Te fundit
Plagosja në Fier, për hakmarrje/ Policia: I plagosuri dhe autori i dyshuar me precedentë
29 Gusht 2014, 14:42Kronika
TEMA
Motivi i plagosjes së ndodhur të enjten në Fier, dyshohet një konflikt i vjetër për çështje pronësie, që u pasua me një zinxhir krimesh mes personash me të kaluar problematike.
Konflikti i vjetër ka lindur për motive pronësie mbi tokën ku u ndërtua një lokal në Fier në 1996.
Burime të rezervuara thonë se i plagosuri Jorgaq Kule së bashku me vëllain e vet Altin Kulen, në 28 maj 1996, janë arrestuar në flagrancë si persona të dyshuar për vendosje eksplozivi në lokalin e Mitat Dokos, në Fier.
Jorgaq Kule u la i lirë në atë kohë pas 72 orësh, ndërsa Altini është mbajtur në gjendje arresti për 1 muaj dhe u la edhe ai i lirë.
Por konflikti midis këtyre personave ka vazhduar.
Në 31 mars 1997 u vra me armë zjarri, përpara lokalit të tij nga persona të paidentifikuar, Mitat Doko. Dosja hetimore u pezullua për mungesë provash.
Mendohet i shtyrë nga hakmarrja për babain, djali i viktimës, Ermal Doko plagosi të enjten në mbrëmje Jorgaq Kulen.
Këto burime shtojnë se nga ana tjetër edhe Ermal Doko, i cili nuk është shoqëruar ende nga policia, ka një të kaluar me precedentë penalë për tentative vrasje dhe armëbajtje pa leje, pasi në 6 mars 2006 ka qëlluar me armë shtetasin R.A.
I skeduar ishte edhe i plagosuri Jorgaq Kule, për trafiqe të paligjshme dhe armëmbajtje pa leje.
Burime zyrtare policore thonë se po punohet për dokumentimin ligjor të ngjarjes.
1 komente në “Plagosja në Fier, për hakmarrje/ Policia: I plagosuri dhe autori i dyshuar me precedentë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te mblidhen armet pa leje.