Turqit marrin në administrim Flamurtarin, kërkohet Curri e Çani

Kompanitë turke TRK dhe Atlas Jet, kanë arritur më në fund marrëveshjen me Bashkinë e Vlorës për marrjen në administrim të Flamurtarit.

Duke qenë se procedura e privatizimit të klubit kërkon një kohë relativisht të gjatë, ekspertët ligjorë të bashkisë bregdetare kanë gjetur rrugën ligjorë që sponsorët turq të jenë administratorë të skuadrës deri në momentin e privatizimit.

Drejtori teknik i kuqezinjve Ardi Behari shpjegoi për Sport News se TRK dhe Atlas Jet gjatë kësaj periudhe përveçse do të garantojnë financat, do të kenë fuqi të plota vendimmarrjeje në skuadër, por kjo nuk do të thotë se do të jenë të avantazhuar në momentin e privatizimit të klubit.

Kur të zhvillohet ankandi, sponsorët aktualë do të futen në garë si çdo kompani tjetër që do të jetë e interesuar për të blerë aksionet e Flamurtarit. Kjo marrëveshje do të zyrtarizohet në mbledhjen e radhës së Këshillit Bashkiak të qytetit të Vlorës, e cila është parashikuar të mbahet më 12 qershor. Tashmë në kampin vlonjat mund të marrin frymë lirisht, ndërsa në radhët e tifozëve kuqezi rritet optimizmi për të ardhmen, pasi Flamurtari pritet të jetë një nga superfuqitë e futbollit shqiptar vitet e ardhshme.

Kjo marrëveshje me sponsorët turq përket me startin e përgatitjeve për aventurën europiane, ku Flamurtari rikthehet pas një viti mungesë.

Curri dhe Çani, dëshirat e Flamurtarit

Flamurtari është i interesuar për të afruar lojtarë të Kombëtares shqiptare. Nga sa mësohet, është vetë donatori Sinan Idrizi, ai që ka shfaqur pëlqimin e tij për disa nga kuqezinjtë, të cilët mund të joshen për të vazhduar karrierën në Vlorë.

Pas konsultimeve me drejtorin teknik, Ardi Behari, si dhe trajnerin Ernest Gjoka, në klubin kuqezi kanë nisur negociatat me disa emra të njohur. Synimi është i qartë: kërkohet të ndërtohet një ekip sa më i fortë, me qëllim që të fitohet titulli kampion në sezonin e ri, por edhe për një paraqitje sa më dinjitoze në Kupat e Europës.

Me financa të garantuara, donatorët turq e shprehën hapur se si objektiv të vetëm kanë titullin dhe kjo ka bërë që drejtuesit e klubit të vihen në lëvizje për të afruar sa më shumë lojtarë cilësorë dhe me eksperiencë te Flamurtari. Momentalisht janë disa emra që qarkullojnë në ambientet e klubit vlonjat si të mundshëm për t’u afruar.

Burime të sigurta në klub treguan dje për “Panorama Sport” se lojtarë si Edgar Çani, Admir Teli, Debatik Curri, Odise Roshi dhe Sabjen Lilaj synohen të joshen nga drejtuesit. Madje, mësohet se me disa prej tyre kanë nisur negociatat. Në këtë listë përfshihen gjithashtu edhe Xhevahir Sukaj, që sulmues që është grumbulluar më parë me përfaqësuesen, ndërsa është afirmuar te Kombëtarja U-21. Në planet e klubit janë edhe emra të kampionatit shqiptar si Mario Morina e Erjon Vucaj, por dëshira është një goditje “big”. Mësohet se ata që kanë më shumë shanse për të kaluar te Flamurtari janë Debatik Curri dhe Sabjen Lilaj. Gjithsesi, asgjë nuk është e sigurt, pasi të gjithë lojtarët që kërkon klubi vlonjat kanë plane të tjera për karrierën, sepse duan të vazhdojnë karrierën jashtë Shqipërisë. Të pyetur për këta emra që po qarkullojnë në klubin vlonjat, drejtuesit as nuk pohojnë, por as nuk i mohojnë. Gjithsesi, ata e shprehin hapur dëshirën për të pasur lojtarë të Kombëtares.

INTERVISTA/ Lëv: Futbolli do të ngjitet në një tjetër nivel në Brazil 2014!

18:52 Sport

Hitzfeld i irrituar: Duhet një rregullore e re “kundër” shqiptarëve

11:45 Sport

Reali i vendos çmim, Di Maria kushton 50 milion euro

18:26 Sport

FOTO LAJM/ Gati për Botërorin e Brazilit

15:17 Sport

De Biazi 'shpërthen' ndaj lojtarëve të kombëtares: Çfarë ndodh me ju?

15:10 Sport

Ergys Kaçe refuzon Beshiktasin

15:05 Sport

Lineker: Mesi, më i mirë se Ronaldo

15:57 Sport

10 fakte të çuditshme për Botërorin

15:35 Sport

Tare në Budapest, misioni: Hysaj dhe Shkëlzen Gashi

14:46 Sport

Lorik Cana në altar: Do dëshiroja të rrija tek Lacio, por…

14:44 Sport