Llalla: Nën hetim një numër i konsiderueshëm zyrtarësh të nivelit të lartë

Prokurori i Përgjithshëm Adriatik Llalla ishte pjesëmarrës në konferencën ‘Mbi korrupsionin dhe Shqipërinë’ në Rumani duke prezantuar kontributin e institucionit që ai drejton në luftën kundër korrupsionit dhe krimit të organizuar.
 
“Shqipëria ka bërë hapa shumë të mëdhenj në sistemin e drejtësisë”, u shpreh Prokurori i Përgjithshëm.
 
Kryeprokurori Llalla u ka bërë me dije homologëve të se në Shqipëri janë nën hetim një numër i konsiderueshëm zyrtarësh,që dyshohen për korrupsion e shpërdorimit të detyrës.
 
“Aktualisht, krahas çështjeve që janë në gjykim, autoritetet hetimore shqiptare kanë nën hetim një numër të konsiderueshëm zyrtarësh, kryesisht të nivelit të lartë, që dyshohet se janë të përfshirë në veprat penale të korrupsionit dhe shpërdorimit të detyrës”, theksoi ai.
 
Gjithashtu ai bëri të ditur të pranishmëve se legjislacioni shqiptar tashmë e konsideron korrupsionin krim të rëndë, i cili hetohet nga Prokuroria për Krime të Rënda
 
Llalla, vlerësoi si shumë të rëndësishëm bashkëpunimin ndërinstitucional në luftën kundër korrrupsionit.
 
“Kam rreth dy vjet në pozicionin e Prokurorit të Përgjithshëm të Shqipërisë dhe konstatohet se po konsolidohet ndjeshëm komunikimi ndërmjet institucioneve ligjzbatuese. Shqipëria tashmë ka marrë statusin e vendit kandidat për anëtarësimin në Bashkimin Europian dhe lufta kundër korrupsionit konsiderohet prioritet kombëtar”, u shpreh Prokurori i Përgjithshëm.
 
Nga ana tjetër, fokusi i prezantimit të prokurorisë shqiptare në takim ishte edhe tek lufta kundër krimit të organizuar. Për të përballuar këtë sfidë që i kalojnë kufijtë e një shtetit, Prokurori i Përgjithshëm vuri theksin tek bashkëpunimi ndërkombëtar.
 
Konferenca e Bukureshtit është organizuar nga  Komisioni Parlamentar i Rumanisë për Aksesin në Zonën Shengen, në bashkëpunim me Institutin Aspen të Rumanisë, Lëvizja Noastra në Rumani, Shoqëria Akademike, Fondacioni për Zhvillim Partneriteti, si dhe me mbështetjen e Qeverisë së Rumanisë, Ministrisë së Drejtësisë, Komisioni Europian në Bukuresht, Ambasada Italiane në Bukuresht si dhe Ambasada e Shteteve të Bashkuara në Rumani.
 
Konferenca është organizuar në kuadër të 25-vjetorit të rënies së Murit të Berlini dhe kishte në fokus Transparencën dhe Anti-Korrupsionin në Vendet Post Komuniste të Europës Qëndrore dhe Lindore.
 
Në këtë aktivitet, ku përshëndetën zyrtarët më të lartë të Rumanisë, morën pjesë personalitete të vendeve të ndryshme, titullarë të institucioneve në vendet e Europës, gjyqtarë, prokurorë, politikanë, përfaqësues të shoqërisë civile, përfaqësues të organizmave ndërkombëtarë si Komisioni i Bashkimit Europian, Departamenti i Shtetit, OECD, Banka Botërore, Këshillit i Europës, etj.

"Lejet e drejtimit"/ Arrestohet instruktori i një autoshkolle dhe polici ushtarak

11:49 Kronika

Hetimet për vjedhjen e thesarit/ Elisabeta Gjoni dëshmon në Prokurori

11:06 Kronika

Dhori Kule: Nuk ka vendim për dorëheqje në grup

10:37 Kronika

Shqiptarja e vrarë në Francë/ Familjarët: Nuk ishte prostitutë

09:36 Kronika

Policia përballet me trafikantët e armatosur në Gjirokastër/ Në pranga 3 vetë, bllokohen 107 kg drogë

16:29 Kronika

Pas komunistëve, edhe Zef Bushati kërkon legalizimin e marijuanës

15:11 Kronika

Nuk deklaruan interesat private/ILDKP, masa administrative për 9 zyrtarë

14:35 Kronika

Hetimi, 3 anëtarë të Këshillit Mbikqyrës japin dëshmitë në Prokurori

12:19 Kronika

Firmat për shkarkimin e Fullanit do t’i dorëzohen presidentit dhe Kuvendit

12:19 Kronika

Zhvendosja e tregut Dinamo në Kashar, sërish përplasje me policinë

11:57 Kronika