Tahiri: Është dyfishuar numri i kërkesave për azil, por kemi kapacitete pritëse

Numri i azilkërkuesve nga vende të përfshira në konflikte ta armatosura është dyfishuar vitin 2014 krahasuar me një vit më parë, por Shqipëria ka kapacitete ende mundësi pritje.

Ministri i Brendshëm Saimir Tahiri siguroi deputetët e Komisionit të Jashtëm se nuk ka asnjë alarm për këtë çështje, gjatë diskutimit të projektligjit për Azilin.

“Në Shqipëri numrat janë më shumë se dyfishuar, në një kohë të shkurtër, por jemi shumë shumë larg numrave që kanë vendet e tjera. Rasti që morët ju, Italia, është tërësisht larg skenarit shqiptar sa i takon numrave të azilkërkuesve, shtetasit që kërkojnë marrjen e statusit të refugjatit”, iu përgjigj ministri i Brendshëm, interesit të deputetit Ben Blushi.

Në mbledhjen e Komisionit ku mungoi opozita, Tahiri shtoi se Bashkimi Europian ka një politikë fleksibël lidhur me çështje të trajtimit dhe mbrojtjes për të huajt, por Shqipëria nuk ka numër të lartë azilkërkuesish për të kërkuar ndihmë nga BE.

“Ministria e Punëve të Brendshme parashikon një buxhet që shkon vetëm për përballimin e trajtimit të azilkërkuesve. Dhe kemi fleksibilitet të garantuar, në rastet kur ose në eventualitetin kur numri shtohet. Ne nuk parashikojmë që të ketë fluks të numrave të lartë, për të pasur stres buxhetor lidhur me këtë çështje. Sigurisht në vite mund të jetë një problem që do trajtuar dhe nga pikëpamja e shtyllës buxhetore përkatëse për trajtimin e këtyre shtetasve por sot nuk gjendemi përpara këtij skenari. Në eventualitetin kur do ndodhte një fluks i paparashikuar ekziston gjithmonë mundësia me buxhet rezervë ose me mjete të tjera buxhetore për të përballuar këto situata”, tha ministri.

Kreu i Ministrisë së Brendshme nënvizoi nevojën për shtimin e kapaciteteve pritëse për refugjatët.

“Qendra aktuale ka një përmirësim, kjo falë bashkëpunimit me partnerët, por është shumë shumë larg asaj që ne do të donim. Kjo, sa u takon kushteve. Sa i takon kapacitetit, jemi ende në gjendje të përballojmë edhe shtimin eventual të fluksit. Pra nuk është çështje vetëm e kapacitetit dhe e depozitimit, por e kapacitetit për të garantuar një minimum standardi në raport me qendrimin”, theksoi ministri.

Shoqata e Bankave: Stabiliteti financiar, i pacënuar

11:41 Kronika

Ndërtimet pa leje/ Policia evidenton 548 raste, procedon penalisht 551 shtetas

11:37 Kronika

Shtyhet seanca ndaj Arben Frrokut, prokurorët ishin në një seminar

10:43 Kronika

Ngjela: Më mirë që Fullani u arrestua, se mund edhe të ishte vrarë nëse ka një rrjet në vjedhjen e BSH-së

10:20 Kronika

Zyrat e shërbimit për qytetarët/Mbyllin trajnimin 85 efektivë policie

10:03 Kronika

Llalla: Nën hetim një numër i konsiderueshëm zyrtarësh të nivelit të lartë

13:26 Kronika

"Lejet e drejtimit"/ Arrestohet instruktori i një autoshkolle dhe polici ushtarak

11:49 Kronika

Hetimet për vjedhjen e thesarit/ Elisabeta Gjoni dëshmon në Prokurori

11:06 Kronika

Dhori Kule: Nuk ka vendim për dorëheqje në grup

10:37 Kronika

Shqiptarja e vrarë në Francë/ Familjarët: Nuk ishte prostitutë

09:36 Kronika