Zyrtarë buxhetorë, me pasuri sheikësh?!

Nga Xhovani Shyti

Sikurse po tregojnë të dhënat e nxjerr prej kasafortave “top sekrete” të Bankës  së Shqipërisë (BSH), që është dhe institucionit më i lartë mbikqyrës i sistemit monetar, qysh prej ardhjes në krye të drejtimit të saj të Adrian Fullanit, kjo e fundit ka funksionuar si të jetë një shtet sheikësh brenda shtetit ku shumica e shqiptarëve e shtyjnë jetën me sakrifica,por dhe në mizeralibitet të pameritueshëm.

Kështu nëse do ti referohemi këtyre të dhënave do të mësojmë se vetë familja Fullani, e cila nuk rezulton të ketë ndonjë pasuri sheikës të trashëguar e të rikthyer nga Agjencia e Kthimit e Kompensimit të Pronave, bën një jetë që do t’ja kishin zili edhe vetë sheikët pasuritrashëguar të petroliferave arabike, pasi në ca rituale, e vecanërisht në shpenzimet pa kriter e pa kuptim të parave, ua kalon edhe atyre.

Biri i kësaj familjeje i fshin djersët jo me shami, apo me kartëpecetë, si gjithë të tjerët, por me kartëmonedha. Madje jo me lekëkartë,por me eurokartë. E jo njëzetëshe, pesëdhjetëshe  apo njëqindshe e më lart, por me eurokartë pesëqindëshe.Të fshish djersët me kartëmonedhë pesëqind euroshe do të thotë të jesh jo fëmijë sheikësh por djal i familjes Fullani, që babin e ka drejtor të Bankës së Shtetit,domethënë zyrtar buxhetor, që paguhet e xhirron paratë e taksapaguesve, dhe mamin gjyqtare, domëthënë po zyrtare buxhetore që paguhet dhe e siguron jetën  po nga paratë e taksapaguesve më të varfër të Europës.

E megjithatë, megjithse dy kryefamiljrët e familjes Fullani janë zyrtarë buxhetor, rezultojnë të kenë pasuri maramendëse të vëndosur brenda pak dekadave, ndërkohë që fëmijët bëjnë jetë sheikësh dorëshpuar, të cilët janë trashëgimtarë e pronarë kompanish shumëkombëshe.

“…Një jetë prej sheikësh, por burimi i pasurisë nuk qëndron tek ari i zi, por tek paratë e shqiptarëve. Fëmijët e guvernatorit të BSH jetojnë mes luksit të shfrenuar dhe nuk ngurrojnë aspak që këtë lloj jete ta paraqesin në Instagram me krenari”, citonin ca të pakta organe shtypi e media, duke publikuar foto nga Instagrami i Erik Fullanit, djalit 20-vjeçar të guvernatorit të BSH. Në të cilat dukej açik teksa ai shpëlante zverkun e kokën e tultë me shampanjë dhe më pas fshihej me kartëmonedhë pesëqind euroshe.

Pushime luksoze, makina super të shtrenjta, celularë të larë me flori, koleksione orësh, ku vlera e cçdo cope shkon në mijëra euro, dekonspiron media , ndërkohë që referuar dëshmive zyrtare të bëra pranë Inspektoriatit të Lartë të Deklarimit dhe Kontrollit të Pasurive (ILDKP), nga vetë Fullanët, mëson pasurimin maramendës të dy kryefamilarëve,të cilët nuk kanë qenë veçse punonjës zyrtarë të shtetit, pra buxhetorë. Që don të thotë se kanë përvetësuar si të ardhur ligjore veç pagën e dalë nga buxheti  i shtetit. E megjithatë, ja kanë dalë që brenda pak viteve të shndërrohen në sheikë, duke përmbysur kështu çdo rregull të sistemit kapitalist në të cilin kurrë një zyrtarë i paguar nga buxheti i shtetit nuk mund të jetë më i pasur se një biznesmen apo qoftë edhe se një sheik i rangut mesatar.

Mirëpo Fullanët janë të tillë dhe këtë e mëson nga deklarata zyrtare që sejcili prej tyre, domethënë Adriani, drejtori i Përgjithshëm i BSH-së dhe bashkëshortja e tij, Adriana, kanë depozituar në ILDKP.

Referuar kësaj deklarate,gazeta “Shqip” e dt.03 gusht ‘14 raporton se: ata zotërojnë 3800 metër katrorë sipërfaqe në Tiranë,në Farkë të madhe, me vlerë 220 mijë euro, duke përfituar 35 për qind të sipërfaqes të secilit prej ndërtimeve. Zotërojnë  tri shtëpi banimi. E para,100 metra katrorë, në rrugën “Reshit Çollaku”, e dyta 90 metra katrorë në Golem të Kavajës, dhe e treta 335 metra katrorë në zonën e Bllokut në Tiranë… Rreth 30 milionë gjyqtarja Fullani ia kishte dhënë hua kunatës në Kanada…Ndërkohë, i kanë dhënë hua një personi fizik 118 mijë euro. Kanë prenotuar apartament banimi në malin e Robit duke shlyer 50 mijë euro. Kanë tërhequr 178 mijë USD nga një bankë. Kanë blerë në shumën e 8 milionë lekëve një tokë me sipërfaqe 840 metra katrorë, në të cilën bënte pjesë edhe një truall 250 metra katrorë dhe ndërtesë 80 metra katrorë me adresë Farkë e Madhe, e blerë në vitin 2008, duke paguar 2 milionë lekë dhe diferencën do ia jepnin kur të përfundonte procesi i regjistrimit në hipotekë…”, vijon raportimi i gazetës “Shqip”.që në konkluzion citon se: dy vitet më fatlume për çiftin Fullani kanë qenë 2004 dhe viti 2008, ku pasuria e guvernatorit dhe bashkëshortes së tij gjyqtare u shtua me prona të patundshme.

“Fullani vazhdon me shpenzimet  e  luksit, 150 mijë dollarë për perde e grila kundër diellit”, është një tjetër raportim i bërë në  “gazeta shqiptare”, e dt. 02 gusht ‘14,  sipas të cilës:

“Pavarësisht se është në qendër të një skandali, Banka e Shqipërisë vazhdon shpenzimet e luksit. Guvernatori Ardian Fullani ka shpallur një tender prej 14.9 milion lekë, apo 150 mijë dollar, për perde e grila kundër diellit…Kjo nuk është një gjë e re në fakt, pasi Fullani gjatë viteve të drejtimit të Bankës së Shqipërisë, ka bërë shpenzime të pafundme për luks…”, citon “G.SH”, duke dhënë tërthorazi edhe një pjesë të përgjigjes rreth ekstra burimeve financiare nga dalin gjithë këto pasuri të vëna nga zyrtarë të lartë, të nivelit të mesëm etj., të cilët megjithse paguhen nga buxheti i shtetit, domethënë se janë buxhetor, del të kenë pasuri sheikësh të vëna brenda pak dekadave.Por dhe të bëjnë jetë të tillë që do ja kishin zili edhe sheikët dorëmbledhur.

Sepse familja Fullani dhe fullanizmi nuk është mikroshteti i vetëm, që gjallon sipas këtij standarti sheikësh dorëshpuar brenda shtetit tonë, ku pjesa dërmuese e shtyjnë jetën me sakrifica të pameritueshme?

Përvecse çfarë është publikuar më parë, rreth pasurisë maramendëse të pinjollëve të familjes së deputetit Sali Berisha, e përditëshmja “Tema” publikoi më të fundin lajm, me personazh qëndror pinjoj të kësaj “dinastie”, i pari i të cilës, ndonëse daton se ka zbritur nga një fshat diku midis mezit të Alpeve aty rreth viteve 60-të dhe  gjithë pasurinë e kishte të ndryrë në një valixhe druri, ja ka dalë të ketë hyrë në listën e zyrtarëve buxhetor me pasuri sheikësh.

“Argita Malltezi, pushime luksi në Turqi… “, lajmëronte “Tema”,  në numrin e dt 02 gusht, 2014, që duke ju referuar  një videoje që Dasara, vajza e Argitës, kishte publikuar në rrjetin facebook,ndër të tjera  citonte:

“Nga hoteli për të zbritur në  breg të detit i është vendosur një rrëshqitëse, e cila mundëson që familja jo vetëm të përjetojë një  adrenalinë, por edhe ta shohë nga lart gjithë resortin ku është akomoduar…”.

Mirëpo a është edhe “dinastia e Berishajve” e fundit, që megjithse në pjesën dërmuese të viteve të jetës ka jetuar me pagat zyrtare buxhetore të çiftit Berisha, figuron si dinasti sheike në brendashtetin e shtetit tonë të përbashkët  të drejtuar për rreth 13 vite nga gjysh Saliu, pinjolli trung  i saj, që deri në pragun e viteve ‘90 ka qenë intelektual komunist i proletarizuar ?

Gjin Gjoni, njëri prej anëtarëve të Këshillit të Lartë të Drejtësisë (KLD), është një tjetër zyrtar buxhetor i denoncuar për fshehje të pasurisë, për mosdeklarim të saktë të të ardhurave e pronësive të vendosura përgjatë periudhës kur pasuriae shqiptarëve është bërë rrush e kumbulla.  Anëtari i KLD-së, Gjin Gjoni ka fshehur një pasuri jo të vogël, por rreth 2.3 milionë euro, raportonte shtypi e media, duke shtuar se ILDKP ka kallëzuar edhe bashkëshorten e Gjonit për falsifikim dhe fshehje pasurie, por edhe dy noterë publikë, si bashkëautorë në prodhimin e akteve dhe dokumenteve të falsifikuara noteriale,që kanë mundësuar justifikimin e rremë të pasurisë së Gjin Gjonit. Pra hetimi ka nxjerr një zinxhir bashkëpunëtorësh të implikuar në skemë.

Por edhe çifti Gjin Gjoni e Elona Çaushi nuk janë të fundit zyrtarë buxhetorë,pjesë e administratës shtetërore që rezultojnë më pasuri sheikësh.

“Bosët e Këshillit të Lartë të Drejtësisë, në dy vite dyqane, shkolla e shumë miliona në banka “, është një tjetër publikim i bërë nga “shqiptarja.com”, e dt.03 gusht 2014, ku lajmërohet se “ Anëtarët e KLD kanë të deklaruara në depozitat e tyre bankare pasuri të majme financiare dhe prona të paluajtshme. Kupola më e lartë e drejtësisë pasuritë i deklaron të vëna nga angazhimi në arsim, puna si këshilltarë, anëtarë të KLD, interesa bankare etj. Shumë prej tyre pasuritë më të mëdha i kanë deklaruar në emër të bashkëshorteve të tyre ndërkohë që të tjerë pranojnë dhurata deri në 30 mijë euro”.

Por edhe këta nuk besohet se janë të fundit që bëjnë jetë sheikësh. Që kanë vënë pasuri  zilindjellëse sheikësh, brenda pak dekadave të anarshisë paskomuniste, megjithse kanë shërbyer si pjesë e administratës zyrtarë të një shteti me popullsi masivisht  të varfër. Që don të thotë se si të ardhur kryesore jetese kanë pasur një pagë mujore të rrjedhur nga buxheti i shtetit.

Safeti, reciprociteti dhe “Bashkimi Kombëtar”

15:46 Blog

Çohi të dekun

18:17 Blog

Monstrat që i krijuam vetë

19:32 Blog

Si mund t’i vihet pritë ndikimit të Moskës !

19:30 Blog

Kam gjetur nje palë syze optike

20:54 Blog

Shqiptarët e Amerikës dhe terrorizmi

18:45 Blog

Alibia e vendit tim, që godet pa derdhur lot

18:58 Blog

A po e mbyt e keqja çdo gjë në këtë vend?

18:53 Blog

Përbindëshi Muhaxheri

18:49 Blog

E vërteta do të na çlirojë

18:46 Blog