret dhe procedurat

15:14 Ekonomia

SONDAZHI: Biznesi shqiptar nuk e raporton ryshfetin, e quan praktikë normale

09:38 Ekonomia

Gjobat ndaj bizneseve, Qeveria fal 500 milionë lekë. Bode e konsideron demagogji. Braçe kërkon transparencë

15:34 Ekonomia

Prezantohen projektet e kooperacionit italian në Shqipëri

08:06 Ekonomia

“Më e keqja për ekonominë ka mbaruar”

14:53 Ekonomia

Blue Panorama në gjykatë për procedurë falimentimi, për paaftësi paguese

19:25 Ekonomia