Te fundit
Komisioni i Etikës, asnjë fjalë për trukimet në Superiore. Heton një ndeshje të…U19
15 Maj 2014, 19:20Sport
TEMA
Komisioni i Etikës në Federatën Shqiptare të Futbollit, nuk ka përmendur në asnjë fjalë gjatë mbledhjes së radhës, akuzat për trukime dhe tolerime në javët e fundit të Kategorisë Superiore.
Pritshmëria ishte e madhe për mbledhjen e radhës së Komisionit të Etikës në Federatën Shqiptare të Futbollit, pas zhvillimeve të javës së fundit në kampionatin kombëtar, ku ishin disa takimet që u përfolën si të toleruara, në të cilat fituan praktikisht të gjitha skuadrat për të cilat kishte mbetur diçka në lojë kundrejt kundërshtarëve që i kishin arritur apo i kishin tanimë të pakapshëm objektivat. Por, me sa duket diçka e tillë nuk ka rezultuar për organin që është krijuar enkas për të survejuar ndershmërinë e lojës, që nuk ka patur si objekt gjykimi asnjë ndeshje të Kategorisë Superiore, siç konfirmohet në komunikatën zyrtare për shtyp të FSHF-s, raportonn Sport News.
Por, Komisioni i Etikës është marrë vetëm me një ndeshje të U19.
Në komunikatën e FSHF-së bëhet e ditur se Komisioni i Etikës, në lidhje me deklaratat publike për trukime të futbollistit të Tomorrit U-19, Daniel Zere, është thërritur dhe dëgjuar trajneri Arben Arbri, ndërsa vetë futbollisti megjithëse kishte patur njoftimin për paraqitje, ka munguar në mbledhje.
Gjithashtu, Komisioni i Etikës ka vendosur të thërrasë në mbledhjen e ardhshme zyrtarët e Federatës Shqiptare të Futbollit për ndeshjen mes Kamzës dhe Tërbunit, për të shqyrtuar problematikën në lidhje me vlefshmërinë e titullit të golashënuesit të Kategorisë së Parë, në ndeshjen në fjalë Kamza fitoi 6-5 dhe plot 5 gola u shënuan nga Agastra, i cili kryeson klasifikimin e golashënuesve në fund të kampionatit me 21 finalizime. Në drejtim të tij pati akuza publike nga sulmuesi i Butrintit, Rraboshta, që e akuzoi se i kishte vjedhur Këpucën e Artë me gola të falur.
Tashmë çështja e Këpucës së Artë të Kategorisë së Parë është zyrtarisht nën hetim dhe Komisioni i Etikës mund të vendosë edhe mosdorëzimin e këtij çmimi. Por, gjithsesi një çështje e tillë mbetet thjesht një thërrime në tavolinën e takimeve që u përfolën në javën e fundit e mbi të gjitha në komunikatën për mbledhjen e fundit nuk ka asnjë fjalë për Kategorinë Superiore. Ndoshta është vërtet çështje etike!
2 komente në “Komisioni i Etikës, asnjë fjalë për trukimet në Superiore. Heton një ndeshje të…U19”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky eshte komisioni i MAFIES dhe ne krye qendron Presileshi i zgjedhur me unanimitet. Kjo Federate duhet shkrire. Bashke me te duhet ti hiqet titulli edhe Skenderbeut. Ndryshe nuk duhet te flasim per futboll ne Shqiperi.
Sa te jete Duka çdo vit dote dale Korça kampione .