Anderlehti i Besnik Hasit shpallet kampion

Besnik Hasi ia del mbanë. Trajneri shqiptar arriti të udhëheqë Anderlehtin drejt titullit të 33-të kampion në Belgjikë. Edhe pse e mori drejtimin e skuadrës nga Brukseli vetëm në javën e fundit të sezonit të rregullt pas largimit të trajnerit Van Den Brum, Hasi bëri një punë të shkëlqyer në krye të klubit gjatë fazës play-off, duke përmbysur një disavantazh 5 pikësh ndaj Standartit të Liezhit, për t’u shpallur në fund kampion i vendit.

Me këtë sukses 42-vjeçari shndërrohet në trajnerin e parë shqiptar që arrin të fitojë një kampionat të rëndësishëm në Europë. Për t’i vënë vulën titullit, Anderlehti mposhti me rezultatin 3-1 Lokerenin në sfidën e fundit të fazës play-off, duke e mbyllur sezonin në kuotën e 51 pikëve dy më shumë se Standarti i Liezhit, që edhe pse kishte dominuar në gjithë sezonin e rregullt, u dorëzua përballë rekordmenëve të Belgjikës.

Sfida e luajtur në stadiumin “Constant Vanden Stock” të Brukselit nisi në mënyrë fantastike për Anderlehtin, që zhbllokoi rezultatin falë golit të shënuar nga Mitrovic në minutën e 19-të. Megjithatë, me startin e pjesës së dytë gjithçka u ndërlikua për ekipin e Besnik Hasit, pasi në minutën 54 mbrojtësi Van Den Borre shkaktoi një penallti që futbollisti i miqëve Harabaoui e ktheu në gol, duke barazuar rezultatin.

Megjithatë, Anderlehti nuk u demoralizua aspak dhe vetëm tre minuta më pas kaloi sërish përpara me qëndërmbrojtësin Mbemba. Golin që i vuri kapak takimit por edhe titullit të 33-të të Anderlehtit në kampionatin belg e shënoi Praet në të 67-tën. Deri në fund nuk ndryshoi më asgjë në rezultat dhe vërshëllima e arbitrit kryesor bëri që të shpërthente në festë një stadium i tërë.

Nëse Anderlehti ja doli mbanë ta fitojë këtë titull, një meritë e madhe i atribohet padyshim Besnik Hasit, që në 11 ndeshje në krye të klubit koleksionoi 8 fitore 1 barazim dhe 2 humbje, duke përmbysyr një diferencë goxha të madhe pikësh ndaj dy kundërshtarëve direkt si Standart Liezh dhe Bryzh.

Etrit Berisha, portieri më i mirë i huaj në Serinë A

14:43 Sport

Ronaldo humb finalen e Ligës së Kampionëve?

17:05 Sport

Valdano: Lionel Mesi është gjeniu i parë i shekullit të 21-të

15:12 Sport

Çfarë kapiteni, prishet me klubin për të luajtur për Kosovën

15:10 Sport

Kombëtarja, e përgjysmuar për eliminatoret

15:06 Sport

Mandzukiç drejt lamtumirës nga Bajerni, Guardiola nuk e grumbullon për finalen ndaj Dortmundit

15:57 Sport

Krujf: Mesi nuk e fiton dot i vetëm Botërorin

15:34 Sport

De Biazi: Kosovarët nuk mund të luajnë edhe me ne, edhe me Kosovën

15:05 Sport

Talenti kosovar Bersant Celina firmos për Mançester Siti

15:02 Sport

Komisioni i Etikës, asnjë fjalë për trukimet në Superiore. Heton një ndeshje të…U19

19:20 Sport